ஊழல் ஊழியர்களுக்கு கல்தா: கணக்கெடுக்கிறது மத்திய அரசு

by **ayyasamy ram** Mon Aug 31, 2020 1:30 pm

புதுடில்லி:
திறமையாக செயல்படாத மற்றும் ஊழல் வழக்கில் சிக்கியுள்ள
ஊழியர்களை, முன்னதாகவே ஓய்வு பெற்றவர்களாக அறிவிக்க,
கணக்கெடுப்பு நடத்தும்படி அனைத்து துறைகளுக்கும், மத்திய
பணியாளர் நலத் துறை உத்தரவு பிறப்பித்துள்ளது.

மத்திய அரசு ஊழியர்களுக்கான பணி விதிகளின்படி,
50 -55 வயதைக் கடந்தவர்கள் அல்லது, 30 ஆண்டுகள் பணியாற்றிய
நபர்களை, பொது நலன் கருதி, ஓய்வில் செல்லும்படி, மத்தியஅரசு
உத்தரவிட முடியும்.

இவ்வாறு ஓய்வில் செல்ல உத்தரவிடுவது, ஒரு தண்டனையாக கருத
முடியாது. கட்டாய ஓய்வில் இருந்து இது வேறுபட்டது.

இந்த நிலையில், 30 ஆண்டுகளுக்கு மேலாக பணியாற்றியுள்ள,
திறமையாக செயல்படாத ஊழியர்கள் மற்றும் ஊழல் வழக்குகளில்
சிக்கியவர்கள் குறித்த பட்டியலை தயாரிக்கும்படி, அனைத்து
துறைகளுக்கும், மத்திய பணியாளர் நலத்துறை உத்தரவிட்டுள்ளது.

இவர்களை ஓய்வில் செல்லும்படி உத்தரவிட திட்டமிடப்பட்டுள்ளது.

தினமலர்

by **Muthumohamed** Mon Aug 31, 2020 1:36 pm

விரைவில் செயல் படுத்துங்கள் நாடாவது நன்றாகட்டும்

by anikuttan Tue Sep 01, 2020 4:44 pm

ஊழல் என்று ஊழியர்களை குறை கூறும் அரசு என்ன ஊழல் செய்யாமலா இருக்கிறது.இது கை இல்லாதவன் ஒரு விரல் இல்லாதவனை பார்த்து வெளியே செல் என்று கூறுவது போன்று உள்ளது.

by **T.N.Balasubramanian** Tue Sep 01, 2020 5:31 pm

ஊழியர்கள் அரசு பதவி பெறுவதே ஊழல் செய்துதான்.
அதற்கு செலவழித்த பணத்தை திரும்பப் பெற ஊழல் செய்தே 'பெறுகிறார்கள்.
இந்தியாவில் ஊழல் சாம்ராஜ்யத்தை வேருடன் கலைபவர்களுக்கு
நோபல் பரிசிற்கு ஈடான மாக்சசே பரிசு தரலாம்.

ரமணியன்