திரையரங்கில் வெளியாகும் அமலா பால் தயாரித்துள்ள கடவர் படம்!

by **ayyasamy ram** Wed Sep 02, 2020 6:32 pm

அமலா பால் தயாரித்துள்ள கடவர் படம், நேரடியாகத்
திரையரங்கில் வெளியாகவுள்ளது.

அமலா பால் இணை தயாரிப்பில் உருவாகியுள்ள படம் கடவர். அனூப் பணிக்கர் இயக்கத்தில் அமலா பால், ரித்விகா, அதுல்யா, ஹரீஷ் உத்தமன், ரமேஷ் கண்ணா போன்றோர் நடித்துள்ளார்கள். கேரளாவின் தடய அறுவை சிகிச்சை நிபுணராகப் பணியாற்றிய மருத்துவர் உமா டத்தன் வாழ்க்கையை மையமாகக் கொண்டு இப்படம் உருவாக்கப்பட்டுள்ளது. தமிழ், மலையாளம் ஆகிய மொழிகளில் வெளியாகவுள்ளது.

கடவர் படத்தின் படத்தொகுப்பாளர் சான் லோகேஷ் இன்ஸ்டகிராமில் தெரிவித்ததாவது: கடவர் படத்தின் பணிகள் முடிவடைந்துவிட்டன. மிக நன்றாக வந்துள்ளது. திரையரங்கில் பார்க்க ஆவலாக உள்ளேன் என்று கூறியுள்ளார்.

சமீபத்தில் பல படங்கள் நேரடியாக ஓடிடி தளங்களில் வெளியாகும் சூழலில் அமலா பால் இணை தயாரிப்பில் உருவாகியுள்ள கடவர் படம் திரையரங்கில் வெளியாகும் என்பது உறுதி செய்யப்பட்டுள்ளது,

தினமணி

by **heezulia** Thu Sep 03, 2020 12:53 am

03.09.2020

அமலாபாலின் கடவர் திரைப்படம்

இந்த படத்தோட நிறைய பகுதி சென்னைலயும், கோயம்புத்தூரில் எடுத்திருக்காங்க. இந்த படத்தின் டீம் ஆறு மாசமா அமலாபால் கூட படத்தை பற்றி டிஸ்கஸ் செஞ்சிருக்காங்க. அவர் நடிக்கும் கதாபாத்திரத்தை பற்றி உள்வாங்கி கொள்ள இந்த கால அவகாசம்.

இவரோட தயாரிப்பு நிறுவனத்துக்கு பேர் 'அமலா ஹோம் ப்ரொடக் ஷன்ஸ்'.

நடிக்கிறதை ஓரங்கட்டிட்டு, தயாரிப்பாளராக அவதாரம் எடுத்திருக்கும் அமலாபால் சொன்னது : நா இவ்ளோ நாளா ஸ்டைலாவும், வணிக ரீதியான படங்கள்லயும் நடிச்சுட்டேன். இப்போ நடிப்புல அடுத்த கட்டத்துக்கு போகிற தெளிவு எனக்கு கிடைச்சிருக்கு. கடவர் கதையை கேட்டேன். இதுவரை பார்க்காத, கேள்விப்படாத கதையாக இருந்துச்சு. அதனாலதான் இந்த படத்துக்கு ஒப்புதல் கொடுத்தேன்.

கேரளால உமாதத்தன்னு ஒரு டாக்ட்டர். ப்ரபலமான தடய அறுவை சிகிச்சை நிபுணர். இவர் 'ஒரு போலீஸ் சர்ஜனோடே ஓர்ம குறிப்புகள்' னு ஒரு புத்தகம் எழுதியிருக்கார். இந்த புத்தகத்துல எழுதியிருக்கிற விஷயந்தான் கடவர் படமாக உருவாயிருக்கு. எங்களோட இந்த தயாரிப்பு கண்டிப்பா பாக்ஸ் ஆஃபிஸ் ஹிட்டாகும்னு நம்பிக்கை இருக்கு.

நான் நடிக்கும் கதாபாத்திரத்துக்கு தயாராவுறதுக்கு, டாக்ட்டர் உமா தத்தனோட அந்த புத்தகத்தை வாசிச்சு, ஒரு தடய அறுவை சிகிச்சை ஸ்பெஷலிஸ்ட் கிட்ட ரெண்டு நாள் ட்ரைனிங்கும் எடுத்துகிட்டேன். படத்ல அதுதான் என்னோட ரோல், தடய நோயியல் நிபுணர் டாக்ட்டர் பத்ரா.

இந்த படத்ல நா ஒரு புதிய தோற்றத்தில நடிக்கிறேன். அது ரசிகர்களுக்கு சர்ப்ரைஸாக இருக்கும்.

இப்டி சொல்லியிருக்கார் அமலாபால்.

பேபி