படுமோசமாக சொதப்பிய சிஎஸ்கே... மும்பை இந்தியன்ஸ் அபார வெற்றி!

**ayyasamy ram** · **ayyasamy ram** Sat 24 Oct 2020 - 9:10

ஷார்ஜாவில் நடைபெற்ற 41ஆவது லீக் போட்டியில்
டாஸ் வென்ற
மும்பை இந்தியன்ஸ் முதலில் பந்துவீச முடிவு செய்தது.
முதலில் களமிறங்கிய சென்னை சூப்பர் கிங்ஸ் அணி,
அடுத்தடுத்து விக்கெட்களை இழந்து படுமோசமாகச்
சொதப்பியது.

ருதுராஜ் கெய்க்வாட், ஃபாஃப் டூ பிளஸி, அம்பத்தி ராயுடு
போன்றவர்கள் ஒற்றை இலக்க ரன்கள் மட்டும் எடுத்து
ஆட்டமிழந்தனர்.

மகேந்திரசிங் தோனி, ரவிந்திர ஜடேஜா போன்றவர்களும்
சரியாக ஜொலிக்காத காரணத்தால் சென்னை அணி 71 ரன்கள்
எடுப்பதற்கு 8 விக்கெட்களை இழந்தது. அணி 100 ரன்களை
கடப்பதே சிரமம் என்ற நிலை உருவாகியபோது, சாம் கரன்
சிறப்பாக விளையாடினார்.

மொத்தம் 47 பந்துகளை எதிர்கொண்ட அவர் 2 சிக்ஸர்,
4 பவுண்டரிகள் உதவியோடு 52 ரன்கள் சேர்த்தார்.
இதனால், சென்னை சூப்பர் கிங்ஸ் அணி 20 ஓவர்கள் முடிவில்
9 விக்கெட்களை இழந்து 114 ரன்கள் சேர்த்தது. டிரன்ட் போல்ட்
4 ஓவர்கள் வீசி 18 ரன்கள் மட்டும் விட்டுக்கொடுத்து
4 விக்கெட்களை சாய்த்தார்.

115 ரன்கள் எடுத்தால் வெற்றி என்ற எளிய இலக்கை நோக்கி
களமிறங்கிய மும்பை இந்தியன்ஸ் அணிக்கு துவக்கம் சிறப்பாக
அமைந்தது. சென்னை அணி பௌலர்கள் கடுமையாகப்
போராடியும் ஒரு விக்கெட்டை கூட வீழ்த்த முடியவில்லை.

குவின்டன் டி காக் 37 பந்துகளில் 46 ரன்கள் சேர்த்தார்.
மறுமுனையில், இஷான் கிஷன் சிறப்பாக விளையாடி
37 பந்துகளில் 5 சிக்ஸர், 6 பவுண்டரிகள் விளாசி 68 ரன்கள் சேர்த்து
அசத்தினார். இதனால், மும்பை இந்தியன்ஸ் அணி 10 விக்கெட்கள்
வித்தியாசத்தில் அபார வெற்றிபெற்றது.
---
தமிழ் சமயம் செய்திகள்

படுமோசமாக சொதப்பிய சிஎஸ்கே... மும்பை இந்தியன்ஸ் அபார வெற்றி!

படுமோசமாக சொதப்பிய சிஎஸ்கே... மும்பை இந்தியன்ஸ் அபார வெற்றி!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக