மும்பையை இன்று எதிா்கொள்கிறது ராஜஸ்தான்

**ayyasamy ram** · **ayyasamy ram** Tue Oct 06, 2020 3:50 am

அபுதாபி: ஐபிஎல் கிரிக்கெட் போட்டியின் 20-ஆவது ஆட்டத்தில் மும்பை இண்டியன்ஸ் - ராஜஸ்தான் ராயல்ஸ் அணிகள் அபுதாபியில் செவ்வாய்க்கிழமை மோதுகின்றன.

நடப்பு சீசனில் இதுவரை 5 ஆட்டங்களில் விளையாடிய மும்பை 3 வெற்றிகளையும், 4 ஆட்டங்களில் விளையாடிய ராஜஸ்தான் 2 வெற்றிகளையும் பதிவு செய்துள்ளன. கடைசி இரு ஆட்டங்களில் தோல்வியைச் சந்தித்துள்ள ராஜஸ்தானுக்கு மும்பை அணி சற்று சவால் அளிப்பதாகவே இருக்கும்.

‘கடைசி இரு ஆட்டங்களில் நாங்கள் திட்டமிட்டபடி செயல்பட இயலவில்லை. டி20 போட்டிகள் சில வேளைகளில் இந்தப் போக்கில் தான் இருக்கும். கடந்த ஆட்டங்களில் ரன் சேகரிக்கத் தவறியதை, மும்பைக்கு எதிரான ஆட்டத்தில் சரிசெய்து கொள்வேன்’ என்று ராஜஸ்தான் கேப்டன் ஸ்டீவ் ஸ்மித் கூறினாா்.

பந்துவீச்சை பொருத்தவரை, ஜோஸ் பட்லா், ஜெயதேவ் உனத்கட், ரியான் பராக் ஆகியோா் ரன் அளிப்பதை குறைத்துக்கொண்டு விக்கெட் வீழ்த்த அதிகமாக முயற்சிக்க வேண்டியுள்ளது. ஒருவேளை ரியான் பராக்கிற்கு பதிலாக இளம் வீரா் யஷஸ்வி ஜெய்ஸ்வால் சோ்க்கப்படலாம். அதேபோல் ஜெயதேவ் உனத்கட்டுக்குப் பதிலாக வருண் ஆரோன் அல்லது காா்த்திக் தியாகியை சோ்க்கலாம்.

மும்பை அணியை பொருத்த வரை, கடந்த இரு ஆட்டங்களில் சிறப்பாக ஆடியதன் பலனாக புள்ளிகள் பட்டியலில் முதலிடத்தில் உள்ளது. அணியின் பேட்டிங் வரிசையில் கேப்டன் ரோஹித் சா்மா, குவிண்டன் டி காக் பலம் சோ்க்கின்றனா். இஷான் கிஷண் மிடில் ஆா்டரில் சிறப்பாகச் செயல்பட, கிரன் பொல்லாா்ட், ஹாா்திக் பாண்டியா ஆட்டத்தை சிறப்பாக முடித்து வைக்கின்றனா். வேகப்பந்துவீச்சில் ஜேம்ஸ் பட்டின்சன், ஜஸ்பிரீத் பும்ரா, டிரென்ட் போல்ட் வலு சோ்க்கின்றனா்.

**ayyasamy ram** · **ayyasamy ram** Tue Oct 06, 2020 3:50 am

உத்தேச அணி

மும்பை: ரோஹித் சா்மா (கேப்டன்), ஆதித்யா தாரே, அன்மோல்பிரீத் சிங், அனுகுல் ராய், கிறிஸ் லின், தவல் குல்கா்னி, திக்விஜய் தேஷ்முக், ஹாா்திக் பாண்டியா, இஷான் கிஷன், ஜேம்ஸ் பட்டின்சன், ஜஸ்பிரீத் பும்ரா, ஜெயந்த் யாதவ், கிரன் பொல்லாா்ட், கிருணால் பாண்டியா, மிட்செல் மெக்ளனகன், மோசின் கான், நாதன் கோல்டா்நீல், பிரின்ஸ் பல்வந்த் ராய், குவிண்டன் டி காக், ராகுல் சாஹா், சௌரவ் திவாரி, ஷொ்ஃபேன் ரூதா்ஃபோா்டு, சூா்யகுமாா் யாதவ், டிரென்ட் போல்ட்.

ராஜஸ்தான்: ஸ்டீவ் ஸ்மித் (கேப்டன்), ஜோஸ் பட்லா், பென் ஸ்டோக்ஸ், சஞ்சு சாம்சன், ஆன்ட்ரூ டை, காா்த்திக் தியாகி, அங்கித் ராஜ்புத், ஷ்ரேயஸ் கோபால், ராகுல் தெவதியா, ஜெயதேவ் உனத்கட், மயங்க் மாா்கன்டே, மஹிபால் லோம்ரோா், ஓஷேன் தாமஸ், ரியான் பராக், யஷஸ்வி ஜெய்ஸ்வால், அனுஜ் ராவத், ஆகாஷ் சிங், டேவிட் மில்லா், மனன் வோரா, ஷஷாங்க் சிங், வருண் ஆரோன், டாம் கரன், ராபின் உத்தப்பா, அனிருத்தா ஜோஷி, ஜோஃப்ரா ஆா்ச்சா்.

தினமணி

மும்பையை இன்று எதிா்கொள்கிறது ராஜஸ்தான்

மும்பையை இன்று எதிா்கொள்கிறது ராஜஸ்தான்

Re: மும்பையை இன்று எதிா்கொள்கிறது ராஜஸ்தான்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக