விமான பணிப்பெண்ணிடம் “செக்ஸ்” குறும்பு பயணி கைது

by தண்டாயுதபாணி Mon Jan 11, 2010 12:45 pm

மும்பை, ஜன. 11-

விமான பணிப்பெண்ணிடம் “செக்ஸ்” குறும்பில் ஈடுபட்ட பயணி கைது செய்யப்பட்டார். ஹாங்காங்கில்
இருந்து மும்பைக்கு தனியார் விமானம் ஒன்று வந்தது. இதில் டிசவுசா (வயது
56) என்பவர் பயணம் செய்தார். அவர் குடிபோதையில் இருந்தார்.

நடுவழியில்
விமானம் வந்து கொண்டிருந்த போது டிசவுசா விமான பணிப்பெண்ணிடம் “செக்ஸ்”
குறும்பில் ஈடுபட்டார். பணிப்பெண்ணின் கையை பிடித்து இழுத்து கொஞ்சினார்.

மற்ற ஊழியர்கள் டிசவுசாவை கட்டுப்படுத்தினார்கள். இதுபற்றி விமான நிலைய பாதுகாப்பு படைக்கு தகவல் கொடுத்தனர்.

விமானம்
மும்பையில் தரை இறங்கியது. டிசவுசாவை கைது செய்தனர். அவர் மீது பெண்ணை
மானபங்கம் செய்ததாக 354, 509 ஆகிய பிரிவுகளில் வழக்கு தொடர்ந்தனர்.

மது போதையில் அத்து மீறி நடந்து கொண்டாரா? என்பதை கண்டறிய மருத்துவ பரிசோதனை நடத்தப்பட்டது.