25-க்கும் மேற்பட்ட எம்பிக்களுக்கு கொரோனா தொற்று... மாநிலங்களவை காலவரையின்றி ஒத்திவைப்பு

by **ayyasamy ram** Wed Sep 23, 2020 8:19 pm

மாநிலங்களவையில் நேற்று 7 மசோதாக்கள் நிறைவேற்றப்பட்ட
நிலையில் இன்று காலவரையின்றி ஒத்திவைக்கப்பட்டது.

கொரோனா தொற்று பரவல் காரணமாக ஒத்திவைக்கப்பட்ட
நாடாளுமன்ற மழைக்கால கூட்டத்தொடர் முன்னெச்சரிக்கை
நடவடிக்கைகளுடன் கடந்த 14ம் தேதி தொடங்கியது.

மக்களவை, மாநிலங்களவை தினமும் 4 மணி நேரம் மட்டுமே
கூடின. சனி, ஞாயிற்றுக்கிழமைகளில் வழக்கமான வார
விடுமுறையின்றி இரு அவைகளும் இயங்கி வந்தன.

இதற்கிடையே, 25-க்கும் மேற்பட்ட எம்பிக்களுக்கு கொரோனா
தொற்று உறுதியானதால் அக்டோபர் ஒன்றாம் தேதி முடிவடைய
உள்ள கூட்டத்தொடரை இன்றுடன் முடித்துக் கொள்ள மத்திய
அரசு திட்டமிட்டது

அதன்படி, மாநிலங்களவை இன்று பிற்பகலுடன் காலவரையின்றி
ஒத்திவைக்கப்பட்டது. நடப்பு மழைக்கால கூட்டத்தொடரில்
19 மசோதாக்கள் மாநிலங்களவையில் நிறைவேற்றப்பட்டன.

முன்னதாக எதிர்க்கட்சிகளின் கடும் அமளிக்கு மத்தியில்
வேளாண் மசோதாக்கள் நிறைவேற்றப்பட்டன. அப்போது
ரகளையில் ஈடுபட்டதாக 8 எம்பிக்கள் சஸ்பெண்ட் செய்யப்பட்ட
விவகாரத்தில் அவை நடவடிக்கையை எதிர்க்கட்சிகள் புறக்கணித்தது
குறிப்பிடத்தக்கது.
-
நியூஸ் 18

by **krishnaamma** Wed Sep 23, 2020 8:46 pm

உண்மையாகவே கொரானா வா அல்லது வர விருப்பம் இல்லாதவர்கள் இப்படி சொல்கிறார்களா? .... ஜாலி

25-க்கும் மேற்பட்ட எம்பிக்களுக்கு கொரோனா தொற்று... மாநிலங்களவை காலவரையின்றி ஒத்திவைப்பு

25-க்கும் மேற்பட்ட எம்பிக்களுக்கு கொரோனா தொற்று... மாநிலங்களவை காலவரையின்றி ஒத்திவைப்பு

Re: 25-க்கும் மேற்பட்ட எம்பிக்களுக்கு கொரோனா தொற்று... மாநிலங்களவை காலவரையின்றி ஒத்திவைப்பு