இன்று ராஜஸ்தானை எதிா்கொள்கிறது சென்னை

ஷாா்ஜா:
இந்தியன் பிரீமியா் லீக் (ஐபிஎல்) கிரிக்கெட் போட்டியின் 4-ஆவது லீக் ஆட்டத்தில் சென்னை சூப்பா் கிங்ஸ் - ராஜஸ்தான் ராயல்ஸ் அணிகள் செவ்வாய்க்கிழமை ஷாா்ஜாவில் மோதுகின்றன.

தொடக்க ஆட்டத்தில் நடப்பு சாம்பியனான மும்பையை வீழ்த்திய சென்னை, அடுத்த வெற்றிக்கான முனைப்புடன் களம் காண்கிறது. மறுபுறம், முதல் ஆட்டத்தை வெற்றியுடன் தொடங்கும் எதிா்பாா்ப்பில் ராஜஸ்தான் உள்ளது.

சென்னை அணியின் அடுத்த சில ஆட்டங்களில் டுவைன் பிராவோ பங்கேற்கவில்லை என்றாலும், அதை ஆல்-ரவுண்டராக சிறப்பாக செயல்பட்டுவரும் சாம் கரன் சரிசெய்கிறாா். ராயுடு-டூபிளெஸ்ஸிஸ் கூட்டணி சிறப்பானதொரு ரன் சேஸை தரும் என எதிா்பாா்க்கலாம்.

சுழற்பந்துவீச்சாளா் பியூஷ் சாவ்லா கூடுதல் பலம். மும்பைக்கு எதிரான ஆட்டத்தின் கடைசி ஓவரில் ஃபீல்டிங்கில் தீபக் சாஹா் தடுமாற்றத்தை வெளிப்படுத்தியது கேப்டன் தோனிக்கு அதிருப்தி ஏற்படுத்தியுள்ளது. ஒருவேளை அவருக்குப் பதிலாக ஷா்துல் தாக்குா் சோ்க்கப்படலாம்.

ராஜஸ்தான் அணியைப் பொருத்த வரையில் ஆல்-ரவுண்டா் பென் ஸ்டோக்ஸ் இல்லாதது குறையாக பாா்க்கப்படுகிறது. எனினும், காயத்திலிருந்து மீண்டு வந்துள்ள கேப்டன் ஸ்டீவ் ஸ்மித் தலைமையில் ராஜஸ்தான் அணி வெற்றியை எளிதாக விட்டுக்கொடுக்காது எனத் தெரிகிறது.

போட்டியில் பங்கேற்க துபை வந்த நிலையில் 36 மணி நேர கட்டாய தனிமைப்படுத்துதல் காரணமாக ஜோஸ் பட்லரும் முதல் ஆட்டத்தில் பங்கேற்கவில்லை. ஜோஃப்ரா ஆா்ச்சா், டேவிட் மில்லா், ஆன்ட்ரூ டை, டாம் கரன் போன்றோா் அணிக்கு பலம் கூட்டுகிறாா்கள். இந்திய வீரா்களான சஞ்சு சாம்சன், ராபின் உத்தப்பா, ஜெயதேவ் உனத்கட், வருண் ஆரோன் ஆகியோா் தங்களது நிலையான ஆட்டத்தை நிரூபிக்க வேண்டியுள்ளது.

அளவிலும், ஆடுகளத்தின் தன்மையிலும் பந்துவீச்சாளா்களுக்கு சவாலாக இருக்கும் இந்த மைதானத்தில் அதிக ஸ்கோா்கள் அடிக்கப்படலாம்.

சென்னை (உத்தேச அணி)

தோனி (கேப்டன்), முரளி விஜய், அம்பட்டி ராயுடு, ஃபா டூபிளெஸ்ஸில், ஷேன் வாட்சன், கேதாா் ஜாதவ், ரவீந்திர ஜடேஜா, லுங்கி கிடி, தீபக் சாஹா், பியூஷ் சாவ்லா, இம்ரான் தாஹிா், மிட்செல் சேன்ட்னா், ஜோஷ் ஹேஸில்வுட், ஷா்துல் தாக்குா், சாம் கரன், ஜெகதீசன், ஆசிஃப், மோனு குமாா், சாய் கிஷோா், ருதுராஜ் கெய்க்வாட், கரன் சா்மா, டுவைன் பிராவோ.

ராஜஸ்தான் (உத்தேச அணி)

ஸ்டீவ் ஸ்மித் (கேப்டன்), ராபின் உத்தப்பா, சஞ்சு சாம்சன், ஜோஃப்ரா ஆா்ச்சா், யஷஸ்வி ஜெய்ஸ்வால், மனன் வோரா, காா்த்திக் தியாகி, ஆகாஷ் சிங், ஓஷேன் தாமஸ், ஆன்ட்ரு டை, டேவிட் மில்லா், டாம் கரன், அனிருத்தா ஜோஷி, ஷ்ரேயஸ் கோபால், ரியான் பராக், வருண் ஆரோன், சஷாங்ச் சிங், அனுஜ் ராவத், மஹிபால் லோம்ரோா், மயங்க் மாா்கன்டே, ஜோஸ் பட்லா், பென் ஸ்டோக்ஸ்.

போட்டி நேரம்: இரவு 7.30; நேரடி ஒளிபரப்பு: ஸ்டாா் ஸ்போா்ட்ஸ்
&விஜய் சூப்பர்-தமிழ்

நன்றி-தினமணி

நல்ல போட்டி ,


தல தோனி மீண்டும் பார்முக்கு வந்தது பார்க்க மகிழ்ச்சியாக இருந்தது , தோல்வி தான் என்றாலும் பெரிய அளவில் ரன் ரேட் வித்தியாசம் இல்லை என்பதால் அடுத்தடுத்த லீக் போட்டிகளில் வெற்றிபெறுவதில் கவனம் இருக்கவேண்டும்.

நம்ம ஊர் பையன் விஜய் , ஆட்ட முறையை மாற்றியாகவேண்டிய கட்டாயத்தில் உள்ளார் , டெஸ்ட் போட்டிகள் போல டி20 போட்டிகளை விளையாடினால் அப்புறம் பெஞ்சில் தான் உட்கார நேரிடும்.

ராஜா wrote:நல்ல போட்டி ,


தல தோனி மீண்டும் பார்முக்கு வந்தது பார்க்க மகிழ்ச்சியாக இருந்தது , தோல்வி தான் என்றாலும் பெரிய அளவில் ரன் ரேட் வித்தியாசம் இல்லை என்பதால் அடுத்தடுத்த லீக் போட்டிகளில் வெற்றிபெறுவதில் கவனம் இருக்கவேண்டும்.

நம்ம ஊர் பையன் விஜய் , ஆட்ட முறையை மாற்றியாகவேண்டிய கட்டாயத்தில் உள்ளார் , டெஸ்ட் போட்டிகள் போல டி20 போட்டிகளை விளையாடினால் அப்புறம் பெஞ்சில் தான் உட்கார நேரிடும்.

மேற்கோள் செய்த பதிவு: 1331864

நேற்று சென்னை ராஜஸ்தானுக்கு 21 ஓவர்கள் விளையாட கொடுத்தார்கள். கடைசி ஓவர் ரெண்டு ஓவருக்கு சமம்.
சென்னைக்கு அதுபோல் 21 ஓவர் கிடைத்து இருந்தால் (ஆசையை பாரு) சென்னை ஜெயித்து இருக்கும்.

விஜய் முதல் டெஸ்ட்டை விட  இந்த டெஸ்ட் பரவாயில்லை. இருப்பினும் நீங்கள் கூறுவது சரியே. 
டெஸ்ட் /ODI /T 20 தக்கபடி அம்மாஞ்சியாக /அடித்து/அதிரடியாக விளையாடவேண்டும்.

ரமணியன்