நற்றமிழ் அறிவோம் - வெயிலா அல்லது வெய்யிலா ?

**M.Jagadeesan** · **M.Jagadeesan** Sun Aug 16, 2020 2:45 pm

சில வார்த்தைகள் நமக்கு குழப்பம் தருவன . அவற்றில் ஒன்று வெயில் என்பது . இதைச் சிலர் வெய்யில் என்று எழுதுவார்கள் .

வெய்யிற்கேற்ற நிழலுண்டு
வீசும் தென்றல் காற்றுண்டு
கையில் கம்பன் கவியுண்டு
கலசம் நிறைய மதுவுண்டு
தெய்வகீதம் பலவுண்டு
தெரிந்து பாட நீயுண்டு .

என்பது கவிமணி தேசிக விநாயகம் பிள்ளை அவர்களின் பாட்டு . இதில் " வெய்யில் " என்றே பாடியுள்ளார் . ஆனால் வள்ளுவரோ

என்பி லதனை வெயில்போலக் காயுமே
அன்பி லதனை அறம் .

என்று பாடியுள்ளார் . வள்ளுவர் வெயில் என்றே குறிப்பிடுகிறார் . தமிழ் அறிஞர்களும் " வெயில் " என்பதே சரி என்று கூறுகின்றனர் .

**T.N.Balasubramanian** · **T.N.Balasubramanian** Sun Aug 16, 2020 4:41 pm

தமிழ் கற்றறிந்த அறிஞர்கள் புலவர்கள் சிலர்
சில எழுத்துகளை சுவை கருதி
இணைத்தோ நீக்கியோ பதிவு செய்கிறார்கள் .
மேற்போக்காக பார்க்கையில் வித்தியாசம் தெரிவதில்லை.
காலப்போக்கில் அதுவே வழக்கத்தில் புழக்கத்திற்கு
வந்துவிடுகிறது.

ரமணியன்

**M.Jagadeesan** · **M.Jagadeesan** Sun Aug 16, 2020 6:11 pm

ஆமாம் ஐயா ! புலவர்களுக்கென்று சில உரிமைகள் உண்டு . கவிதைகளில் ஓசைநயம் கருதி சில இலக்கண மீறல்கள் செய்வதற்கு , அவர்களுக்கு உரிமை உண்டு. அதுபற்றி பின்னர் பார்ப்போம் .