பிரேசிலில் நிதி முறைகேடு செய்ததாக 67 இந்தியர்களின் வங்கி கணக்கு முடக்கம்

**ayyasamy ram** · **ayyasamy ram** Fri Aug 14, 2020 4:46 pm

புதுடில்லி:
தென் அமெரிக்க நாடான பிரேசிலில் நடந்த நிதி முறைகேட்டில்
தொடர்புடையதாக கருதப்படும், 67 இந்தியர்களின் வங்கி
கணக்குகளை முடக்கி வைத்துள்ளதாக, அமலாக்கத் துறை
அறிவித்துள்ளது.

வீட்டு உபயோக பொருட்கள் தயாரிக்கும், ஹாமில்டன் ஹவுஸ்வேர் (பி) லிட்.,
என்ற நிறுவனத்தின் சார்பில், உச்ச நீதிமன்றத்தில் தாக்கல் செய்யப்பட்ட
மனுவில் கூறப்பட்டிருந்ததாவது:

எங்கள் நிறுவனத்தின் வங்கி கணக்கை, அமலாக்கத் துறை முடக்கி
வைத்துள்ளது. அமலாக்கத் துறையின் அனுமதியின்றி, இந்த கணக்கிலிருந்து
பணம் எடுக்க முடியவில்லை. இவ்வாறு, அதில் கூறப்பட்டிருந்தது.

கோரிக்கை

இந்த மனு, விசாரணைக்கு வந்தபோது, அமலாக்கத் துறை சார்பில்
ஆஜரான வழக்கறிஞர் விஜய் அகர்வால் கூறியதாவது:

பிரேசில் நாட்டின் மாகாண கவர்னர் ஒருவர், நிதி முறைகேட்டில் ஈடுபட்டதாக,
வழக்குப் பதிவு செய்து, அந்த நாட்டின் அதிகாரிகள் விசாரித்து வருகின்றனர்.
அவருடன் நிதி தொடர்பு வைத்திருந்த, பல்வேறு நாடுகளை சேர்ந்த தனி நபர்கள்,
நிறுவனங்களின் வங்கி கணக்குகளை முடக்கும் நடவடிக்கைகளை,
பிரேசில் அரசு தீவிரப்படுத்தியுள்ளது.

பிரேசிலில் மட்டுமல்லாமல், இந்தியா உள்ளிட்ட பல்வேறு நாடுகளை சேர்ந்தவர்கள்
மற்றும் நிறுவனங்களுக்கு, இதில் தொடர்பிருப்பதாகவும், அவர்களது வங்கி
கணக்குகளை முடக்கி வைக்க வேண்டும் என்றும், பிரேசில் அரசு கோரிக்கை
விடுத்துள்ளது.

பரஸ்பரம்

நம் நாட்டை சேர்ந்த, தனி நபர்கள் மற்றும் நிறுவனங்களின், 67 வங்கி கணக்குகளை
முடக்கி வைக்கும்படி, பிரேசிலின் அதிகாரிகள் கோரிக்கை விடுத்தனர். இதுபோன்ற
வழக்குகளில், பரஸ்பரம் உதவுவதற்காக, ஏற்கனவே இரு நாடுகளுக்கும் இடையே
ஒப்பந்தம் கையெழுத்தாகியுள்ளது.எனவே, 67 வங்கி கணக்குகள் முடக்கி
வைக்கப்பட்டுள்ளன. இவ்வாறு, அவர் கூறினார்.

தினமலர்

**Muthumohamed** · **Muthumohamed** Fri Aug 14, 2020 8:49 pm

இந்தியாவில் அரசை ஏமாற்றுவது போல் நினைத்துவிட்டார்கள் போலும் ஜாலி

பிரேசிலில் நிதி முறைகேடு செய்ததாக 67 இந்தியர்களின் வங்கி கணக்கு முடக்கம்

பிரேசிலில் நிதி முறைகேடு செய்ததாக 67 இந்தியர்களின் வங்கி கணக்கு முடக்கம்

Re: பிரேசிலில் நிதி முறைகேடு செய்ததாக 67 இந்தியர்களின் வங்கி கணக்கு முடக்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக