வருணைக் கொல்ல சதி? வேறு சிறைக்கு மாற்றம்

இளவரசன் · இளவரசன் Wed Apr 01, 2009 3:39 pm

லக்னோ (ஏஜென்சி), புதன்கிழமை, 1 ஏப்ரல் 2009 ( 11:17 IST )

தேசிய பாதுகாப்புச் சட்டத்தின் கீழ் கைது செய்யப்பட்டுள்ள பா.ஜனதா வேட்பாளர் வருண் காந்தியை கொல்ல சதித் திட்டம் தீட்டப்பட்டுள்ளதாக கிடைத்த தகவலை அடுத்து அவர் வேறு சிறைக்கு மாற்றப்பட்டார்.

உத்தரப் பிரதேச மாநிலம் பிலிபிட் தொகுதியில் பா.ஜனதா சார்பில் வருண் காந்தி போட்டியிடுகிறார்.அண்மையில் அங்கு நடந்த தேர்தல் பிரச்சாரக் கூட்டத்தில், வகுப்பு மோதல்களைத் தூண்டும் வகையில் பேசியதாக அவர் மீது புகார் தெரிவிக்கப்பட்டது. இதைத் தொடர்ந்து பல்வேறு பிரிவுகளின் கீழ் அவர் மீது காவல்துறையினர் வழக்கு பதிவு செய்து கைது செய்தனர்.

மேலும், உத்தரப்பிரதேச அரசு அவரை தேசிய பாதுகாப்புச் சட்டத்தின் கீழ் கைது செய்தது. இதனால், மற்ற வழக்குகளில் முன் ஜாமீன் கிடைத்தும் விடுதலை செய்யப்படாமல் வருண் சிறையில் அடைக்கப்பட்டுள்ளார்.

இந்நிலையில் வருண் காந்தியைக் கொல்ல சதித் திட்டம் தீட்டப்பட்டுள்ள தகவல் உளவுத் துறைக்கு கிடைத்துள்ளது.

தலைமறைவு தாதா சோட்டா ஷாகீல்- ரஷீத் மலபாரி ஆகியோர் இடையே நடந்த தொலைபேசி உரையாடலை இடைமறித்துக் கேட்டபோது, இந்த சதித்திட்டம் வெளிப்பட்டதாக, உளவுத்துறை வட்டாரங்கள் தெரிவித்தன.

வருண் காந்தியைக் கொலை செய்ய நடக்கும் முயற்சி குறித்து உத்தரப் பிரதேச அரசுக்கு உளவுத்துறை எச்சரிக்கை செய்தது. இதையடுத்து இன்று அதிகாலை 1.30 மணியளவில் பிலிபிட் சிறையில் இருந்து, பலத்த பாதுகாப்புடன் எடா சிறைக்கு வருண் மாற்றப்பட்டார்.

(மூலம் - வெப்துனியா)

வருணைக் கொல்ல சதி? வேறு சிறைக்கு மாற்றம்

வருணைக் கொல்ல சதி? வேறு சிறைக்கு மாற்றம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக