Latest topics

23 தமிழக மீனவர்களை சிறைபிடித்தது இலங்கை

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

23 தமிழக மீனவர்களை சிறைபிடித்தது இலங்கை

Post by இளவரசன் Fri Apr 03, 2009 12:06 pm

ராமேஸ்வரம் (ஏஜென்சி):, 3 ஏப்ரல் 2009 ( 11:01 IST )

ராமே‌ஸ்வரம் அருகே நடுக்கடலில் மீன் பிடித்துக் கொண்டிருந்த தமிழக மீனவர்கள் 23 பேரை இலங்கைக் கடற்படையினர் சிறை பிடித்துச் சென்றனர். .

ராமே‌ஸ்வரத்தைச் சேர்ந்த மாரியப்பன், கருணாமூர்த்தி உள்பட 23 மீனவர்கள் நேற்று கச்சத்தீவு அருகே மீன் பிடித்துக் கொண்டிருந்தனர்.

அப்போது அவர்களை நோக்கி 5 அதிநவீன படகுகளில் இலங்கைக் கடற்படையினர் வந்தனர். வானத்தை நோக்கி சுட்டபடி தமிழக மீனவர்களின் 6 படகுகளையும் சுற்றி வளைத்தனர்.

பின்னர், எல்லை தாண்டி வந்து மீன் பிடித்ததாகக் கூறி 23 மீனவர்களையும் 6 படகுகளுடன் சிறைபிடித்தனர். அவர்களை துப்பாக்கி முனையில் இலங்கை தலைமன்னாருக்கு அழைத்துச் சென்றனர். அங்கு 23 பேரும் ஊர்க்காவல் படை காவ‌ல் நிலையத்தில் ஒப்படைக்கப்பட்டனர்.

மேற்கண்ட தகவலை நேற்று காலை ராமேசுவரத்துக்கு கரை திரும்பிய மற்ற மீனவர்கள் தெரிவித்தனர். மேலும் இதுபற்றி மீன்துறை உதவி இயக்குனர் அலுவலகத்துக்கும் தகவல் தெரிவிக்கப்பட்டது.

இச்சம்பவம் ராமேஸ்வரம் பகுதி மீனவர்கள் இடையே பெரும் பரபரப்பையும் கொந்தளிப்பையும் ஏற்படுத்தியுள்ளது.

இளவரசன்: வி.ஐ.பி; பதிவுகள் : 3334
இணைந்தது : 27/01/2009