கருணாநிதியுடன் வீரப்பன் மகள்கள் சந்திப்பு

இளவரசன் · இளவரசன் Thu Apr 02, 2009 12:25 pm

சென்னை, வியாழன், 2 ஏப்ரல் 2009( 11:53 IST )

முதலமைச்சர் கருணாநிதியை சந்தன கடத்தல் வீரப்பன் மகள்கள் சந்தித்து, "எங்கள் மேல் படிப்புக்கு உதவி செய்யவேண்டும்'' என்று‌ம் ''மைசூ‌ரி‌ல் உ‌ள்ள ‌சிறைய‌ி‌ல் தாயா‌ர் மு‌த்துல‌ட்சு‌மியை ச‌ட்ட‌‌‌ரீ‌தியாக வெ‌ளியே கொ‌ண்டு வர வே‌ண்டு‌ம்'' எ‌ன்று‌ம் கோரிக்கை விடுத்தனர்.

கருணாநிதியுடன் வீரப்பன் மகள்கள் சந்திப்பு Img1090402002_1_1

கருணாநிதியுடன் வீரப்பன் மகள்கள் சந்திப்பு Img1090402002_1_1

முதலமைச்சர் கருணாநிதியை நேற்று வன்னிய அமைப்புகளின் பிரதிநிதிகள் குழுவினர் சந்தித்தனர். அப்போது அந்த குழுவில் இடம் பெற்ற மறைந்த சந்தன கடத்தல் வீரப்பனின் மகள்கள் வீ.வித்தியாராணி, வீ.பிரபா விஜியாலட்சுமி ஆகியோரும் சென்றிருந்தனர்.

அவர்கள் முதலமைச்சர் கருணாநிதிக்கு கோரிக்கை மனு ஒன்றை கொடுத்தனர். அந்த மனுவில், அன்புள்ள அய்யா அவர்களுக்கு வணக்கம், நாங்கள் மறைந்த வீரப்பனின் மகள்கள். எங்கள் தந்தை தங்கள்மீது மிகுந்த மரியாதை வைத்திருந்தார். தங்களுடைய ஆட்சி காலத்தில் தங்களிடம் நேரில் சரண் அடைய பெரிதும் விரும்பி இருந்தார்.

தந்தையை இழந்த பிறகு, எங்கள் தாய் முத்துலட்சுமியின் பாதுகாப்பில் இருந்தோம். இந்த நிலையில் 4 மாதங்களுக்கு முன்பு கர்நாடக காவல்துறையினர் எங்கள் தாய் முத்துலட்சுமி மீது சம்பந்தம் இல்லாத பொய் வழக்கில் கைது செய்து, மைசூரில் உள்ள சிறைச்சாலையில் அடைத்துள்ளனர். நாங்கள் தற்போது ஆதரவு இல்லாமல் உள்ளோம். எங்கள் தாயை நீதிமன்றம் மூலம் மைசூரில் சிறையில் இருந்து வெளியே கொண்டுவர உதவிட பணிவன்புடன் வேண்டுகிறோம்.

நான் வித்தியாராணி பிளஸ் 2 தேர்வு எழுதி உள்ளேன். எனது தங்கை பிரபா விஜியா லட்சுமி பிளஸ் 1 படிக்கிறாள். எங்கள் மேல்படிப்புக்கு அரசின் சார்பில் தேவையான உதவிகளைசெய்து கொடுத்திட பணிவன்புடன் வேண்டுகிறோம் எ‌ன்று மனுவில் குறிப்பிடப்பட்டுள்ளது.

கருணாநிதியுடன் வீரப்பன் மகள்கள் சந்திப்பு

கருணாநிதியுடன் வீரப்பன் மகள்கள் சந்திப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக