நவராத்திரி இரண்டாம் நாளுக்கான நிவேதனம்

**ayyasamy ram** · **ayyasamy ram** Sat Oct 17, 2020 6:29 am

நவராத்திரிக்கு நிவேதன உணவு செய்யச் சொல்லிக்
கொடுக்க, ஜி.ஆர்.டி., ஓட்டல் தலைமை சமையல்
கலைஞர் சீதாராம் பிரசாத் முன்வந்தார்.

ஒவ்வொரு பெயராகச் சொல்லச் சொல்ல, நிமிட
நேரங்களில் எல்லாவற்றையும் தயார் செய்து அசத்தினார்.
இனி தினமும், சீதாராம் பிரசாத் சொல்லிக் கொடுப்பார்.

தேவையான பொருட்கள்

பாசிப்பருப்பு - 100 கிராம்
தேங்காய் பால் - 400 மில்லி
வெல்லம் - 200 கிராம்
ஏலக்காய் பொடி - 1 தேக்கரண்டி
முந்திரி - 50 கிராம்
திராட்சை - 20 கிராம்
நெய் - 30 மில்லி

பாசிப்பருப்பு பாயசம்! :
பாசிப்பருப்பை வறுத்து, நன்றாக வேக வைக்கவும்.
அரை கப் மெல்லிய தேங்காய் பால் சேர்க்கவும்.
வெல்லத்தை சிறிது தண்ணீர் விட்டு காய்ச்சி,
வடிகட்டி சேர்க்கவும்.

பின், மீதமுள்ள தேங்காய் பாலையும் சேர்க்கவும்.
நன்றாக கலந்து, சிறிது கொதிக்க விட்டு, ஏலக்காய்
பொடி சேர்க்கவும். நெய்யில் வறுத்த முந்திரி மற்றும்
திராட்சை சேர்த்து, சூடாக பரிமாறவும்.

இதில் அடங்கியுள்ள சத்துக்கள்:
மொத்த கலோரிகள், 2,332.6;
கார்போஹைட்ரேட், 257.5,
புரதம், 41;
கொழுப்பு, 129.5

**ayyasamy ram** · **ayyasamy ram** Sat Oct 17, 2020 6:30 am

காராமணி சுண்டல்!

தேவையான பொருட்கள்

வெள்ளை காராமணி - 500 கிராம்
எண்ணெய் - 20 மில்லி
கடுகு - 2 தேக்கரண்டி
உளுந்தம் பருப்பு - 2 தேக்கரண்டி
கருவேப்பிலை - 2 ஈர்க்கு
காய்ந்த மிளகாய் - 2
பச்சை மிளகாய் - 2
துருவிய இஞ்சி - 10 கிராம்
பெருங்காயம் - 1 தேக்கரண்டி
உப்பு - தேவையான அளவு
துருவிய தேங்காய் - 150 கிராம்

காராமணியை எட்டு மணி நேரம் ஊற வைத்து,
வேக வைக்கவும். வாணலியில் எண்ணெய் சூடாக்கி,
காய்ந்த மிளகாய், கடுகு, உளுந்தம் பருப்பு,
கருவேப்பிலை, துருவிய இஞ்சி, பச்சை மிளகாய்
மற்றும் பெருங்காயம் சேர்க்கவும்.

இதில், காராமணியுடன் உப்பு சேர்த்து, அடுப்பை
அணைக்கவும். துருவிய தேங்காய் சேர்த்து,
பரிமாறவும்.

இதில் அடங்கியுள்ள சத்துக்கள்:

மொத்த கலோரிகள், 2,531.3;
கார்போ ஹைட்ரேட், 293.4,
புரதம், 118.7 ;
கொழுப்பு, 92.9.

பூஜை நேரம் :
மாலை, 5:00 முதல் இரவு, 7:00 வரை -
-ஏ.வி.சுவாமிநாத சிவாசாரியார் மயிலாடுதுறை

நவராத்திரி இரண்டாம் நாளுக்கான நிவேதனம்

நவராத்திரி இரண்டாம் நாளுக்கான நிவேதனம்

Re: நவராத்திரி இரண்டாம் நாளுக்கான நிவேதனம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக