மார்ச் - ஜூன் வரையாக 1 கோடி புலம்பெயர் தொழிலாளர்கள் சொந்த ஊர்களுக்கு சென்றனர்

புதுடில்லி : இந்தியாவில் மார்ச் - ஜூன் மாதத்தில் 1 கோடிக்கு மேற்பட்ட புலம்பெயர்ந்த தொழிலாளர்கள் கால்நடையாக சொந்த மாநிலங்களுக்குத் திரும்பியதாக அரசு தெரிவித்துள்ளது.

இந்தியாவில் கொரோனா வைரசின் தாக்கம் தொடர்ந்து அதிகரித்து வருகிறது. கொரோனா ஊரடங்கால் சிக்கி தவித்த புலம் பெயர்ந்த தொழிலாளர்கள், லட்சக்கணக்கானோர் சொந்த ஊர்களுக்கு சென்றனர். கொரோனா தொற்றால் அமல்படுத்தப்பட்ட ஊரடங்கின் போது பயணித்தவர்கள் உட்பட, 2020 மார்ச் - ஜூன் மாதங்களில் 1 கோடிக்கும் மேற்பட்ட புலம்பெயர்ந்ததொழிலாளர்கள் தங்கள் சொந்த மாநிலங்களுக்கு கால்நடையாக திரும்பினர் என்று அரசு இன்று (செப்.,22) தெரிவித்து உள்ளது.

கொரோனா இலக்கு மாநிலங்களிலிருந்து அதிக எண்ணிக்கையிலான தொழிலாளர்கள் சொந்த மாநிலங்களுக்கு இடம் பெயர்ந்துள்ளது என்று சாலை போக்குவரத்து மற்றும் நெடுஞ்சாலைத் துறை அமைச்சர் ( Minister of State for Road Transport and Highways ) வி.கே சிங் லோக்சபாவில் கூறினார்.
இது தொடர்பாக அவர் மேலும் கூறுகையில், தொழிலாளர் மற்றும் வேலைவாய்ப்பு அமைச்சகம் தொகுத்த தரவுகளின்படி, ஊரடங்கு காலத்தில் கால்நடையாக பயணித்தவர்கள் உட்பட 1.06 கோடிக்கும் அதிகமான புலம்பெயர்ந்த தொழிலாளர்கள் தங்கள் சொந்த மாநிலங்களுக்கு திரும்பினர். தற்காலிகமாக கிடைக்கக் கூடிய தகவல்களின்படி, 2020 மார்ச் முதல் ஜூன் வரையான காலகட்டத்தில் சாலைகளில் (including national highways) 81,385 விபத்துக்கள் 29,415 உயிரிழப்புகளுடன் நிகழ்ந்தன.

எவ்வாறாயினும், ஊரடங்கு காலத்தில் சாலை விபத்துக்களில் இறந்த புலம்பெயர்ந்த தொழிலாளர்கள் தொடர்பாக அமைச்சகம் தனித்தனி தரவுகளை பராமரிக்கவில்லை. புலம் பெயர் தொழிலாளர்களுக்கான உணவு, குடிநீர் மற்றும் மருத்துவ உதவிகள் மற்றும் முறையான ஆலோசனைகளை வழங்க தேவையான அனைத்து நடவடிக்கைகளையும் எடுக்க உள்துறைஅமைச்சகம் (MHA) மாநில / யூனியன் பிரதேசங்களுக்கு வழக்கமான ஆலோசனைகளை வழங்கியது. நாடு முழுவதும் உள்ள பல்வேறு தேசிய நெடுஞ்சாலைகளில், கால்நடையாகவே, சொந்த ஊர்களுக்கு பயணிக்கும் தொழிலாளர்களுக்கு உதவிகளை அரசு செய்தது.
உள்ளூர் நிர்வாகத்தின் உதவியுடன் தங்களின் இடங்களுக்கு அருகிலுள்ள இடங்களுக்கு அழைத்துச் செல்ல போக்குவரத்து ஏற்பாட்டின் அடிப்படையில் அவர்களுக்கு ஓய்வு மற்றும் உதவி வழங்குவதற்கான ஓய்வு இடங்களும் வழங்கப்பட்டன. ஏப்., 29, 2020 மற்றும் மே 1, 2020 தேதியிட்ட MHA வீடியோ உத்தரவுகள், புலம் பெயர்ந்த தொழிலாளர்களை முறையே பேருந்துகள் மற்றும் ஷ்ராமிக் சிறப்பு ரயில்களில் தங்கள் சொந்த இடங்களுக்கு செல்ல அனுமதித்தன. புலம்பெயர் தொழிலாளர்களுக்காக பல்வேறு மாநிலங்களில் இருந்தும் ஷ்ராமிக் சிறப்பு ரயில்கள் மூலம் எண்ணற்ற தொழிலாளர்கள் சொந்த ஊர்களுக்கு சென்றனர். இவ்வாறு கூறினார்.