பிறந்த நாள் - சினிமா கலைஞர்கள்

-
நடிகை அனுயா புனேவில் உள்ள திரைப்படம் மற்றும்
டிவி இன்ஸ்டிடியூட்டில் படித்தவர் .

படித்தவுடன் நடிக்க வந்தார் .நடித்தது கொஞ்சப்
படங்கள்தான் அதிலும் தமிழில்தான் அதிகம் நடித்தார் .

சிவா மனசுல சக்தி, நஞ்சுபுரம்,நகரம், மதுரை சம்பவம், நண்பன், நான்
ஆகியவையே

தமிழ் ஒன் இந்தியா

பாடலாசிரியர் மு மேத்தா அவர்கள் பிறந்த நாள்-(05.09.1945)

-

-
பிறப்பு : பெரியகுளம் (தேனி மாவட்டம்) – 1954
முழுப்பெயர் : முகமது மேத்தா
பணி : கல்லூரிப் பேராசிரியர் திரைப்படப் பாடலாசிரியர்
கதை வசனகர்த்தா

தமிழாசிரியராக இருந்து ‘வானம்பாடி’ இதழ்களில்
எழுதியவர்

உவமை உருவகங்களில் பழமையையும் புதுமையையும்
இணைத்தவர்.

படைப்புகள்

ஊர்வலம் (தமிழக அரசு பரிசு)
மனச்சிறகு (மரபு கவிதை)
அவளும் நட்சத்திரம் தான் (கவியரங்கக் கவித் தொகுதி)
சோழ நிலா (வரலாற்று நாவல்)
ஆகாயத்துக்கு அடுத்த வீடு (சாகித்ய அகாடமி விருது – 2006)
கண்ணீர் பூக்கள்
முகத்துக்கு முகம்
வெளிச்சம் வெளியே இல்லை
அவர்கள் வருகிறார்கள்
நடந்த நாடகம் காத்திருந்த காற்று திருவிழாவில் ஒரு தெருப்பாடகன்
நந்தவன நாட்கள் ஒரு வானம் ஒரு சிறகு
இதயத்தின் நாற்காலி

மேற்கோள்

“தாஜ்மஹாலின் காதிலே ராம காதை ஓதலாம்”
– சமய நல்லிணக்கம்

“மரங்களில் நான் ஏழை
எனக்கு வைத்த பெயர் வாழை”
“நட்சத்திரங்களை வருடினாலும்
விரல்கள் என்னவோ
ஜன்னல் கம்பிகளோடுதான்”

“உலகெங்கும் இதழ் இதழாக
இந்த பூக்கள்
உதிர்ந்து விழுவது யாருக்காக”

-

பல வருடங்கள் கழித்து, `செம்பருத்தி' படத்தில்
பானுமதி ராமகிருஷ்ணா நடிக்க வந்தபோது, அவருடன் நடித்தவர்
நடிகை ரோஜா. முதல் படத்திலேயே இந்தக் கம்பீர மனுஷியுடன்
நடித்த அனுபவம் எப்படி இருந்தது. சீனியரான அந்த ஆளுமை
இவரை எப்படி நடத்தினார். நினைவுகளைப் பகிர்கிறார், நடிகை
ரோஜா செல்வமணி.

``பானுமதி அம்மாவின் உடல்மொழியைப் பார்க்கிறப்போ,
எல்லோருக்குமே அவங்க மேலே மனசுக்குள் மரியாதை வரும்.
முதல் தடவை அவங்களை செட்டில் பார்த்தப்போ, பயம் வந்துச்சு.

என்னுடன் அந்தப் படத்தில் நடிச்சவங்க, `நீங்க மட்டுமில்லே,
அந்தக் காலத்தின் பெரிய பெரிய நடிகர்களே அம்மாவைப்
பார்த்து பயப்படுவாங்க'னு சொன்னாங்க.

`செம்பருத்தி' படத்தில் நடிக்கும்போது, எனக்குச் சுத்தமா தமிழ்
தெரியாது. தெலுங்கு மட்டுமே தெரியும். தவிர, நடிப்புக்கும்
எனக்கும் சம்பந்தமே கிடையாது. அதனால், அவங்க இருக்கும்
பக்கமே போக பயப்படுவேன். ஆனால், கதைப்படி எனக்கும்
அவங்களுக்கும் சேர்ந்து நிறைய சீன்ஸ் வரும்.

அந்த நாள்கள் எல்லாம் சிங்கத்துடன் இருந்த உணர்வுதான்''
எனச் சிரிக்கிறார்.

``ஒரு கட்டத்தில், நான் தமிழ் தெரியாமல், யாரிடமும் பேச
முடியாமல் தனியா இருக்கிறதைப் பார்த்த பானுமதி அம்மாவே,
வலிய வந்து பேச ஆரம்பிச்சாங்க. அந்தப் படம் முடியும் வரை,
நிஜ அம்மா மாதிரி அக்கறையோடு பழகினாங்க.

பேசினது குறைவு என்றாலும் அக்கறை இருக்கும். அறிவுரை
சொல்றேன் என மத்தவங்க பர்சனலில் நுழைய மாட்டாங்க.
எனக்கு மட்டும் ஒரேயொரு அறிவுரை சொல்லியிருக்காங்க.
`புரொடியூசரின் கஷ்டம் தெரிஞ்சு நடந்துக்கணும். ஆர்ட்டிஸ்ட்
கொஞ்ச நேரம் கழிச்சு வந்தாலும், அவங்களுக்குப் பண
நஷ்டம்'னு சொல்வாங்க. அவங்களுக்கும் படங்களைத்
தயாரித்த அனுபவம் இருந்ததால்தான், இந்த அறிவுரையைச்
சொன்னாங்க.

படம் முழுக்க ஒரு வீட்டுக்குள்ள நடக்கும் என்பதால், என்
பாட்டியுடன் இருந்த ஃபீல். நான் அவங்களை அம்மா எனக்
கூப்பிட்டாலும், என்னைப் பேத்தி மாதிரி நடத்தினாங்க.

அந்தப் படத்தில் வரும், `செம்பருத்திப் பூவு' பாடல், ஃபேமஸ்.
அந்தப் பாட்டின் முதல் வரியைப் பாடினபோதுதான் முதல்
தடவையா அவங்களுடைய குரல்வளத்தைக் கேட்டேன்.
ஆச்சர்யத்தில் வாயைத் திறந்தபடியே வேடிக்கை
பார்த்துட்டிருந்தேன். அந்த அளவுக்கு இம்ப்ரஸ் பண்ணுச்சு
அவங்க குரல்'' எனப் பரவசமாகிறார் ரோஜா.

படப்பிடிப்பில் பானுமதி எப்படி இருப்பார் என்பது குறித்துப்
பேசும்போது, ``செட்டில் நடக்கும் சம்பவங்களை வைத்தே
ஸ்பாட் ஜோக் சொல்வார். கொஞ்சம் யோசித்தால்தான்
அதற்கான அர்த்தமே புரியும். அவ்வளவு ஸ்மார்ட் அவங்க.
ஒருநாளும் ஷூட்டிங்குக்கு லேட்டா வந்ததில்லை.

குரூப் ஆர்ட்டிஸ்டிடமும் கலந்து பழகுவாங்க. தான் ஒரு
காலத்தின் மிகப்பெரிய கதாநாயகி என்கிற எண்ணம்
அவங்ககிட்ட துளியும் இருந்ததில்லை'' என்கிற ரோஜா
குரலில் மரியாதை மிளிர்கிறது.

ஆ.சாந்திகணேஷ்
நன்றி-விகடன்

-
ஆஷா போஸ்லே
--