தீபாவளிக்கு பிறகு நீட் தேர்வை நடத்த வேண்டும்: பிரதமருக்கு சுப்ரமணியன் சாமி கடிதம்

புதுடில்லி:
'நீட் தேர்வை ஒத்திவைத்து, தீபாளிக்கு பின் நடத்த வேண்டும்'
என பிரதமர் மோடிக்கு சுப்ரமணியன் சாமி கடிதம் எழுதியுள்ளார்.

மருத்துவ படிப்பில் சேருவதற்கான நீட் நுழைவுத் தேர்வை,
ஜூலை, 26ம் தேதியும், ஐ.ஐ.டி., போன்ற உயர் கல்வி நிறுவனங்களில்
இன்ஜினியரிங் உள்ளிட்ட தொழில் கல்வி படிப்பதற்கான,
ஜே.இ.இ., முதன்மை நுழைவுத் தேர்வை, ஜூலை 18 - 23ம் தேதிகளில்
நடத்தவும் முடிவு செய்யப்பட்டுள்ளது.

கொரோனா பரவி வரும் சூழலில், தேர்வை ஒத்தி வைக்க வேண்டும்
என கோரிக்கை எழுந்தன. சுப்ரீம் கோர்ட்டிலும் வழக்கு தொடரப்பட்டது.
இந்த மனுக்களை தள்ளுபடி செய்து உச்சநீதிமன்றம் உத்தரவிட்டது.

இந்நிலையில், தீபாவளிக்கு பின் நீட் தேர்வுகளை நடத்த வேண்டும்
என பா.ஜ., மூத்த தலைவர் சுப்ரமணியன் சாமி, பிரதமர் மோடிக்கு
கடிதம் எழுதி உள்ளார். கடிதத்தில் அவர் கூறியுள்ளதாவது:

எனக்கு கிடைத்த தகவல்கள் படி, இந்தியாவில் உள்ள அனைத்து
பகுதிகளிலும், தற்போது நீட், ஜே.இ.இ., தேர்வுகளை நடத்தும் வசதிகள்
இல்லை. தற்போது வரை மும்பையில் பொதுப்போக்குவரத்து
துவங்கப்படவில்லை.

தேர்வுகளுக்காக மாணவர்கள் 30 கி.மீ., தூரம் வரை வர வேண்டியது
இருக்கும். தேர்வு அறிவிப்பு மாணவர்களிடையே விரக்தியை ஏற்படுத்தி
உள்ளது. என் கணிப்புப்படி, தேர்வுகள் நடந்தால், அதிக இளைஞர்கள்
தற்கொலை செய்ய வாய்ப்பு உள்ளது. அதற்கு நீங்கள் காரணமாகி
விடுவீர்கள். எனவே தேர்வுகளை தீபாவளிக்கு பின் நடத்த, கல்வித்துறைக்கு
நீங்கள் வலியுறுத்த வேண்டும். இவ்வாறு அவர் கடிதத்தில் தெரிவித்துள்ளார்.

தினமலர்