செப்.30ம் தேதி வரை சர்வதேச விமான போக்குவரத்திற்கு தடை

**ayyasamy ram** · **ayyasamy ram** Mon Aug 31, 2020 4:39 pm

புதுடில்லி:
வரும் செப்டம்பர் 30ம் தேதி வரை சர்வதேச விமான
போக்குவரத்துக்கு தடை விதிக்கப்படுவதாக சிவில்
விமான போக்குவரத்து துறை அமைச்சகம் அறிவித்துள்ளது.

கொரோனா அச்சுறுத்தல் காரணமாக கடந்த மார்ச் மாதம்
முதல் ஊரடங்கு பிறப்பிக்கப்பட்டுள்ளது. இதில் ஜூன் மாதம்
முதல் மத்திய அரசு படிப்படியாக தளர்வுகளை அளித்து
வருகிறது.

அந்த வகையில், 29ம் தேதி ஊரடங்கின் 4ம் கட்ட தளர்வுகளை
மத்திய அரசு வெளியிட்டது. இதில், மெட்ரோ ரெயில்
சேவைகளுக்கு அனுமதி அளிக்கப்பட்டது. எனினும், சர்வதேச
விமான போக்குவரத்து எப்போது தொடங்கும் என்பது பற்றி
எந்த தகவலையும் குறிப்பிடவில்லை.

இந்நிலையில், சர்வதேச விமான போக்குவரத்துக்கு விதிக்கப்பட்ட
தடை வரும் செப்.,30ம் தேதி வரை நீட்டிக்கப்படுவதாக மத்திய
சிவில் விமான போக்குவரத்து துறை அமைச்சகம் அறிவித்துள்ளது.

மேலும், மத்திய அரசு அனுமதித்த வழித் தடங்களில் விமானங்கள்
இயக்க தடை இல்லை எனவும், சிறப்பு விமானங்கள் வழக்கம் போல்
இயக்கப்படும் என்றும் சரக்கு போக்குவரத்து சேவை தொடரும்
எனவும் தெரிவிக்கப்பட்டுள்ளது.

அதேபோல், ‛வந்தே பாரத்' திட்டத்திற்கு வெளிநாடுகளுக்கு செல்லும்
சேவை தொடரும் எனவும் சிவில் விமான போக்குவரத்து துறை
அமைச்சகம் அறிவித்துள்ளது.

தினமலர்

SK · SK Mon Aug 31, 2020 4:54 pm

நல்ல வேலை என்னிடம் கடவுச்சீட்டு இல்லை

செப்.30ம் தேதி வரை சர்வதேச விமான போக்குவரத்திற்கு தடை

செப்.30ம் தேதி வரை சர்வதேச விமான போக்குவரத்திற்கு தடை

Re: செப்.30ம் தேதி வரை சர்வதேச விமான போக்குவரத்திற்கு தடை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக