ஆபரேஷனுக்கு எல்லாம் ரெடி, ஆனா....!

-



‘‘என்னய்யா இது... இந்த குற்றப் பத்திரிகையில
‘பக்தி ஸ்பெஷல்’னு போட்டிருக்கு?’’

‘‘நீங்க கோயில் சொத்தை கொள்ளையடிச்சதை
ஒண்ணா தொகுத்திருக்காங்களாம் தலைவரே..!’’

- பெ.பாண்டியன்,
-
------------------------------------------------

‘‘ஆபரேஷனுக்கு எல்லாம் ரெடியா இருக்கா..?’’

‘‘எல்லாம் இருக்கு டாக்டர்! ஆனா பேஷன்ட்டுதான்
இல்லை...’’

- வி.சாரதி டேச்சு,
-
-------------------------------------------

‘‘தலைவர் ஏன் அந்த நிருபரை கன்னாபின்னான்னு திட்டறார்?’’
‘‘நீங்க இதுவரை செஞ்சதுலயே மறக்க முடியாத ஊழல் எதுன்னு கேட்டுட்டாராம்..!’’
- வீ.விஷ்ணுகுமார், கிருஷ்ணகிரி.

‘‘மும்பையிலிருந்து வந்த அந்த தமிழ்ப்பட
கதாநாயகி என் கனவுல வந்தாங்க...’’

‘‘என்ன சொன்னாங்க..?’’

‘‘அவங்க கூட டப்பிங் ஆர்ட்டிஸ்ட் வரல...
அதனால என்ன சொன்னாங்கன்னு தெரியல!’’

- வி.சாரதி டேச்சு,
-
------------------------------

‘‘தலைவர் ஏன் கோபமா இருக்கார்..?’’

‘‘ஒரு குற்றப்பத்திரிகையை எழுத்து கூட்டிப்
படிக்கிறதுக்கு முன்னாடியே இன்னொண்ணு
குடுத்துடறாங்களாம்...’’

- பர்வீன் யூனுஸ்,
-
-----------------------------------

ஸ்பீக்கரு...
‘‘எதிரே அமர்ந்திருக்கும் ஐந்து தொண்டர்களுக்கும்,
அருகிலுள்ள டாஸ்மாக் பாரில் குடித்துக் கொண்டிருக்கும்
ஐந்நூறு தொண்டர்களுக்கும் என் முதற்கண்
வணக்கத்தை தெரிவித்துக் கொள்கிறேன்...’’

- ஆர்.பி.சுந்தரி,
-
---------------------------------

‘‘ரெண்டு மணி நேரம் உடற்பயிற்சி செய்தும்
தலைவருக்கு உடம்பு வியர்க்கலை...’’

‘‘அப்புறம்..?’’

‘‘வீட்ல இன்கம்டாக்ஸ் ரெய்டு நடக்கப் போகுதுன்னு
சொன்னதும் குப்புன்னு வியர்த்துடுச்சு...’’
-
- ஜே.தனலட்சுமி,
-
-------------------------------------
-குங்குமம்