தைவானுக்கு அமெரிக்கா ஆயுத சப்ளை; திருப்பி தாக்குவோம்- சீனா எச்சரிக்கை..!

தைவானுக்கு அமெரிக்கா ஆயத சப்ளை செய்கிறது.
இதற்கு சீன கம்யூனிஸ அரசு கடும் எதிர்ப்பு தெரிவித்து
வருகிறது. இந்நிலையில் அமெரிக்காவுடன் தைவான்
சிறந்த பொருளாதாரத் தொடர்பு மற்றும் நட்புறவு
கொள்ள விரும்பியது.

இதன் காரணமாக முன்னதாக அமெரிக்க மாகாண
செயலாளர் மைக் பாம்பியோ தைவான் சென்று முக்கிய
அதிகாரிகளை மற்றும் வெளியுறவுத்துறை
அமைச்சர்களை சந்தித்து பேசினார்.

வரும் நவம்பர் 3ஆம் தேதி அமெரிக்க அதிபர் தேர்தல்
நடைபெற உள்ள நிலையில் தற்போது ராய்ட்டர்ஸ்
நிறுவனம் ஒரு புதிய செய்தியை வெளியிட்டுள்ளது.

இதன்படி தைவானுக்கு அமெரிக்கா 3 கனரக ஆயுதங்களை
விற்பனை செய்ய உள்ளதாக தகவல் வெளியாகியுள்ளது.
இதற்கு அனுமதி கோரி டிரம்ப் அரசு அமெரிக்க காங்கிரஸிடம்
விண்ணப்பித்தது.

காங்கிரஸ் இதற்கு அனுமதி வழங்கியதாக கூறப்படுகிறது.
இதனை அடுத்து மூன்று முக்கிய ஆயுதங்களை தைவானுக்கு
அமெரிக்கா விற்பதாக தகவல் வெளியாகியது. தற்போது
சீனா கொதித்து வருகிறது.

அமெரிக்கா அனுப்பியுள்ள ஆயுதங்களை கொண்டு சீன
எல்லையில் தைவான் ராணுவம் தாக்குதல் நடத்தினால் தக்க
பதிலடி கொடுப்போம் என சீனா எச்சரித்துள்ளது.

தைவானை பயன்படுத்தி சீனாவை பழிவாங்க அமெரிக்க அரசு
முயல்வதாக சமூக வலை தளங்களில் பரவலாக
விவாதிக்கப்படுகிறது. ஆனால் இது எந்த அளவுக்கு
செல்லுபடியாகும் என தெரியவில்லை. அமெரிக்கா தைவானுக்கு
வழங்குவதற்காக தயாரித்துள்ள ஆயுதங்கள் குறித்த தகவலும்
வெளியாகி உள்ளது.

அமெரிக்காவின் ஹை மொபிலிட்டி ஆர்ட்டிலரி ராகெட் சிஸ்டம்
(high mobility artillery rocket system) என்ற ராக்கெட் லாஞ்சர்
மார்டின் கார் நிறுவனத்தால் தயாரிக்கப்பட்டுள்ளது.

மேலும் போயிங் கோ நிறுவனத்தின் தொலைதூர தாக்குதல்
நடத்தும் திறன் வாய்ந்த ஏவுகணைகள் தைவானுக்கு
ஏற்றுமதியாக உள்ளன.

எக்ஸ்டர்னல் சென்ஸார் பாட் என்ற தொழில்நுட்பக் கருவி
எஃப்-16 ரக போர் விமானங்களில் பொருத்தப்படும். இந்த கருவி
மூலம் எளிதில் போர்விமானங்கள் தரையில் உள்ள கட்டுப்பாட்டு
நிலையங்களை தொடர்பு கொள்ளமுடியும். இந்த தயாரிப்பையும்
அமெரிக்கா தைவானுக்கு அளிக்க உள்ளது குறிப்பிடத்தக்கது.

தினமலர்

சீனா மூக்கை இப்படித் தான் உடைக்க வேண்டும்.

சபாஷ்! சரியான போட்டி!