என்னுடைய குரு, தெய்வம் அவர்தான் - மொட்டை ராஜேந்திரன் நெகிழ்ச்சி

-
என்னுடைய முதல் குரு மற்றும் முதல் தெய்வம்
அவர்தான் என்று நடிகர் மொட்டை ராஜேந்திரன் சமூக
வலைத்தளத்தில் வீடியோ ஒன்றை வெளியிட்டுள்ளார்

தமிழ் சினிமாவில் காமெடி நடிகராக வலம் வந்து
கொண்டிருப்பவர் மொட்டை ராஜேந்திரன். இவர் இதற்கு
முன் ஸ்டண்ட் கலைஞராக இருந்தவர். இயக்குனர்
பாலாவின் ’பிதாமகன்’ படம் மூலம் நடிகராக அறிமுகமானார்.

இந்த நிலையில் தனது திரையுலக வாழ்க்கை குறித்து
சமூக வலைத்தளத்தில் வீடியோ ஒன்றை வெளியிட்டுள்ளார்.

அதில், என்னை மொட்டை ராஜேந்திரன் என்று அனைவரும்
அன்போடு அழைத்து வருகின்றனர். என்னுடைய தந்தை,
பெரிய அண்ணன், சின்ன அண்ணன் ஆகிய மூவருமே
சண்டை கலைஞர்கள்தான்.

எனவே இவர்கள் மூன்று பேர்களின் பாதையில் நானும்
ஒரு சண்டை கலைஞராக திரையுலகில் அறிமுகமாகி, தமிழ்,
தெலுங்கு, மலையாளம் உள்ளிட்ட பல மொழிகளில் நான்
சண்டை கலைஞராக பணிபுரிந்துள்ளேன்.



இயக்குனர் பாலாவின் ’பிதாமகன்’ என்ற படத்தில்
சண்டை கலைஞராக பணிபுரியும் வாய்ப்பு எனக்கு
கிடைத்தது. அந்த படத்தில் அவர் என்னை நன்றாகப்
பயன்படுத்திக் கொண்டதோடு எனக்கு ஒரு கேரக்டரும்
கொடுத்தது மிகவும் மகிழ்ச்சியாக இருந்தது.

அதன் பின்னர் ’நான் கடவுள்’ படத்தில் என்னை
வில்லனாக அறிமுகப்படுத்துவதாக கூறினார்.
எனக்கு ஒரு பக்கம் சந்தோசமாக இருந்தாலும்
இன்னொரு பக்கம் வில்லன் கேரக்டரில் நடிக்க முடியுமா?
என்று பயமாகவும் இருந்தது.

ஆனால் பாலா அவர்கள் எனக்கு ஆறுதல் கூறி ’
நான் பார்த்து கொள்கிறேன் நீ நடி’ என்று எனக்கு
தைரியம் கூறினார்.

அந்த படம் மிகப்பெரிய வெற்றி பெற்றது. என்னுடைய
பெயர் எல்லோருக்கும் தெரிய ஆரம்பித்தது. என்னுடைய
முதல் குரு மற்றும் முதல் தெய்வம் பாலா சார் அவர்கள்
தான்.

அதன் பின்னர் ’பாஸ் என்ற பாஸ்கரன்’ படத்தில்
ஒரு காமெடி கேரக்டரில் நடித்தேன். அந்த படமும் வெற்றி
பெற்றது எனக்கு இன்னும் மகிழ்ச்சியாக இருந்தது.

அப்படியே என்னுடைய திரையுலக பயணம், சண்டை
கலைஞராக ஆரம்பித்து வில்லன் மற்றும் காமெடி நடிகர்
என போய்க்கொண்டிருக்கிறது.

என்னை மொட்டை ராஜேந்திரன் என அனைவரும்
அன்போடு கூப்பிடும் அளவுக்கு எனக்கு அங்கீகாரம்
கிடைத்தது, மிகப்பெரிய சந்தோஷம்’ என்று மொட்டை
ராஜேந்திரன் கூறியுள்ளார்.

மாலைமலர்

உழைப்புக்கும் திறமைக்கும் கிடைத்த அங்கிகாரம்

Code:


ஒரு மலையாள பட ஷூட்டிங். ராஜேந்திரன் சண்டை போட்ற ஸீனை ஷூட் செஞ்சாங்க. உயரமான இடத்லயிருந்து கீழ தண்ணீல குதிச்சு சண்ட போடணும். அவரும் தைரியமா, அஸால்ட்டா  குதிச்சார்.

அப்புறம்தான் அந்த தண்ணிய பத்தி அதிர்ச்சியான தகவலை சொன்னாங்க, அது ரசாயன ஆலை கழிவு நீர்னு. ராஜேந்திரன் அதை பெருசா எடுத்துக்கல. கொஞ்ச நாளுக்கப்புறம்தான் அந்த தண்ணீல குதிச்சதுக்கான விளைவு தெரிய ஆரம்பிச்சது. ஆரம்பத்தில தலைல பொடுகு வந்து ஒண்ரெண்டு முடி உதிர ஆரம்பிச்சு. அப்புறம் என்ன, இப்ப உள்ள மொட்டைதான். அந்த தண்ணீரின் காரணத்தால, அவர் உடலும் rough & toughஆ ஆயிருச்சு. அது வில்லன் ரோலுக்கு ப்ளஸ் பாயிண்ட்டானது.


தமிழ் நாட்டில் இது நடந்திருந்தால் ஒரே ஆர்ப்பாட்டம் கொந்தளிப்பு போராட்டம்
நடந்து ராஜேந்திரனுக்கு கையில் சிறிதளவேனும் காசு வந்திருக்கும்.
நன்றி பேபி தகவலுக்கு.

15.08.2020

பழ.முத்துராமலிங்கம் wrote:தமிழ் நாட்டில் இது நடந்திருந்தால் ஒரே ஆர்ப்பாட்டம் கொந்தளிப்பு போராட்டம் நடந்து ராஜேந்திரனுக்கு கையில் சிறிதளவேனும் காசு வந்திருக்கும்.

 
அப்டியா சொல்றீங்க ? ராஜேந்திரனுக்காக போராட்டம் செய்வாங்களா? அதுவும் ஒரே போராட்டமா? போராட்டம் செய்ற அளவுக்கா ரசிகர்கள் இருக்காங்க? அச்சச்சோ கேள்வி மேல கேள்வி கேட்டுட்டு இருக்கேனோ? ச்சே, இதுவும் ஒரு கேள்வி.

பேபி