சென்னையில் இந்த இடங்களை ஆக்ஸிஜன் மண்டலங்களாக மாற்றலாம்’ – விவேக்கின் சூப்பரான ஐடியா!

-
நடிகர் விவேக் சுற்றுச்சூழலைப் பற்றி அக்கறை
கொண்ட பிரபலங்களில் ஒருவர் மற்றும் மாநிலம்
முழுவதும் தவறாமல் மரங்களை நடவு செய்வதில்
பெயர் பெற்றவர்.

‘பசுமை கலாம்’ திட்டத்தின் ஒரு பகுதியாக
33 லட்சத்துக்கும் மேற்பட்ட மரக்கன்றுகளை நட்டுள்ள
நடிகர் விவேக், இப்போது ஒரு முக்கியமான
ஆலோசனையுடன் வந்துள்ளார்.

ட்விட்டரில் ஒரு நபர், சென்னையின் கத்திபாரா மற்றும்
கோயம்பேடு மேம்பாலங்களின் புகைப்படங்களைப்
பகிர்ந்துகொண்டு, சென்னையில் இந்த இரு இடங்களிலும்
மரங்களை நடும் திட்டத்தை நடிகர் விவேக்கிற்குத்
தெரிவித்தார்.

GCC (கிரேட்டர் சென்னை கார்ப்பரேஷன்) அதை
புறக்கணிக்கிறது என்றும், விவேக்கை தனது ‘பசுமை கலாம்’
திட்டத்தில் இந்த பணியையும் சேர்க்குமாறு கேட்டுக்
கொண்டார்.

அதற்கு பதிலளித்த விவேக், அதைப் பற்றி பலமுறை
யோசித்ததாகவும், அந்த இடங்களில் பல மரங்களை நடவு
செய்வதன் மூலம் இரு மேம்பாலங்கள் இருக்கும்
இடங்களையும் சிறந்த ஆக்ஸிஜன் மண்டலங்களாக
மாற்றுவதை உறுதி செய்ய அரசாங்கம் ஒரு முயற்சியை
மேற்கொள்ள முடியும் என்றும் கூறினார்.

அவர் தனது ட்வீட்டில் “இந்த இடங்களை நான் எப்போதும்
நினைக்கிறேன். கார்ப்பரேஷன் அதிகாரிகளின் உதவியுடன்
அரசு இந்த இடங்களை ஆக்ஸிஜன் மண்டலமாக மரங்கள்
நடுவது அல்லது மினி பூங்காக்களை அங்கு கொண்டு
உருவாக்க முடியும்” என்று பதிவிட்டுள்ளார்.

அவரது பதிவிற்கு ட்விட்டரில் பலரும் நேர்மறையான
கருத்துக்களைப் பகிர்ந்துவருகின்றனர். இந்த இரண்டு
பகுதிகளும் அப்படி பசுமையாக மாற்றப்பட்டால்,
சென்னைக்கு இது நிச்சயம் ஒரு மாற்றத்தை கொடுக்கும்
என்றே நம்பப்படுகிறது.

என்.டி.டி.வி-சினிமா