உலக அளவில் கரோனா பாதிப்பு 3.09 கோடி: பலி 9.61 லட்சமாக உயர்வு

**ayyasamy ram** · **ayyasamy ram** Sun Sep 20, 2020 11:20 am

வாஷிங்டன்:
கடந்த 9 மாதங்களாக உலக நாடுகளை அச்சுறுத்தி வரும்
கரோனா தொற்றுக்கு தடுப்பூசிகள் எதுவும் வெளிவராத
நிலையில், உலக அளவில் கரோனா நோய்த்தொற்றால்
பாதித்தோரின் எண்ணிக்கை 3.09 கோடியாக உயர்ந்துள்ளது,
அதே நேரத்தில் உயிரிழப்பு 9,61,400 ஆக அதிகரித்துள்ளதாக
புள்ளி விவரங்கள் தெரிவிக்கின்றன.

இதுகுறித்து புள்ளி விவரங்கள் தெரிவிப்பதாவது:

ஞாயிற்றுக்கிழமை காலை நிலவரப்படி, உலக அளவில்
கரோனா நோய்த்தொற்றால் பாதித்தோரின் எண்ணிக்கை
3,09,83,958 ஆகவும், அதேநேரத்தில் தொற்று பாதிப்புக்கு
இதுவரை 9,61,400 பேர் உயிரிழந்துள்ளனர்.

தற்போதைய நிலவரப்படி, உலகம் முழுவதும் 74,39,220 பேர்
கரோனா தொற்றுக்கு தொடர்ந்து சிகிச்சை பெற்று வருகின்றனர்.
அதேநேரத்தில் கரோனா தொற்று பாதிப்பில் இருந்து 2,25,83,338 பேர்
குணமடைந்து வீடு திரும்பியுள்ளனர்.

சிகிச்சை பெற்று வருபவர்களில் 61,386 பேரின் நிலைமை
கவலைக்கிடமாக உள்ளது.

உலகளவில் கரோனா பாதிப்பில் மற்றும் உயிரிழப்பில் அமெரிக்கா
தொடர்ந்து முதலிடத்தில் உள்ளது. அதன்படி அமெரிக்காவில்
69,67,433 பேர் பாதிக்கப்பட்டுள்ளனர், 2,03,824 பேர் உயிரிழந்துள்ளனர்.
தற்போது இந்தியா 53,98,230 தொற்று பாதிப்புகளுடன் இரண்டாவது
இடத்தில் உள்ளது, அதே நேரத்தில் உயிரிழப்பு எண்ணிக்கை 86,774 ஆக
உயர்ந்துள்ளது. பிரேசிலில் 45,28,347 பேரும்,
ரஷியாவில் 10,97,251 பேரும் கரோனா தொற்றால் பாதிக்கப்பட்டுள்ளனர்.

தினமணி

**ayyasamy ram** · **ayyasamy ram** Sun Sep 20, 2020 11:24 am

இந்தோனேசியா: அதிகபட்ச தினசரி பாதிப்பு
-
இந்தோனேசியாவில் இதுவரை இல்லாத அதிகபட்ச தினசரி
கரோனா பாதிப்பு சனிக்கிழமை பதிவானது. இதுகுறித்து
அந்த நாட்டு சுகாதாரத் துறை அதிகாரிகள் கூறியதாவது:

கடந்த 24 மணி நேரத்தில் மட்டும் 4,168 பேருக்கு கரோனா
நோய்த்தொற்று உறுதி செய்யப்பட்டுள்ளது. இது, இதுவரை
இல்லாத அதிகபட்ச தினசரி பாதிப்பாகும்.

இத்துடன், நாட்டில் கரோனாவால் பாதிக்கப்பட்டவா்களின்
எண்ணிக்கை 240,687-ஆக உயா்ந்துள்ளது.இது தவிர, கடந்த
24 மணி நேரத்தில் மேலும் 112 போ் கரோனா நோய் காரணமாக
உயிரிழந்தனா். இதனைத் தொடா்ந்து, நாட்டில் மொத்த கரோனா
பலி எண்ணிக்கை 9,448-ஆக உயா்ந்துள்ளது என்று அதிகாரிகள்
தெரிவித்தனா்.

இதற்கிடையே, தலைநகா் ஜகாா்த்தாவில் கரோனா
பரிசோதனைகளின் எண்ணிக்கையை இரு மடங்காக்கப்
போவதாக அதன் ஆளுநா் அனீஸ் பஸ்வெதான் கூறியுள்ளாா்.

இந்த மாதத்தில் மட்டும் தினமும் சராசரியாக அந்த நகரில்
ஆயிரத்துக்கும் மேற்பட்டவா்களுக்கு கரோனா நோய்த்தொற்று
உறுதி செய்யப்பட்டுள்ளது. சனிக்கிழமை நிலவரப்படி,
இந்தோனேசியாவில் கரோனா நோய்த்தொற்றால் பாதிக்கப்பட்ட
174,350 போ் அந்த நோயிலிருந்து முழுமையாக குணமடைந்துள்ளனா்.
56,889 போ் தொடா்ந்து சிகிச்சை பெற்று வருகின்றனா்.

தினமணி

உலக அளவில் கரோனா பாதிப்பு 3.09 கோடி: பலி 9.61 லட்சமாக உயர்வு

உலக அளவில் கரோனா பாதிப்பு 3.09 கோடி: பலி 9.61 லட்சமாக உயர்வு

Re: உலக அளவில் கரோனா பாதிப்பு 3.09 கோடி: பலி 9.61 லட்சமாக உயர்வு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக