அனைத்து வானிலையிலும் லடாக்கை அணுகும் சாலை: பணிகளை விரைந்து முடிக்க மத்திய அரசு அழுத்தம்

**ayyasamy ram** · **ayyasamy ram** Wed Aug 26, 2020 12:01 pm

-

அனைத்து வானிலையிலும் லடாக்கை அணுகும் சாலை: பணிகளை விரைந்து முடிக்க மத்திய அரசு அழுத்தம் Gallerye_111636913_2601951

-

லடாக்:
'லடாக்கின் மீது சீனா மற்றும் பாகிஸ்தானின் பார்வை
பதிந்துள்ளதால், லடாக்கை சாலை வழியாக
இணைப்பதற்கான மூன்றாவது பாதை அவசரமாக தேவை'
என, ராணுவ படை தளபதிகள் கூறியுள்ளனர்.

இந்த சாலை ஹிமாச்சலப் பிரதேசத்தில் உள்ள தர்ச்சாவை,
கார்கிலின் ஜான்ஸ்கர் பள்ளத்தாக்கிலுள்ள பாதும் வழியாக
நிமு வரை இணைக்கும். நிமுவானது லே நகரிலிருந்து,
35 கி.மீ., தொலைவில் உள்ளது. இங்கு தான் கிழக்கு லடாக்
மற்றும் சியாச்சின் சிகரம் ஆகியவற்றின் பாதுகாப்புக்கான 1
5வது படையின் தலைமையகம் உள்ளது.

லடாக்கிற்கான முதல் அனைத்து வானிலை வழித்தடமாக
இது இருக்கும். இது ஏற்கனவே இரண்டு வழிகளால்
இணைக்கப்பட்டுள்ளது.

முதலாவது காஷ்மீரின் சோஜி லா வழியாகவும், இரண்டாவது
ஹிமாச்சலின் மணாலி - உப்ஷி - லே வழியாகவும் இணைகிறது.
மணாலி மற்றும் லே இடையேயான தூரத்தை 46 கி.மீ., வரை
குறைக்கும் 9.02 கி.மீ., அடல் சுரங்கம் ரோஹ்தாங் லா பகுதியில்
கட்டப்பட்டுள்ளது.

இது அடுத்த மாதம் பயன்பாட்டுக்கு வருகிறது.கிழக்கு லடாக்கின்
எல்லைக் கட்டுப்பாட்டு கோடு பகுதியில் சீனா மோதலை தூண்டி
படைகளை குவித்து வருகிறது. பேச்சுவார்த்தையிலும் தயக்கம்
காட்டி வருகிறது. இதன் காரணமாக லடாக்கின் சாலை பணிகளை
விரைந்து முடிக்க நெடுஞ்சாலை அமைச்சர் நிதின் கட்கரி மற்றும்
இணை அமைச்சர் வி.கே.சிங் அழுத்தம் தந்துள்ளனர்.

'இச்சாலைகளினால் ராணுவத்திற்கும், உள்ளூர் மக்களுக்கும்
ஆண்டு முழுவதும் பொருட்களைப் பெறுவது எளிதாக இருக்கும்.
புதிய யூனியன் பிரதேசமான லடாக்கின் வளர்ச்சிக்கு உதவும்' என,
வல்லுநர்கள் தெரிவித்திருப்பது குறிப்பிடத்தக்கது.

தினமலர்

அனைத்து வானிலையிலும் லடாக்கை அணுகும் சாலை: பணிகளை விரைந்து முடிக்க மத்திய அரசு அழுத்தம்

அனைத்து வானிலையிலும் லடாக்கை அணுகும் சாலை: பணிகளை விரைந்து முடிக்க மத்திய அரசு அழுத்தம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக