கெயிக்வாட், ஜடேஜா அபாரம் - கொல்கத்தாவை வீழ்த்தி த்ரில் வெற்றி பெற்றது சென்னை

**ayyasamy ram** · **ayyasamy ram** Fri 30 Oct 2020 - 13:19

-
சிக்சர் அடித்த ஜடேஜாவை பாராட்டும் சாம் கர்ரன்
-----------------------
துபாய்:

ஐ.பி.எல். தொடரின் 49-வது லீக் ஆட்டம் துபாயில் நடைபெற்றது.
இதில் சென்னை சூப்பர் கிங்ஸ் - கொல்கத்தா நைட் ரைடர்ஸ்
அணிகள் பலப்பரீட்சை நடத்தின.

டாஸ் வென்ற சென்னை சூப்பர் கிங்ஸ் அணி கேப்டன்
எம்எஸ் டோனி பந்துவீச்சை தேர்வு செய்தார்.

அதன்படி, கொல்கத்தா அணியின் நிதிஷ் ராணா,
ஷுப்மான் கில் ஆகியோர் தொடக்க வீரர்களாக களம்
இறங்கினர்.

ஷுப்மான் கில் 26 ரன்னிலும், சுனில் நரைன் 7 ரன்னிலும்
ரிங்கு சிங் 11 ரன்னிலும் வெளியேறினர்.

ஒரு பக்கம் விக்கெட் விழ மறுமுனையில் நிதிஷ் ராணா
அரைசதம் அடித்தார். அவர் 61 பந்தில் 87 ரன்களில்
வெளியேறினார். மோர்கன் 15 ரன்னில் ஆட்டமிழந்தார்.

இறுதியில், கொல்கத்தா நைட்ரைடர்ஸ் அணி 20 ஓவரில்
5 விக்கெட்டுக்கு 172 ரன்கள் எடுத்தது. தினேஷ் கார்த்திக்
21 ரன் எடுத்து ஆட்டமிழக்காமல் இருந்தார்.

173 ரன்கள் எடுத்தால் வெற்றி என்ற இலக்குடன் சென்னை
அணி களமிறங்கியது. தொடக்க ஆட்டக்காரர்களாக
ஷேன் வாட்சன், ருத்ராஜ் கெயிக்வாட் ஆகியோர் இறங்கினர்.

இருவரும் அதிரடியாக ஆடினர். முதல் விக்கெட்டுக்கு 50 ரன்கள்
சேர்த்த நிலையில், வாட்சன் 14 ரன்னில் அவுட்டானார்.
அடுத்து வந்த ராயுடு 38 ரன்னில் ஆட்டமிழந்தார்.

கெயிக்வாட் இம்முறையும் பொறுப்புடன் ஆடி அரை சதமடித்தார்.
டோனி ஒரு ரன்னில் அவுட்டாகி ஏமாற்றம் அளித்தார்.
அடுத்து சாம் கர்ரன் இறங்கினார்.

சிறப்பாக ஆடிய கெயிக்வாட் 72 ரன்னில் வெளியேறினார்.
அவரை தொடர்ந்து ஜடேஜா இறங்கினார்.

ஜடேஜாவும், சாம் கர்ரனும் பொறுப்புடன் ஆடி சென்னை
அணியை வெற்றிப் பாதைக்கு அழைத்துச் சென்றனர்.

இறுதிப் பந்தில் ஜடேஜா சிக்சர் அடிக்க சென்னை அணி
6 விக்கெட் வித்தியாசத்தில் வெற்றி பெற்றது.
ஜடேஜா 31 ரன்னும், சாம் கர்ரன் 13 ரன்னும் எடுத்து
ஆட்டமிழக்காமல் உள்ளனர்.
இது சென்னை அணியின் 5வது வெற்றி ஆகும்.

மாலைமலர்

**ayyasamy ram** · **ayyasamy ram** Fri 30 Oct 2020 - 13:23

முதல் மூன்றில் 2-ல் டக்: அதன்பின் அடுத்தடுத்து அரைசதம்- கெத்து காட்டிய கெய்க்வாட்
-
கெயிக்வாட், ஜடேஜா அபாரம் - கொல்கத்தாவை வீழ்த்தி த்ரில் வெற்றி பெற்றது சென்னை 202010292249037215_Tamil_News_Ruturaj-gaikwad-back-to-back-Half-century_SECVPF

கெயிக்வாட், ஜடேஜா அபாரம் - கொல்கத்தாவை வீழ்த்தி த்ரில் வெற்றி பெற்றது சென்னை 202010292249037215_Tamil_News_Ruturaj-gaikwad-back-to-back-Half-century_SECVPF

-
ருத்துராஜ் கெய்க்வாட்
----------------------
சென்னை சூப்பர் கிங்ஸ் அணி சரியான காம்பினேசன் இல்லாமல்
இந்த ஐபிஎல் தொடரில் திணறியது. முதல் ஏழு போட்டிகளில்
இரண்டில் மட்டுமே வெற்றி பெற முடிந்தது.

அம்பதி ராயுடு காயத்தால் வெளியேறிய நிலையில் இளம் வீரராக
கெய்க்வாட் களம் இறங்கினார். முதல் போட்டியிலேயே டக்அவுட்
ஆகி ஏமாற்றம் அளித்தார்.

அடுத்த போட்டியில் சொற்ப ரன்களில் ஆட்டமிழந்தார். அதன்பின்
அணியில் இருந்து அதிரடியாக நீக்கப்பட்டார். சென்னை அணி
பிளேஆஃப்ஸ் சுற்று வாய்ப்பை இழந்த பிறகு மீண்டும் வாய்ப்பு
கொடுத்தது.

மும்பைக்கு எதிரான போட்டியில் தொடக்க வீரராக களம்
இறக்கப்பட்டார். முதல் ஒவரிலேயே டக்அவுட் ஆகி வெளியேறினார்.

ஆனால் கடந்த போட்டியில் ஆர்சிபி-க்கு எதிராக அபாரமான
ஆட்டத்தை வெளிப்படுத்தில் அரைசதம் அடித்ததோடு
அணியையும் வெற்றி பெற வைத்தார்.

இந்நிலையில் இன்று கொல்கத்தாவுக்கு எதிராகவும் அற்புதமான
ஆட்டத்தை வெளிப்படுத்தி அரைசதம் விளாசியுள்ளார்.

முதல் மூன்று போட்டிகளில் இரண்டு முறை டக்அவுட்டாகி
ஏமாற்றம் அடைந்த நிலையில் கடைசி இரண்டு போட்டிகளில்
தொடர்ந்து அரைசதம் அடித்து அசத்தியுள்ளார்.

மாலைமலர்

கெயிக்வாட், ஜடேஜா அபாரம் - கொல்கத்தாவை வீழ்த்தி த்ரில் வெற்றி பெற்றது சென்னை

கெயிக்வாட், ஜடேஜா அபாரம் - கொல்கத்தாவை வீழ்த்தி த்ரில் வெற்றி பெற்றது சென்னை

Re: கெயிக்வாட், ஜடேஜா அபாரம் - கொல்கத்தாவை வீழ்த்தி த்ரில் வெற்றி பெற்றது சென்னை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக