சுற்றுச்சூழல் பாதுகாப்பு பகுதிகளில் நிலக்கரி எடுக்க மத்திய, மாநில அரசுகளுக்கு உரிமையில்லை: உச்சநீதிமன்றம்

**ayyasamy ram** · **ayyasamy ram** Thu Oct 01, 2020 6:59 am

புது தில்லி:
சுற்றுச்சூழல் பாதுகாப்பு மண்டலங்களாக அறிவிக்கப்பட்ட இடங்களில் இருந்து நிலக்கரி எடுக்க மத்திய, மாநில அரசுகளுக்கு உரிமை இல்லை என உச்சநீதிமன்றம் தெரிவித்தது.

ஜாா்க்கண்டில் உள்ள நிலக்கரி சுரங்கங்களை ஏலத்தில் விட மத்திய அரசு எடுத்த நடவடிக்கைக்கு எதிராக அந்த மாநில அரசு தொடுத்த வழக்கில் உச்சநீதிமன்றம் இவ்வாறு தெரிவித்தது.

நிலக்கரி சுரங்கங்களை ஏலம் விடுவதற்கு மத்திய அரசுக்குதான் அதிகாரம் உள்ளது என்றும், ஆனால் ஏலத்தில் விடப்படும் இடம் சுற்றுச்சூழல் பாதுகாக்கப்பட்ட பகுதியா இல்லையா என ஆய்வு நடத்திதான் தெரிந்து கொள்ள முடியும் எனவும் உச்சநீதிமன்றம் தெரிவித்தது.

இதுதொடா்பாக மத்திய அரசு ஒரு வாரத்துக்குள் பதிலளிக்க வேண்டும் என்று இந்த வழக்கை விசாரித்த உச்சநீதிமன்ற தலைமை நீதிபதி எஸ்.ஏ.போப்டே தலைமையிலான அமா்வு புதன்கிழமை உத்தரவிட்டது.

ஜாா்க்கண்ட் மாநில அரசு தரப்பில் ஆஜரான மூத்த வழக்குரைஞா்கள் ஏ.எம்.சிங்வி, எஃப்.எஸ்.நாரிமன் ஆகியோா் ‘இந்த ஏலத்தை சில மாதங்களுக்கு ஒத்தி வைக்க வேண்டும் என்றும், ஜாா்க்கண்டில் 30 சதவீத வனப்பகுதி சுற்றுச்சூழல் பாதுகாக்கப்பட்ட பகுதியில் உள்ளது’ என்றும் கூறினா்.

இதற்கு எதிா்ப்பு தெரிவித்த மத்திய அரசின் அட்டா்னி ஜெனரல் கே.கே.வேணுகோபால், ‘மத்திய அரசு அறிவித்துள்ள நிலக்கரி ஏலத்தை 6-9 மாதங்களுக்கு அல்லது சா்வதேச முதலீட்டுச் சூழல் மேம்படும் வரை நிறுத்தி வைக்க வேண்டும் என கூறுவதை ஏற்றுக் கொள்ள முடியாது’ என்றாா்.

இரு தரப்பு வாதங்களைக் கேட்ட நீதிபதிகள், இந்த வழக்கை இரண்டு வாரத்துக்கு ஒத்திவைத்தனா்

தினமணி

சுற்றுச்சூழல் பாதுகாப்பு பகுதிகளில் நிலக்கரி எடுக்க மத்திய, மாநில அரசுகளுக்கு உரிமையில்லை: உச்சநீதிமன்றம்

சுற்றுச்சூழல் பாதுகாப்பு பகுதிகளில் நிலக்கரி எடுக்க மத்திய, மாநில அரசுகளுக்கு உரிமையில்லை: உச்சநீதிமன்றம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக