ஆன்மிகம் – கேள்வி- பதில்

**ayyasamy ram** · **ayyasamy ram** Tue Sep 01, 2020 10:29 pm

-
கோயிலில் வாங்கிய விபூதி, குங்குமத்தை சிலர்
அங்கேயே விட்டுவிடுவது சரியா?
– வெங்கடேசன், திருவண்ணாமலை.
---
தவறு. கோயிலில் விபூதி, குங்குமம் தருவதே நம்மைச்
சார்ந்தவர்களையும் இறைவனது பிரசாதம்
சென்றடைய வேண்டும் என்ற நோக்கத்தில்தான்.

இறைவனின் பிரசாதத்தை அங்கேயே விட்டுவிடுவது
என்பது அவனது அருளை வேண்டாம் என்று மறுப்பதற்கு
சமம்.

குடும்பத்தினர் அனைவரும் ஒன்றாக இணைந்து
கோயிலுக்கு வந்திருக்கிறோம், எல்லோரும் விபூதி
குங்குமப் பிரசாதத்தை நெற்றியில்
இட்டுக்கொண்டாகிவிட்டது அல்லது வீட்டில் யாருமில்லை
என்றால் கூட, அங்கேயே விட்டுவிட்டு வரக்கூடாது.

ஆலயத்தில் நாம் பெறும் விபூதி, குங்குமப் பிரசாதங்களை
வீட்டிற்கு எடுத்துவந்து பத்திரப்படுத்தி தினசரி நெற்றியில்
இட்டுக் கொள்வதுதான் நல்லது.
--

**ayyasamy ram** · **ayyasamy ram** Tue Sep 01, 2020 10:31 pm

மனிதர்களாகப் பிறந்தவர்களை மகான்கள் என்று
போற்றிக் கொண்டாடுவது சரிதானா?
– மாலா மோகன், வில்லிவாக்கம்.

முற்றிலும் சரியே. சாதாரண மனிதர்களை யாரும்
மகான்கள் என்று போற்றிக் கொண்டாடுவதில்லை.
‘அஹம் ப்ரஹ்மாஸ்மி’ என்கிறது ஆதிசங்கரரின்
அத்வைத சித்தாந்தம்.

அதாவது ஒவ்வொரு மனிதனுக்குள்ளும் இறைவன்
இருக்கிறான் என்பதே இதன் பொருள். எந்த ஒரு
மனிதனிடம் இந்த இறைசக்தி அதிகமாகக் காணப்
படுகிறதோ, அவரை குருவாக எண்ணி அவரது
வழிகாட்டுதலை நாடுகிறோம்.

அதாவது, எது ஒன்றையும் தனக்கென வைத்துக்
கொள்ளாமல் அடுத்தவர்களின் நலன் ஒன்றையே
தனது குறிக்கோளாக வைத்துக் கொண்டு
வாழ்பவர்களையே மகான்கள் என்று போற்றுகிறோம்.

வர்த்தமான மகாவீரர், கௌதம புத்தர், இயேசுபிரான்,
நபிகள் நாயகம், ஆதிசங்கரர், ராமானுஜர், ராகவேந்திரர்,
சாயிபாபா, ரமண மகரிஷி, ஞானானந்தர்,
காஞ்சிப் பெரியவர் என்று நம்மிடையே மனிதர்களுள்
மாணிக்கமாக வாழ்ந்து காட்டியவர்களையே கடவுளாக
வணங்குகிறோம்.

அனைத்தையும் கடந்தவனே கடவுள்.
திரேதாயுகத்தில் மனிதனாக வாழ்ந்து காட்டியவர்
ஸ்ரீராமர். துவாபர யுகத்தில் விளையாட்டுப் பிள்ளையாக
வாழ்ந்து அனைவரின் மனதிலும் இடம் பிடித்தவர்
ஸ்ரீ கிருஷ்ணர்.

இவர்களை நாம் தெய்வங்களாகப் போற்றும்போது இந்த
கலியுகத்தில் மனிதர்களாகப் பிறந்து மகாத்மாக்களாக
வாழ்ந்தவர்களையும் தெய்வமாக எண்ணிப் போற்றுவதிலும்,
பூஜிப்பதிலும் தவறேதும் இல்லை.

**ayyasamy ram** · **ayyasamy ram** Tue Sep 01, 2020 10:32 pm

குழந்தைக்கு ஞாபக சக்தி அதிகரிக்க ஏதாவது
ஸ்லோகம் சொல்லுங்கள்.
– கலைவாணி, கம்பரசம்பேட்டை.

தேர்வு நெருங்கி வரும் இந்த தருணத்தில்
பிள்ளைகளுக்கு உதவி செய்யும் விதமாக இந்தக்
கேள்வியினைக் கேட்டிருக்கிறீர்கள்.

“ஓம் நமோ பகவதே தக்ஷிணாமூர்த்தயே
மஹ்யம் மேதாம்
ப்ரக்ஞ்யாம் ப்ரயச்ச ஸ்வாஹா..!”- என்ற
மந்திரத்தை தினமும் காலை, மாலை இருவேளையும்
11 முறை சொல்லி வர ஞாபக சக்தி கூடும்.

ப்ரக்ஞை என்றால் சுயநினைவு என்று பொருள்.
நினைவாற்றலோடு ஞானத்தையும் சேர்த்துத்
தருபவர் இந்த ப்ரக்ஞ்யா தக்ஷிணாமூர்த்தி.

குழந்தைகள்தான் என்றில்லை, பெரியவர்களும்
கூட ப்ரக்ஞ்யா தக்ஷிணாமூர்த்திக்கு உரிய இந்த
மந்திரத்தை தினமும் சொல்லி வருவதால்
நினைவாற்றல் அதிகரிக்கும்.
--

**ayyasamy ram** · **ayyasamy ram** Tue Sep 01, 2020 10:33 pm

எவர்சில்வர் குத்துவிளக்கினை வீட்டில் ஏற்றலாமா?
கல்யாணி ராகவன், வில்லியனூர்.

கூடாது. எவர்சில்வர் விளக்கினை பூஜை அறையில்
ஏற்றுவது உசிதமில்லை. எவர்சில்வர் என்ற
உலோகமானது இரும்பின் கலவை. இறை
வழிபாட்டிற்கு இரும்பு ஏற்ற உலோகமல்ல.

பித்தளை, வெண்கலம், வெள்ளி முதலான உலோகங்களே
பாரம்பரியமாக நமது பூஜை முறைக்கு உபயோகப்படுத்தப்
படுகின்றன. வசதி இல்லாதவர்கள் வெறும் மண்ணால்
செய்யப்பட்ட அகல் விளக்கினை ஏற்றி வைத்துக் கூட
வழிபடலாம்.

தற்காலத்தில் உற்பத்தியாளர்கள் கூட எவர்சில்வர்
விளக்கு தயாரிப்பதை நிறுத்திவிட்டதாகக் கேள்வி.
-
-------------------

திருக்கோவிலூர்
ஹரிபிரசாத் சர்மா
நன்றி- குங்குமம்-ஆன்மிகம்

Sponsored content · Sponsored content

ஆன்மிகம் – கேள்வி- பதில்

ஆன்மிகம் – கேள்வி- பதில்

Re: ஆன்மிகம் – கேள்வி- பதில்

Re: ஆன்மிகம் – கேள்வி- பதில்

Re: ஆன்மிகம் – கேள்வி- பதில்

Re: ஆன்மிகம் – கேள்வி- பதில்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக