அதிமுகவில் உட்கட்சி பூசலா?

**ayyasamy ram** · **ayyasamy ram** Sat Aug 15, 2020 4:30 pm

முதலமைச்சருடன் மூத்த அமைச்சர்கள் தொடர் ஆலோசனையில் ஈடுபட்டனர்.

சென்னை கோட்டை கொத்தளத்தில் சுதந்திர தின கொண்டாட்டம்
முடிந்த உடன் சென்னை தலைமைச் செயலகத்தில் மீன்வளத்துறை
அமைச்சர் ஜெயக்குமார் அறையில், மூத்த அமைச்சர்கள், ஆலோசனை
நடத்தினர்.

அதைத் தொடர்ந்து தலைமைச் செயலகத்தில் இருந்து அமைச்சர்கள்
புறப்பட்டனர்.முதலமைச்சரை மூத்த அமைச்சர்கள் சந்திக்க இருப்பதாகக்
கூறப்பட்ட நிலையில், திடீர் திருப்பமாக துணை முதலமைச்சர்
ஓ. பன்னீர்செல்வத்தை அவரது இல்லத்தில் அமைச்சர்கள் சந்தித்தனர்.

இந்த சந்திப்பு ஒரு மணி நேரத்திற்கு மேல் நீடித்தது. பின்னர் அங்கிருந்து
புறப்பட்ட அமைச்சர்கள், முதலமைச்சர் எடப்பாடி பழனிசாமியை அவரது
இல்லத்தில் சந்தித்தனர்.

அப்போது துணை முதல்வருடன் நடத்திய ஆலோசனை பற்றி மூத்த
அமைச்சர்கள் முதல்வரிடம் எடுத்துரைத்தனர்.

அரை மணி நேரம் நீடித்த ஆலோசனைக்கு பின்னர், மீண்டும்
துணை முதல்வர் ஓ. பன்னீர்செல்வத்தை மூத்த அமைச்சர்கள் சந்தித்தனர்.
அதன் பிறகு, முதலமைச்சர் எடப்பாடி பழனிச்சாமியைச் சந்தித்து,
துணை முதல்வருடனான ஆலோசனை பற்றி எடுத்துரைத்தனர்.

சுதந்திர தின உரையில், மக்களின் அன்பையும் ஆதரவையும் பெற்றுள்ள
தாம், அல்லும் பகலும் உழைக்கத் தயாராக இருப்பதாக முதலமைச்சர் எ
டப்பாடி பழனிசாமி குறிப்பிட்டார்.

இது துணை முதல்வரை அதிருப்திக்குள்ளாக்கியதாகவும், அவரை
சமாதானப்படுத்தும் முயற்சியில் மூத்த அமைச்சர்கள் ஈடுபட்டுள்ளதாகக்
கூறப்படுகிறது. இதனிடையே, அதிமுகவின் முதலமைச்சர் வேட்பாளர் யார்
என்பது குறித்து முடிவு செய்யவும், கூட்டணி குறித்து முடிவு செய்யவும் குழு
அமைக்க வேண்டும் என்று ஓ. பன்னீர் செல்வம் வலியுறுத்தியுள்ளதாகக்
கூறப்படுகிறது.

நியூஸ் 7 TV

**ayyasamy ram** · **ayyasamy ram** Sat Aug 15, 2020 4:31 pm

நிரந்தர முதல்வர் ஓ.பி.எஸ்: தேனியில் ஒட்டிய போஸ்டர்களால் பரபரப்பு
-
அதிமுகவில் உட்கட்சி பூசலா? Paneerselvam

-
தமிழகத்தில் 2021ல் நிரந்தர முதல்வர் ஓ பன்னீர்செல்வம் தான்
என்று தேனி மாவட்டம் முழுவதும் அதிமுகவினர் சுவரொட்டிகள்
ஒட்டியிருப்பது பரபரப்பை ஏற்படுத்தி உள்ளது.