வணக்கம்

வணக்கம் !
யாருக்குன்னு பாக்குறீங்களா ? உங்களுக்குத்தான்!
என்ன திடீர்னு இப்ப வந்து புதுசா ஒரு வணக்கம்?
இதுதானே உங்க சந்தேகம்?
அந்த சந்தேகத்தை இப்போ தீர்த்து வச்சுடறேன் ஒண்ணுமில்லே ...
எனக்குத் தெரிஞ்ச சிலதை உங்க காதுலேயும் போட்டு வைக்கலாம் என்று ஒரு நினைப்பு.

மனுஷன் கேட்கிறது அதிகமா இருக்கணும்ங்கறதுக்குத்தான் ரெண்டு காது !பேசறது குறைச்சலா இருக்கணும்ங்கறதுக்காகத் தான்
ஒரு வாய்.

இப்படி இருக்கிறப்பவே நிலைமை இப்படி இருக்கு... அப்படி இருக்கிறப்போ ஒவ்வொரு மனுஷனுக்கும் ரெண்டு வாய், ஒரு காதுன்னு இருந்தா உலகம் எப்படி இருக்கும்? கொஞ்சம் கற்பனைப் பண்ணிப் பாருங்களேன் அப்புறம் யாரும் தெருவுலே நடமாடவே முடியாது !

அது இருக்கட்டும் இப்ப விஷயத்துக்கு வருவோம் ... இன்னைக்கு முதல் தடவையா எந்த தகவலை உங்களுக்குச் சொல்றது? ம் ... சரி...
இந்த வணக்கம் என்கிற வார்த்தையையே எடுத்துக் கொள்வோமே ! நாம ஒருத்தரை ஒருத்தர் பார்க்கிறப்போ ' வணக்கம்'னு சொல்லிக்கிறோம்... சிலபேர் 'நமஸ்காரம்' னு சொல்லிக்குவாங்க ...என்ன சௌக்கியமா இருக்கியா?... ன்னு கேட்டுக்கறது சிலபேர் வழக்கம்..

இந்தப் பழக்கம் இடத்துக்கு இடம் வித்தியாசப்படுது... நாட்டுக்கு நாடு வித்தியாசப்படுது...

வங்காளத்துலே ஒருத்தரை ஒருத்தர் பார்த்துக்கிட்டா என்ன சொல்லிக்குவாங்க தெரியுமா ?
ராம் ராம் இப்படித் தான் சொல்லுவாங்க !
இங்கிலீஷ் காரங்க காலை வந்தனம் உங்கள் உடல் எப்படி ?...ம்பாங்க.
அதாவது Good Morning, How do you do ?

எகிப்து நாட்டில் ஒரு வேடிக்கை...
அவங்க எப்படி ஒருத்தருக்கொருத்தர் விசாரிச்சுகிறது தெரியுமா?
"நீங்க எவ்வளவு வியர்வை விடுகிறீர்கள்" ?" எப்படி இருக்கு இது ? பாட்டில் வச்சிகிட்டு அளந்தா சொல்ல முடியும் ? இருந்தாலும்
அவங்க பழக்கம் அது !

சீனாக்காரங்க வேறே விதம்..!
உங்க வயிறு எப்படி இருக்கு சாப்பிட்டீங்களா ? இதுதான் அவங்க விசாரிக்கிற முறை.

ரஷ்யா காரங்க கேக்கறது எப்படி எப்படி தெரியுமா ? நீங்க எப்படி உயிரோட இருக்கீங்க ?"
ஏதோ ஆச்சரியப்பட்டு கேட்கிறது மாதிரி இல்லே மாதிரி இல்லே இது ?

பெர்ஷியர்கள் ___ "உங்கள் நிழல் என்றும் குறையாமல் இருக்க வேண்டும்" அப்படின்னு சொல்லிக்கிறாங்க...
இது கொஞ்சம் பரவாயில்லே !

ஜெர்மனிகாரங்க உங்களைப் பத்தி உங்களுக்கு என்ன தோணுது ? அப்படின்னு கேக்கிறாங்க ...

பிரெஞ்சுக்காரங்க உங்களை எப்படி தூக்கிக்கிட்டு போறீங்க ?" அப்படின்னு கேக்குறாங்க...

நம்ம ஆள்லேயே சில பேரை பார்க்கப்போகும் இதே மாதிரி விசாரிக்கலாம் போல விசாரிக்கலாம் போல மாதிரி விசாரிக்கலாம் போல பார்க்கப்போகும் இதே மாதிரி விசாரிக்கலாம் போல விசாரிக்கலாம் போல தோன்றும் !
அவங்களை துணிச்சலாகவும் நாம கேட்டுடலாம் ... 'உங்க உடம்பை எப்படி தூக்கிக்கிட்டு போறீங்கன்னு !'
விரட்டினா நாம் ஓடியாந்துடலாம்... அவங்களாலே துரத்திக்கிட்டு வந்து நம்மை பிடிக்க முடியாது! இப்படி ஒருத்தரை ஒருத்தர் நலம் விசாரிக்கிறதுங்கறது இடத்துக்கு இடம் வித்தியாசப்படுது. வார்த்தை மட்டும்னு இல்லே செய்கையும் அப்படித்தான்.

நாம ரெண்டு கையும் ஒண்ணா சேர்த்து கும்பிடறோம். சிலபேர் ஒரு கையை நெத்தியிலே வச்சுடறாங்க சுலபமா ! சில எடத்துலே மூக்கைத் தொட்டா வணக்கம் செலுத்தறதா அர்த்தம்...
அது சரி என்ன ஒரு மாதிரியா யோசிக்கறது மாதிரி தெரியுது... இருக்கிறது ஒரு வாய்! ஆனா அதிகமா பேசுறேனோ ! சரி...
முடிச்சிக்கறேன்...
ஆனா அதுக்கு முன்னாடி உங்களுக்கு மறுபடியும் வணக்கம் சொல்லணும்னு ஆசைப்படறேன்...
சீனாக்காரங்க பாணியிலே.. நீங்க கோவிச்சுக்கபுடாது ...என்ன... சொல்லவா ?
" உங்க வயிறு எப்படி இருக்கு ? சாப்பிட்டீங்களா ?"

நன்றி.
சில நாடுகளில் இருந்திருக்கிறேன்,இப்போதும் இருக்கிறேன். ஆனால் இதுவரை யாரும் அப்படி கேட்டதாக இல்லை.ஒருசமயம் தென்கச்சியிடம் மட்டும் கேட்டார்களா தெரியவில்லை.விசேட விருந்தினராக சென்றிருக்கும் போது கேட்டிருக்கலாம். பொதுவாக இருப்பதாக தெரியவில்லை.

தென்கச்சி சுவாமிநாதன் அவர்கள் இன்று ஒரு தகவல் புத்தகத்தில் எழுதியதை பதிவிட்டேன் நண்பரே ?

தெரியும்.உங்களை குற்றம் சாட்டவில்லை.அப்படி யாரும் ஜப்பான்,ஐரோப்பிய நாடுகளில் சொன்னதாக தெரியவில்லை.சொல்லி இருக்கலாம்,எனக்குத் தெரிந்தவரை இல்லை. அவ்வளவுதான்.

அதனால்தான் ஈகரை ஒரு விதியை உருவாக்கி இருக்கிறது.பதிவு வேறெங்காவது இருந்து வந்தால்,அந்தப் பதிவு எங்கிருந்து என்பதையும் அவர்களுக்கு நன்றியும் சொல்லச் சொல்கிறது ஈகரை.

சரி நண்பரே , தங்கள் கருத்துக்கு நன்றி !