அமெரிக்கா மீது உயிரியல் போர் தொடுக்க ஆயத்தமாகும் சீனா?

**ayyasamy ram** · **ayyasamy ram** Sun Sep 06, 2020 8:21 pm

பீஜிங்:
கொரோனா வைரஸ் பரவத் துவங்கியதில் இருந்து சீனாவுக்கும்
அமெரிக்காவுக்கும் தொடர்ந்து கருத்து மோதல் ஏற்பட்டு வருகிறது.

'கொரோனா வைரசை உலகுக்குப் பரப்பியது சீனாதான்' என,
அமெரிக்க அதிபர் டிரம்ப் பலமுறை குற்றஞ்சாட்டியுள்ளார்.
மேலும், 'அமெரிக்காவின் பொருளாதாரத்தை முடக்கவே சீனாவின்
கம்யூனிச அரசு இவ்வாறான செயல்களில் ஈடுபட்டு வருகிறது'
எனவும் கூறியுள்ளார்.

இந்நிலையில் அமேசான் தளத்தில் ஒரு விற்பனையாளர் சீனாவில்
தயாரிக்கப்பட்ட விதைகளை விற்றுள்ளார். இந்த விதைகள்
அமெரிக்காவில் சில விவசாயிகளின் வீடுகளுக்கு இலவசமாக
அனுப்பப்பட்டுள்ளன. 'இந்த விதைகளை தாங்கள் அமேசான்
தளத்தில் ஆர்டர் செய்யவில்லை' என, வாடிக்கையாளர்கள் குற்றம்
சாட்டியுள்ளனர்.

இது அமேசான் நிர்வாகத்திற்குத் தெரியவந்தது. உடனே அந்த
விற்பனையாளரை தங்கள் தளத்தில் இருந்து நீக்கியது அமேசான்.
மேலும், 'இனி இதுபோன்ற தவறு நடக்காது' என, உறுதியளித்தது.

'அமெரிக்காவில் விவசாயத்தில் ஈடுபட்டுள்ள குடிமக்களுக்கு
இந்த விதைகள் அனுப்பப்பட்டுள்ளன. ஒருவேளை சீனா, அமெரிக்கா
விவசாயத்தை முடக்கவும் உயிரியல் போர் தொடுக்கவும் திட்டமிட்டு
இதுபோன்ற செயலில் ஈடுபட்டிருக்கலாம்' என, அமெரிக்க
விஞ்ஞானிகள் சந்தேகிக்கின்றனர்.
இந்த விதைகள் தற்போது பரிசோதனைக்கு அனுப்பப்பட்டுள்ளன.

கடுகு, ரோஸ்மேரி, லாவண்டர், செம்பருத்தி, ரோஜா, புதினா உள்ளிட்ட
14 வகையான விதைகள் இந்த பாக்கெட்டில் உள்ளன. 'இதுபோல
இலவசமாக கிடைக்கும் விதைகளை அமெரிக்க விவசாயிகள்
யாரும் தங்கள் நிலங்களில் பயிர் செய்யவேண்டாம்' என, அமெரிக்க
விவசாயத் துறை எச்சரித்துள்ளது.

தினமலர்

அமெரிக்கா மீது உயிரியல் போர் தொடுக்க ஆயத்தமாகும் சீனா?

அமெரிக்கா மீது உயிரியல் போர் தொடுக்க ஆயத்தமாகும் சீனா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக