ரஷ்ய தடுப்பூசி: 14 சதவீதத்தினருக்கு பக்கவிளைவு

**ayyasamy ram** · **ayyasamy ram** Tue Sep 15, 2020 6:14 pm

மாஸ்கோ:
'ரஷ்யாவின் 'ஸ்புட்னிக்-வி' கொரோனா தடுப்பூசி, 300க்கும்
அதிகமானோருக்கு செலுத்தப்பட்டது. அதில், 14 சதவீதம்
பேருக்கு பக்கவிளைவுகள் ஏற்பட்டுள்ளன' என, ரஷ்ய
சுகாதாரத் துறை தெரிவித்துள்ளது.

ரஷ்யாவின் காமாலியா தொற்றுநோய் தடுப்பு நுண் அறிவியல்
ஆய்வு நிறுவனம் ரஷ்யாவின் நேரடி முதலீட்டு நிறுவனத்துடன்
இணைந்து கொரோனா தடுப்பு மருந்தைத் தயாரித்துள்ளது.
'ஸ்புட்னிக்-வி' எனப் பெயரிடப்பட்டுள்ள இந்த மருந்து,
'கிளினிக்கல் பரிசோதனையில் 3ம் கட்டத்துக்குச் செல்லவில்லை'
எனக் கூறப்பட்டது.

இருப்பினும் மருந்தின் மீதான நம்பகத்தன்மையை
மக்களுக்குத் தெரியப்படுத்தும் வகையில், தனது மகளுக்கே
இந்த மருந்தைச் செலுத்தினார், ரஷ்ய அதிபர் புதின்.

ஆனால், உலக ஆய்வாளர்கள் மத்தியில் ரஷ்யா கண்டுபிடித்துள்ள
தடுப்பு மருந்து மீது முழுமையான நம்பிக்கை வராததால் அதைத்
தொடர்ந்து விமர்சித்து வந்தனர்.

இந்நிலையில் தங்கள் தடுப்பூசி மருந்தை மூன்றாம் கட்ட
சோதனைகளுக்கு உட்படுத்தியது ரஷ்யா. தங்கள் தடுப்பூசி
அனைத்து கட்ட சோதனைகளையும் வென்றுவிட்டதாகவும்,
ஐரோப்பிய நாடுகளின் கேள்விகளுக்கும் விடையளித்து
விட்டோம் என்றும் ரஷ்யா அறிவித்தது.

'ரஷ்யாவின் ஸ்புட்னிக்-வி தடுப்பூசி நாட்டின் சுகாதாரத் துறை
ஒப்புதலுக்கு பிறகு இந்த வாரம் பயன்பாட்டுக்கு வரும்' என,
ரஷ்ய ஊடகங்கள் தெரிவித்துள்ளன.

இந்நிலையில், ரஷ்ய சுகாதாரத் துறை கூறுகையில்,
''ரஷ்யாவின் 'ஸ்புட்னிக்-வி' எனப் பெயரிடப்பட்டுள்ள
கொரோனா தடுப்பூசி, 300க்கும் அதிகமான
தன்னார்வலர்களுக்கு செலுத்தப்பட்டுள்ளது.

இதில் 14 சதவீதத்தினருக்கு உடல் சோர்வு, தசை வலி மற்றும்
அதிக உடல் வெப்பநிலை பதிவாகியுள்ளது' எனத்
தெரிவித்திருப்பது குறிப்பிடத்தக்கது.

தினமலர்

ரஷ்ய தடுப்பூசி: 14 சதவீதத்தினருக்கு பக்கவிளைவு

ரஷ்ய தடுப்பூசி: 14 சதவீதத்தினருக்கு பக்கவிளைவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக