கொரோனாவோடு நான் வாழ பழகிவிட்டேன்...அதனால் மாஸ்க் அணியவில்லை: அமைச்சர் செல்லூர் ராஜூ விளக்கம்

**ayyasamy ram** · **ayyasamy ram** Fri Aug 28, 2020 1:58 pm

-
மதுரை:
கொரோனாவோடு வாழப் பழகிக்கொண்டு விட்டதால்
முகக்கவசம் அணியவில்லை என அமைச்சர்
செல்லூர் ராஜூ கூறியுள்ளார்.

அதிமுக அமைச்சர் செல்லூர் ராஜூ கடந்த மாதம் கொரோனா
பாதிக்கப்பட்டதால் தனியார் மருத்துவமனையில் அனுமதிக்கப்
பட்டார். பிறகு சிகிச்சையில் குணமடைந்து திரும்பிய அவருக்கு
மதுரையில் கோலாகல வரவேற்பு அளிக்கப்பட்டது.

அதை தொடர்ந்து வழக்கம்போல செயல்பட்டு வரும் அமைச்சர்
செல்லூர் ராஜூ மதுரையில் நடந்த செய்தியாளர்கள் பேட்டிக்கு
மாஸ்க் அணியாமல் வந்தது பரபரப்பை ஏற்படுத்தியது.

கொரோனாவிலிருந்து மீண்டு வந்த நிலையில் மாஸ்க் அணியாமல்
உள்ளாரே என பேசப்பட்ட நிலையில் விளக்கம் அளித்த செல்லூர் ராஜூ,
கொரோனாவோடு நான் வாழ பழகிவிட்டேன். அதனால் மாஸ்க்
அணியவில்லை.

செய்தியாளர்களான நீங்கள் முகக்கவசம் அணிந்துள்ளீர்கள் நான்
முக்கவசம் அணியவில்லை. தமிழகம் இயல்புநிலைக்கு திரும்புகிறது,
என்று கூறியுள்ளார். மேலும் பேசிய அவர், இந்த ஆட்சி தான் வேண்டும்
என மக்களும், ஆளுங்கட்சியை பார்த்து எதிர்க்கட்சிகள் பயப்படும்
அளவு ஆட்சியையும் கட்சியையும் நடத்தி வருகிறோம்.

மக்கள் எளிதாக அணுகக் கூடிய சாதாராண முதல்வராக இருக்கிறார்
எடப்பாடி பழனிசாமி.
நீட் பாதிப்புக்கு ப.சிதம்பரத்தின் மனைவி
நளினி தான் காரணம். நீட் தேர்வு நம் கை மீறி போய்விட்டது.
வட மாநிலத்தொழிலாளர்கள் இல்லாததால் எந்தப் பணிகளும்
நடைபெறவில்லை என கூற முடியாது.

வடமாநிலத்தவர்கள் இல்லையென்றாலும் பணிகள் நடைபெற்று
வருகிறது, என்று கூறியுள்ளார்.

தினகரன்

**ayyasamy ram** · **ayyasamy ram** Fri Aug 28, 2020 1:59 pm

நீட் தேர்வுக்கும் சிதம்பரத்தின் மனைவிக்கும்
என்ன சம்பந்தம்?

அநியாயம்

கொரோனாவோடு நான் வாழ பழகிவிட்டேன்...அதனால் மாஸ்க் அணியவில்லை: அமைச்சர் செல்லூர் ராஜூ விளக்கம்

கொரோனாவோடு நான் வாழ பழகிவிட்டேன்...அதனால் மாஸ்க் அணியவில்லை: அமைச்சர் செல்லூர் ராஜூ விளக்கம்

Re: கொரோனாவோடு நான் வாழ பழகிவிட்டேன்...அதனால் மாஸ்க் அணியவில்லை: அமைச்சர் செல்லூர் ராஜூ விளக்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக