ஏற்றுமதிக்கு ஏற்ற மாநிலம்: தமிழகம் மூன்றாம் இடம்

-


புதுடில்லி :
ஏற்றுமதிக்கு ஏற்றவாறு அனைத்து அம்சங்களிலும்
சிறந்து விளங்கும் மாநிலங்களில், தமிழகம் மூன்றாவது
இடத்தை பிடித்துள்ளது.



மத்திய அரசின் கொள்கை திட்டங்களை வகுக்கும்
'நிடி ஆயோக்' அமைப்பு, போட்டித்திறன் மையத்துடன்
இணைந்து, முதன் முறையாக, 'இ.பி.ஐ.,' எனப்படும்,
ஏற்றுமதிக்கு தயார் நிலையில் உள்ள மாநிலங்களின்
குறியீட்டு பட்டியலை தயாரித்துள்ளது.

அரசு கொள்கை, வர்த்தக நிலவரம், ஏற்றுமதிச் சூழல்,
ஏற்றுமதி செயல்பாடு ஆகிய நான்கு முக்கிய அம்சங்களின்
அடிப்படையில், மாநிலங்கள் தேர்வு செய்யப்பட்டுள்ளன.

அத்துடன், ஏற்றுமதி ஊக்குவிப்பு கொள்கை, அடிப்படை
கட்டமைப்பு வசதி உள்ளிட்ட, 11 பிரிவுகள் அடிப்படையிலும்
மாநிலங்கள் மதிப்பீடு செய்யப்பட்டன. இப்பட்டியலை,
டில்லியில் நேற்று, நிடி ஆயோக் துணை தலைவர்,
ராஜீவ் குமார், வெளியிட்டு பேசியதாவது:

அனைத்து அம்சங்களிலும், ஏற்றுமதிக்கு தயாராக உள்ள
கடலோர மாநிலங்களில், குஜராத், மஹாராஷ்ட்டிரம், தமிழகம்
ஆகியவை, முதல் மூன்று இடங்களை பிடித்துள்ளன.
மொத்த உள்நாட்டு உற்பத்தியில், ஏற்றுமதியின் பங்கை
அதிகரிக்க வேண்டும். இந்தியாவில், தனி நபர்
அடிப்படையிலான ஏற்றுமதி, 18 ஆயிரம் ரூபாய் என்ற
அளவிற்குத் தான் உள்ளது

இது, தென் கொரியா மற்றும் சீனாவில், முறையே, 9 லட்சம்
மற்றும் 13 லட்சம் ரூபாய் என்ற அளவிற்கு உயர்வாக உள்ளது.
ஏற்றுமதியை அதிகரிக்க, தயாரிப்பு அடிப்படையிலான
ஊக்கச் சலுகை வழங்குவது அவசியம். மாநில அரசுகள்,
ஏற்றுமதியை மேம்படுத்த தனி துறையை ஒதுக்க வேண்டும்.

வரும் ஆண்டுகளில், நாட்டின் ஏற்றுமதி, இரு மடங்காக
அதிகரிக்கும். இவ்வாறு அவர் பேசினார்.

இந்தப் பட்டியலில், நிலம் சூழ்ந்த மாநிலங்களில், முதல் மூன்று
இடங்களை, ராஜஸ்தான், தெலுங்கானா, ஹரியானா மாநிலங்கள்
பிடித்துள்ளன. இமாலய மாநிலங்களில், உத்தரகண்ட், திரிபுரா,
இமாச்சல பிரதேசம் ஆகியவையும், யூனியன் பிரதேசங்களில்,
டில்லி, கோவா, சண்டிகர் ஆகியவை முதல் மூன்று இடங்களில்
உள்ளன.

'டாப் 8' கடலோர மாநிலங்கள் :
குஜராத் மஹாராஷ்டிரா , தமிழகம் ,
ஒடிசா , கர்நாடகா , கேரளா , ஆந்திரா , மேற்கு வங்கம்
-------------
தினமலர்

நம்ம சென்னை

திருட்டுதனமாக பணத்தை வெளி நாட்டில் பதுக்குவதிலும் நம் நாடு எந்த இடத்தில் ....அதை கண்டுபிடிக்கத்தான் பாடாய் படுகிறார் திருடன்கள் அகப்டமாட்டேன் என ஒளிந்து ஒளிந்து சாகிறான்.