வழி தவறிய சீனர்களை மீட்டு உணவு, ஆக்சிஜன் அளித்த இந்திய ராணுவம்!

**ayyasamy ram** · **ayyasamy ram** Sun Sep 06, 2020 5:59 am

கேங்டாக்:
சீன ராணுவம் லடாக்கின் இந்திய எல்லை பகுதிக்குள்
அத்துமீறி நுழைய முயற்சித்து வரும் பதற்றமான சூழலில்,
சிக்கிமில் ஒரு பெண் உட்பட மூன்று சீனர்கள் வழி தவறி
17,500 அடி உயர மலையில் தவித்ததை அறிந்து இந்திய
ராணுவம் அவர்களை மனிதாபிமானத்துடன் மீட்டுள்ளது.

இந்திய - சீன எல்லையில் கடந்த ஒரு வாரமாக பதற்றமான
சூழல் நிலவி வருகிறது. சீனா அதிகளவிலான படைகளை
குவித்து வருகிறது. அவர்களை ஆக்கிரமிக்க விடாமல் தடுக்கும்
பணியில் இந்திய ராணுவம் இறங்கியுள்ளது.

கடந்த ஜூன் மாதம் கல்வான் பள்ளத்தாக்கில் இது போன்ற
ஒரு மோதலின் போது 20 இந்திய வீரர்கள் வீர மரணம் அடைந்தனர்.
சீனா தரப்பில் 40-க்கும் மேற்பட்டோர் இறந்ததாக கூறப்படுகிறது.

சீனாவின் எல்லைகளை மாற்றி ஆக்கிரமிக்கும் மனப்பான்மை
இந்திய ராணுவத்தினருக்கு ஆத்திரத்தை மூட்டினாலும், அதனை
சீன நாட்டினர் மீது அவர்கள் காட்டவில்லை.

அவர்களை மிகுந்த மனிதாபிமானத்தோடு நடத்திய சம்பவம்
ஒன்று சிக்கிமில் நடந்துள்ளது.

வடக்கு சிக்கிமில் ஒரு பெண் உட்பட 3 சீனர்கள் தங்கள்
இருப்பிடத்திற்கு காரில் திரும்பும் போது வழிதவறி 17,500 அடி உயர
மலையில் கடும் குளிரில் சிக்கிக்கொண்டனர்.

தகவலறிந்த இந்திய ராணுவத்தினர் உடனடியாக அங்கு சென்று
ஆபத்தான நிலையில் இருந்த சீனர்களை மீட்டு அவர்களுக்கு
ஆக்சிஜன் அளித்து, உணவு வழங்கி, குளிர் தாங்கும் உடைகளையும்
தந்துள்ளனர்.
பின்னர் பத்திரமாக அவர்களது இருப்பிடம் செல்ல உதவியுள்ளனர்.

தினமலர்

வழி தவறிய சீனர்களை மீட்டு உணவு, ஆக்சிஜன் அளித்த இந்திய ராணுவம்!

வழி தவறிய சீனர்களை மீட்டு உணவு, ஆக்சிஜன் அளித்த இந்திய ராணுவம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக