இந்தியா போஸ்ட் பேமெண்ட் வங்கியின் 99% கணக்குகள் ஆதாருடன் இணைப்பு: அஞ்சல் துறை அதிகாரி தகவல்

**ayyasamy ram** · **ayyasamy ram** Tue Oct 20, 2020 8:19 am

சென்னை: 99 சதவீத ஐபிபிபி கணக்குகள் ஆதாருடன் இணைக்கப்பட்டுள்ளதாக அஞ்சல் துறை அதிகாரி ஒருவர் தெரிவித்துள்ளார். இந்தியா போஸ்ட் பேமெண்ட் பேங்க் (ஐபிபிபி) 2018 செப்டம்பர் மாதம் தொடங்கப்பட்டது. வங்கியில்லாத மற்றும் வங்கி சேவை எளிதில் கிடைக்காத மக்களுக்கு இச்சேவை ஆரம்பிக்கப்பட்டது. தற்போதைய நிலையில் இந்தியா முழுவதும் 3.6 கோடிக்கும் மேற்பட்டோர் இத்திட்டத்தில் இணைந்துள்ளனர். இதேபோல், ஆதார் கட்டாயமாக்கப்பட்ட பிறகு ஐபிபிபி கணக்குடன் ஆதாரை இணைக்கும் பணி தொடங்கப்பட்டது. அதன்படி, இதுவரையில் 99 சதவீதம் ஐபிபிபி கணக்குகளுடன் ஆதார் எண்கள் இணைக்கப்பட்டுள்ளன.

இதுகுறித்து அஞ்சல் துறை அதிகாரி ஒருவர் கூறியதாவது: ஐபிபிபி மூலம் மொத்தமாக 38 ஆயிரம் கோடி மதிப்பிலான நிதி பரிவர்த்தனைகள் நிறைவு செய்யப்பட்டுள்ளன. கடந்த ஆண்டு ஆகஸ்ட் மாதத்தில் இவ்வங்கி 1 கோடி வாடிக்கையாளர்கள் என்ற மைல் கல்லை எட்டியது. இதேபோல், மொத்த வைப்புத்தொகை 303 கோடியிலிருந்து ஐந்து மடங்கு அதிகரித்து 1,558 கோடியாக உள்ளது. இதுவரையில் 99 சதவீதம் கணக்குகளுடன் ஆதார் எண்கள் இணைக்கப்பட்டுள்ளது.

கொரோனா ஊரடங்கின் போது வாடிக்கையாளர்களின் வீடுகளுக்கே நேரடியாக சென்று பென்சன், முதியோர் உதவித்தொகை உள்ளிட்ட சேவைகள் வழங்கப்பட்டது. மக்கள் இயல்புநிலைக்கு திரும்பியுள்ளதால் கொரோனா தடுப்பு நடைமுறைகளுடன் சிறப்பு முகாம்களை எப்போது தொடங்குவது என்பது குறித்து ஆலோசிக்கப்பட்டு வருகிறது. இவ்வாறு கூறினார்.

தினகரன்

இந்தியா போஸ்ட் பேமெண்ட் வங்கியின் 99% கணக்குகள் ஆதாருடன் இணைப்பு: அஞ்சல் துறை அதிகாரி தகவல்

இந்தியா போஸ்ட் பேமெண்ட் வங்கியின் 99% கணக்குகள் ஆதாருடன் இணைப்பு: அஞ்சல் துறை அதிகாரி தகவல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக