கடவுளே, எது சிறந்ததோ அதையே செய்; பிரணாப்பின் மகள் உருக்கம்

by **ayyasamy ram** Wed 12 Aug 2020 - 19:55

-

கடவுளே, எது சிறந்ததோ அதையே செய்; பிரணாப்பின் மகள் உருக்கம் Gallerye_170252654_2593743

புதுடில்லி:
கொரோனா தொற்றால் பாதிக்கப்பட்ட முன்னாள்
குடியரசுத் தலைவர் பிரணாப் முகர்ஜியின் உடல்நிலை
தொடர்ந்து கவலைக்கிடமாக இருக்கும் நிலையில்,
அவரது மகளும் காங்கிரஸ் கட்சியைச் சேர்ந்தவருமான
ஷர்மிஸ்தா முகர்ஜி, தனது டுவிட்டர் பக்கத்தில்
தந்தையைப் பற்றி உருக்கமான கருத்தை பதிவிட்டுள்ளார்.

டில்லியில் உள்ள ராணுவ மருத்துவமனையில் சிகிச்சை
பெற்று வரும் பிரணாப் முகர்ஜியின் உடல்நிலை தொடர்ந்து
கவலைக்கிடமாக இருப்பதாகவும், செயற்கை சுவாசக்
கருவியின் உதவியோடு அவருக்கு சிகிச்சை அளிக்கப்பட்டு
வருவதாகவும் தெரிவிக்கப்பட்டுள்ளது.

இந்நிலையில், பிரணாப் முகர்ஜியின் மகள் ஷர்மிஸ்தா முகர்ஜி
தனது டுவிட்டர் பக்கத்தில் பதிவிட்டுள்ளதாவது:

கடந்த ஆண்டு, ஆகஸ்ட் 8ம் தேதி எனது தந்தைக்கு பாரத ரத்னா
விருது வழங்கப்பட்டது. எனது வாழ்வில் மிக மகிழ்ச்சியான
நாளாக அமைந்தது. மிகச் சரியாக ஒரு ஆண்டுக்குப் பிறகு,
அதே ஆகஸ்ட் மாதம் 10ம் தேதி அவர் மிகவும் கவலைக்கிடமான
நிலையில் உள்ளார்.

கடவுளே, எனது தந்தைக்கு எது சிறந்ததோ அதையே செய்,
அதேவேளை, இன்பத்தையும் துன்பத்தையும் ஒருபோல
அனுபவிக்கும் சக்தியை எனக்கு வழங்கு, அனைவரின் அன்புக்கும்
நான் நெஞ்சார்ந்த நன்றியை தெரிவித்துக் கொள்கிறேன்.

இவ்வாறு அவர் பதிவிட்டுள்ளார்.

தினமலர்

by **T.N.Balasubramanian** Wed 12 Aug 2020 - 20:06

படிக்கவே கஷ்டமாக உள்ளது.

ரமணியன்

by **விமந்தனி** Wed 12 Aug 2020 - 23:47

கடவுளே, எனது தந்தைக்கு எது சிறந்ததோ அதையே செய் - பாவம்... சோகம்

ஒருவரின் கடைசி நிமிடங்களில், அவருக்காக நாம் செய்யும் ப்ராத்தனை தான் இது. இதை மட்டுமே இறப்பவருக்காக நாம் செய்ய கூடியது. இந்த வரி, என் அனுபவத்தை நினைவுக்கூறுகிறது.... சோகம்