தியானம் செய்யும் போது வரக்கூடிய தடைகள்

**ayyasamy ram** · **ayyasamy ram** Sun 23 Aug 2020 - 5:17

-
சிலருக்கு ஆரம்பகாலத்தில் தியானம் செய்தபோது
இருந்த ஆர்வம் போகப்போக குறைந்துவிடும்.
இதற்குக் காரணம் தியானத்தில் உடனடி பலன்களை
எதிர்பார்ப்பதால்தான்.
தியானத்தில் உயர்ந்த நிலை அடைய குறைந்தது
6 ஆண்டுகளாவது ஆகும். “தியானம் செய்வதினால்
என்ன பயன்?” என்னும் அலட்சியம் கூடவே கூடாது.
பொறுமையும் நம்பிக்கையும் அவசியம்.

ஓசைகள், குப்பைக்கூளங்கள், தீயவர்கள் உடனிருக்கும்
சூழல்களில் தியானம் செய்ய மனம் வராதுதான்.
முடிந்தவரை சூழலை மாற்றிக்கொள்ளுங்கள்.
இல்லையெனில், தியானம் மனதில்தானே நடக்கின்றது
என்பதைத் தெளிவாக புரிந்துக்கொண்டு எதைப்
பற்றியும் கவலை கொள்ளாமல் தியானம் செய்யுங்கள்.

நோய்கள் வந்தால் தியானத்தை நிறுத்துவது கூடாது.
எப்படி ஒருவேளை உணவை நாம் எப்போதும் தவிர்க்க
நினைப்பதில்லையோ, எந்த ஒரு நிமிடமும் நாம்
சுவாசிப்பதை எப்படி நிறுத்துவதில்லையோ அதுபோல
தியானமும் நம் அன்றாட வாழ்வில் ஒரு அங்கமாக மாற
வேண்டும்.
ஆசனம், தியானம், பிராணாயாமம் ஆகியவற்றை
தொடர்ந்து செய்யுங்கள் நோய்களைத் தவிருங்கள்.

எல்லோரிடமும் சம்பந்தம் இல்லாமல் தியானப்
பயிற்சியை பற்றி பேசாதீர்கள். ஒவ்வொரு குருவும்
அவர்களின் சிஷ்யர்களுக்கு சொல்லித்தரும் தியானத்தில்
ஒரு சில வேறுபாடுகள் இருக்கும்.
அதைப் பற்றி யோசித்துக்கொண்டு நம்முடையது
சரியில்லையோ என்று நினைப்பதால் தியானம்
செய்ய மனம் வராது.

**ayyasamy ram** · **ayyasamy ram** Sun 23 Aug 2020 - 5:18

தியானத்தை விட்டு விட்டு செய்யாதீர்கள். கண்ட
நேரத்திலும், கண்ட இடங்களிலும் அதை செய்யாதீர்கள்.
காலை 4 மணிக்கோ அல்லது 6 மணிக்கோ, மாலை
6 மணிக்கோ அல்லது இரவு 8 மணிக்கோ தொடர்ந்து
ஒரே இடத்தில் ஒரே நேரத்தில் செய்வதை பழக்கமாக்கிக்
கொள்ளுங்கள் .
தியானத்தில் நிறைவு அடைந்துவிட்டது போலவும்,
ஞானம் அடைந்துவிட்டது போலவும், உயர் நிலை
அடைந்துவிட்டதாகவும் உங்களுக்குள்ளேயே நீங்களே
கற்பனை செய்துகொண்டு பிறரிடம் உங்கள் புகழைப்
பாடாதீர்கள்.
இப்படி சாதனை நிலையைத் தீர்மானித்துக்
கொள்வதால் அவர்களுடைய சாதனை கெடும்.

தியானப்பாதையில் செல்லும்போது அவர்களை
வழிநடத்தவும், கஷ்டம் வரும்போது உபதேசித்து
தைரியம் கூறுவதற்கும் நிச்சயம் ஒரு குரு தேவை.
தியானப் பாதையில் வெற்றி பெற்ற குருவாக அவர்
இருக்கவேண்டும்.
மறதி, சோம்பல், அதீத தூக்கம் ஆகிய மூன்று
குறைகளும் தியானத்தின் முக்கிய தடைகளாகும்.
பதஞ்சலி மகரிஷி நோய், உலகப்பற்று, சந்தேகம்,
மனச்சலிப்பு, சோம்பல், அலட்சியம், எழுச்சிகள்,
தவறாக புரிந்துக்கொள்ளுதல், அடைந்த நிலையில்
வழுவிவிடல் ஆகியவை தியானத்திற்கான தடைகள்
என்கிறார் .
தியானத்தில் ஒவ்வொரு நிலையை அடையும் போதும்
இப்படிப் பல தொல்லைகள் வருவது சகஜம்.
அதை சரியாகப் புரிந்துக்கொண்டு, சமயோசிதத்தால்
அவற்றை உணர்ந்து குருவின் உதவியால் அவற்றைத்
தாண்டினால் பேராற்றல் கிடைப்பது நிச்சயம்.
--
மாலைமலர்

தியானம் செய்யும் போது வரக்கூடிய தடைகள்

தியானம் செய்யும் போது வரக்கூடிய தடைகள்

Re: தியானம் செய்யும் போது வரக்கூடிய தடைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக