வாழ்த்தலாம் வாங்க ஈகரையை--19/09/2020

ராஜா wrote:அனைவருக்கும் வணக்கம் ,

ஈகரைக்கு இனிய பிறந்தநாள் வாழ்துக்கள்    

ஈகரையின் 13ஆவது பிறந்தநாள் நினைத்து பார்க்கவில்லை இத்தனை வருடம் இந்த அன்பும் உறவும் தொடரும் என்று.

நினைத்து பார்த்தால் மலைப்பாக உள்ளது , ஈகரை உறுப்பினர்களில் விரல்விட்டு எண்ணக்கூடிய அளவுக்கு ஒரு சிலரை தான் நேரில் பார்த்துள்ளேன்  சிவா , மாணிக்கம் நடேசன் ஐயா , கிரிஷ்ணம்மா , பானு , செந்தில்கள் , ரமேஷ் இன்னும் நிறைய பேர் இவர்களை எல்லாம் நேரில் பார்த்தது இல்லை இருந்தாலும் அனைவரும் நேரில் பார்த்து பழகிய நண்பர்கள் போலவும் , குடும்ப உறுப்பினர்கள் போலவும் ஈகரையில் அரட்டை அடிப்பது , போனிலும் , வாத்சப்பிலும் பேசுவது என்பதெல்லாம் வரம். 2009 காலகட்டத்தில் தமிழில் இப்போது உள்ளது போல வலைதளங்கள் இல்லை , அப்போது நம்மை ஒன்றிணைத்தது குறிப்பாக வெளிநாடுகளில் வேலைசெய்தவர்களுக்கு ஈகரை தான் குடும்பம் , பொழுதுப்போக்கு எல்லாமே. இவ்வளவுக்கும் தனிஒருவன் காரணம் அது நம்ம தல சிவா தான்.

 

மாணிக்கம் நடேசன் wrote:அட்டா. ஈகரைக்கு பதிமூன்று வயசாச்சா, என்னமோ நேத்து  தான் பிறந்த குழந்தை மாதிரி இருக்கு, அதே கலகலப்பு, அதே சிரிப்பு. ஈகரை என்னும் குழந்தைக்கு இனிய பிறந்தநாள் வாழ்த்துகள், இக்குழந்தை இன்று போல வாழ்ந்து வளர வேண்டும், இக்குழந்தையை கண்ணின் இமை போல் கருத்துடன் இன்றும் வளர்த்து வரும் எல்லா நல்ல உள்ளங்களுக்கு எனது உளமார்ந்த நன்றியை தலை வணங்கி சமர்ப்பிக்கிறேன்.

ayyasamy ram wrote:ஈகரை -தமிழ் களஞ்சியம்
---------------------------
பிறந்த நாள் வாழ்த்துகள்..    

ஈகரை-யின் வளர்ச்சியில் பங்கு வகிக்கும் அனைத்து
உறவுகளுக்கும் ஈகரையின் சார்பாக நன்றி
தெரிவித்துக் கொள்கிறேன்.

இத்தருணத்தில், எனது பங்களிப்பை பாராட்டியமைக்கு
நன்றியுடன் கூடிய  மகிழ்ச்சியை தலைமை நடத்துநர்
மற்றும் நிர்வாகிகளுக்கு தெரிவித்துக் கொள்கிறேன்.

ஆக்கபூர்வமான பதிவுகளுக்கு முன்னுரிமை அளித்து
எனது பதிவுகள் தொடரும் என்பதையும் அன்புடன்
தெரிவித்துக் கொள்கிறேன்....

 
-
அய்யாசாமி ராமநாதன்