கவிதைகள்

**சிவா** · **சிவா** Thu Apr 16, 2009 6:49 pm

காதல்

உள்ளக் கிடக்கையில்
உள்ளதெல்லாம் கொட்டிவிட
காலம் கடந்து வந்தது
கவிதை மட்டுமல்ல
காதலும் தான் ! ! ! !

பூக்கள் . . .

பூக்களே ! ! !
ஏன் உதிர்ந்தீர்கள் ?
நீங்கள் காத்திருந்த
காலம் !
கடந்துவிட்டது என்றா ?

நிலவு

நிலவே ஏன்
முகம் மறைத்தாய் ?
உன் உள்ளக் கறையை
மூடி மறைப்பதற்கா ?

கனவு

கனவே கலையாதே
உன்னில் மட்டும்தான்
என் கற்பனைகளை
நிசமாகக் காண்கின்றேன் !

அலை

அலையே
ஏன் அலைகின்றாய்
நீ தொலைத்துவிட்ட
உன் இதயத்தை
தேடித் தேடி
அலைகின்றாயோ ?

தாய்

குழந்தைக்கு தாய் அவள்
அம்மா ! ! !
தாலாட்ட பாலுட்ட அவள்
அம்மா ! ! !
இளமை போனால்
அவளுக்குப் பெயர்
சும்மா ! ! !

குறிப்பு:
இந்த கவிதைகளை நான் எழுதவில்லை.
இவ்வளவு அருமையான கவிதைகள் வடித்தவரின் பெயர் கிடைக்கவில்லை.
PDF உருவில் இருந்ததை இங்கு வெளியிடுகிறேன்....

**சிவா** · **சிவா** Fri Apr 17, 2009 2:42 am

நட்சத்திரம்

வானத்தில் ஓர் நட்சத்திரம்
தனியாக துணை தேடி
அலைந்தது..

கடல் போல மனிதர் கூட்டம்
நீ மட்டும் தனியாகத் தெரிந்தாய்
உன் கைகளில் விழுந்தது.

கைகள் சுடுகிறதா? குளிர்கிறதா?
கைபிடிப்பாயா? கைவிடுவாயா?

கவிதைகள் Brose

பட்டமரம்

பாதையில் ஓர் பட்டமரம்
யார் கண்ணிலும்
படாமல் இருந்தது.

உன் பார்வையால் பசுமையாக்கினாய்
பாசம் என்னும் நீர் ஊற்றினாய்
நேசம் என்னும் உரம் இட்டாய்

பட்டமரம் துளிர்த்தது
செழித்து வளர்ந்து விரிந்தது
பாதுகாப்பாயா?
பாராமல் இருப்பாயா?

**சிவா** · **சிவா** Fri Apr 17, 2009 2:44 am

உள்ளம்

உள்ளத்தில் குளித்து
முத்துக்கள் எடுக்கச் சொன்னேன்
முத்துக்களை விட்டுவிட்டு
உள்ளத்தையே எடுத்துக் கொண்டாய்
சிந்திக்க முடியவில்லை- என்
சிந்தையெல்லாம் நீயாய்
இருக்கிறாய்!

கவிதைகள் Brose

பேனா

உருவத்தைப் பார்த்தல்ல
உள்ளத்தைப் பார்த்தேன்
அழகைப் பார்த்தல்ல
வார்த்தை அலங்காரத்தைப்
பார்த்தேன்..
காதல் உன் மேலல்ல
உன் பேனா மேல்தான்

கவிதைகள் Brose

கண்கள்

ஒளி வீசும் நட்சத்திரம்
படம் எடுக்கும் பாம்பு
விடாமல் துடிக்கும் இதயம்
பட்டை தீட்டிய வைரம்
உன் கண்களைச் சொல்கிறேன்.

**சிவா** · **சிவா** Sat Apr 18, 2009 8:46 pm

எப்படி?

காற்றுகூட
புக விடாமல்
பூட்டுப் போட்ட
என் இதயத்துக்குள்
நீ மட்டும்
எப்படிப் புகுந்தாய்?
எனக்கு மட்டும்
சொல்லேன்!

கவிதைகள் Lines

என்ன செய்ய?

காற்றாகி உன்னைத் தீண்டவா?
மழை நீராகி உன்னைக்
குளிப்பாட்டவா?
நிழலாகி உன்னைத் தொடரவா?
இல்லை?
நிஜமாகி உறவாடவா?

கவிதைகள் Lines

**சிவா** · **சிவா** Sat Apr 18, 2009 8:47 pm

நீ

கல்லுக்குள் ஈரம் என்று
அறிந்ததுண்டு உணர்ந்ததில்லை
கல்லான
என் உள்ளத்துக்குள்
ஈரம் உண்டென்று
உணர்த்தியவன் நீ

கவிதைகள் Lines

கனவு

கனவே வந்துவிடு
என் கதாநாயகன்
உன் வரவுக்காக
காத்திருக்கிறான்

கவிதைகள் Lines

Guest · Guest Thu Jul 02, 2009 9:23 am

மிகவும் அ௫மையான கவிதை மகிழ்ச்சி

Sponsored content · Sponsored content

கவிதைகள்

கவிதைகள்

Re: கவிதைகள்

Re: கவிதைகள்

Re: கவிதைகள்

Re: கவிதைகள்

Re: கவிதைகள்

Re: கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக