மருத்துவ பட்டங்களை அங்கீகரிக்க முடியாது: பாக்.,க்கு இந்தியா பதிலடி

by **ayyasamy ram** Fri Aug 14, 2020 6:32 am

புதுடில்லி:
பாக்., ஆக்கிரமிப்பு காஷ்மீரில் உள்ள மருத்துவப் பல்கலைகள்
அளிக்கும் பட்டங்களுக்கு அங்கீகாரம் அளிக்க முடியாது என
இந்திய மருத்துவக் கவுன்சில் அறிவித்துள்ளது.

காஷ்மீரை சேர்ந்த, 1,600 மருத்துவ மாணவர்களுக்கு ஆண்டு
தோறும், கல்வி உதவித்தொகை வழங்கப்படும் என, பாகிஸ்தானின்
பிரதமர் இம்ரான் கான் சமீபத்தில் கூறியிருந்தார்.

காஷ்மீரிலிருந்து, பாக்., ஆக்கிரமிப்பு காஷ்மீருக்கு படிப்பதற்காக
செல்பவர்கள், அங்கு பயங்கரவாத முகாம்களின் பயிற்சி பெற்று
இந்தியாவுக்குள் ஊடுருவுவதாக புகார்கள் எழுந்தன.

இந்நிலையில், காஷ்மீரை சேர்ந்த மாணவர்கள், பாக்., ஆக்கிரமிப்பு
காஷ்மீரில் உள்ள மருத்துவக் கல்லுாரிகளுக்கு செல்வதை தடுக்கும்
வகையில், இந்திய மருத்துவக் கவுன்சில் புதிய முடிவை எடுத்துள்ளது.

இதன்படி, பாக்., ஆக்கிரமிப்பு காஷ்மீரில் உள்ள மருத்துவப்
பல்கலைகள் அளிக்கும் பட்டங்களுக்கு அங்கீகாரம் அளிக்க முடியாது
என, இந்திய மருத்துவக் கவுன்சில் அறிவித்துள்ளது.

மேலும், ஜம்மு காஷ்மீர், பாக்., ஆக்கிரமிப்பு காஷ்மீர் என அனைத்து
பகுதிகளும், இந்தியாவின் ஒருங்கிணைந்த பகுதி தான் எனவும்,
பாக்., ஆக்கிரமிப்பு பகுதியில் உள்ள மருத்துவ கல்லூரிகள், இந்திய
மருத்துவ கவுன்சிலின் அங்கீகாரம் பெறவில்லை எனவும் தெரிவித்துள்ளது.

தினமலர்

by **Muthumohamed** Fri Aug 14, 2020 8:54 pm

நல்ல முடிவு மகிழ்ச்சி

மருத்துவ பட்டங்களை அங்கீகரிக்க முடியாது: பாக்.,க்கு இந்தியா பதிலடி

மருத்துவ பட்டங்களை அங்கீகரிக்க முடியாது: பாக்.,க்கு இந்தியா பதிலடி

Re: மருத்துவ பட்டங்களை அங்கீகரிக்க முடியாது: பாக்.,க்கு இந்தியா பதிலடி