இந்தியாவின் முதல் கம்ப்யூட்டர் ஸ்கிரீன் சினிமா!

-
நல்ல ஸ்கிரிப்ட்டும் கையில் கொஞ்சம் பணமும் தரமான
கேமரா வசதிகொண்ட போனும் இருந்தால் ஒரு
திரைப்படத்தை எடுத்துவிடலாம் என்ற நம்பிக்கையைத்
தந்திருக்கிறது ‘C U Soon’ என்ற மலையாளப் படம்.

கொரோனா ஊரடங்கு காலத்தில் ஐபோனிலே படம்
முழுவதையும் ஷூட் செய்திருப்பது சமூக வலைத்தளங்களில்
வைரலாகிவிட்டது. இது ஒரு கம்ப்யூட்டர் ஸ்கிரீன் ஃப்லிம்
என்பது ஹைலைட்.அதென்ன கம்ப்யூட்டர் ஸ்கிரீன் ஃப்லிம்?

இணைய சேவையின் அபரிமிதமான வளர்ச்சியால்
சினிமாவுக்குக் கிடைத்திருக்கும் புது வடிவம் இது. கம்ப்யூட்டர்
அல்லது ஸ்மார்ட் போன் ஸ்கிரீனுக்குள்ளேயே படத்தின் கதை
முழுவதையும் சொல்ல வேண்டும்.

நண்பர்களுடன் வீடியோ சாட் செய்யும்போதோ அல்லது ஜூம்
மீட்டிங்கில் கலந்துகொள்ளும்போதோ கம்ப்யூட்டர் திரையில்
தோன்றும் காட்சியைப் போல திரைப்படத்தின் ஒவ்வொரு
காட்சியும் நகரும். திரையைவிட்டு வேறு லொகேஷனுக்குள்
கதை போகக்கூடாது.

கதைக்குள் வரும் டிவைஸ்களில் உள்ள கேமராவின்
செயல்பாட்டைப் போல் ஒளிப்பதிவும், கம்ப்யூட்டர் பயன்பாட்டின்
போது வெளியாகும் சத்தத்தைப் போல் ஒலிப்பதிவும் இருக்க
வேண்டும்.

முக்கியமாக ரியல் டைமில் படமாக்கப்பட்டிருக்க வேண்டியது
கம்ப்யூட்டர் ஸ்கிரீன் ஃப்லிமுக்கு அவசியம்.

நேரடியாக இல்லாமல் வெப் கேம், லேப்டாப், டெஸ்க்டாப், டேஸ் கேம்,
ஸ்மார்ட் போன் மூலம் கதாபாத்திரங்கள் விர்ச்சுவலாக ஒருவருடன்
ஒருவர் தொடர்பு கொள்வார்கள்.

இப்படியான கம்ப்யூட்டர் ஸ்கிரீன் சினிமாக்கள் உலகளவில்
குறைவாகத்தான் வந்திருக்கின்றன. உதாரணத்துக்கு இரண்டு
வருடத்துக்கு முன் வெளியான ஆங்கிலப் படமான ‘சர்ச்சிங்’.

ஆனால், இந்தியாவில் இதுவே முதல் முறை.
‘‘திகில் மற்றும் திரில்லர் கதைகளைச் சொல்வதற்கு கம்ப்யூட்டர்
ஸ்கிரீன் வடிவம்தான் சிறந்தது. வழக்கமான கதை சொல்லலைத்தான்
இதிலும் பின்பற்றியிருக்கோம். ஆனால், வழக்கமான ஷாட்களோ,
எடிட்டிங்கோ, கேமரா கோணங்களோ இதில் இருக்காது.

போன் கால்ஸ், சர்ச் என்ஜின், ஆடியோ மற்றும் வீடியோ சாட்கள்
வழியாக கதை நகரும்.

அதனால் கதையுடன் ஒன்ற பார்வையாளர்களுக்கு கொஞ்ச நேரம்
பிடிக்கலாம்…’’ என்கிறார் படத்தின் இயக்குநரும் எடிட்டருமான
மகேஷ் நாராயணன். இந்தியாவில் லாக்டவுன் ஆரம்பித்த நாட்களில்
‘‘இந்த இக்கட்டான சூழலில் ஏதாவது புதுசா செய்ய வாய்ப்பிருக்கா..?’’
என்று மகேஷிடம் கேட்டிருக்கிறார் படத்தின் நாயகனும்
தயாரிப்பாளருமான பகத் ஃபாசில்.

அப்போது இந்த ஐடியாவை மகேஷ் சொல்ல, ‘C U Soon’ ஆரம்பமானது.
பொதுவாக இணையத்தில் சாட் செய்பவர்கள் See You Soon என்று
சொல்லாமல் ‘C U Soon’ என்பார்கள். இதுவே படத்தின் தலைப்பாகி
விட்டது.குறைவான நபர்களை வைத்து ஷூட்டிங் நடத்த கேரள அரசு
அனுமதி வழங்கியவுடன் ஒர்க் ஃப்ரம் ஹோம் போல கொச்சியில் உள்ள
பகத்தின் பிளாட்டுக்குள்ளேயே ஷூட்டிங்கை முடித்து விட்டார்கள்.

நன்றி-குங்குமம்

புது வித முயற்சி படம் பார்த்தவர்கள் சொன்னால் தான் தெரியும் எப்படி இருக்கு என்று

பரவாயில்லையே.

எப்பிடி பார்ப்பது.?

ரமணியன்