திருக்குறளின் யாப்பிலக்கண நெறி அறிவோம்---

**பழ.முத்துராமலிங்கம்** · 27/09/2015

First topic message reminder :

2.பொருட்பால்-2.2-அங்கவியல்-2-2-21-பேதமை -837

குறட்பாக்கள் 1081 dtd 24/8/2020 முதல் 1145 dtd 29/8/2020முடிய
3.பொருட்பால் என்பதை 3. காமத்துப்பால் என திருத்தி படிக்கவும்.

தவறுக்கு வருந்துகிறேன்.

{திருக்குறள் மூலம்-திரு.தேவநேயப் பாவணர்,திரு.பரிமேலழகர் அவர்கள்
திருக்குறள் உரை மூலம்-திரு மு.வரதராசனார் அவர்கள் –நன்றி}

குறள்
ஏதிலார் ஆரத் தமர்பசிப்பர் பேதை
பெருஞ்செல்வம் உற்றக் கடை

தெளிவுரை
பேதை பெருஞ் செல்வம் அடைந்தபோது, (அவனோடு தொடர்பில்லாத)
அயலார் நிறைய நன்மை பெற, அவனுடைய சுற்றத்தார் பசியால் வருந்துவர்.

[You must be registered and logged in to see this image.]

**பழ.முத்துராமலிங்கம்** · 27/09/2015

3.காமத்துப்பால்-3.2-கற்பியல்-3-2-9-உறுப்புநலனழிதல் -1240

திருக்குறள் மூலம்-திரு.தேவநேயப் பாவணர்,திரு.பரிமேலழகர் அவர்கள்
திருக்குறள் உரை மூலம்-திரு மு.வரதராசனார் அவர்கள் –நன்றி

குறள்
கண்ணின் பசப்போ பருவரல் எய்தின்றே
ஒண்ணுதல் செய்தது கண்டு

வாசிக்க
கண்ணின் பசப்போ பருவரல் எய்தின்றே, ஒண்ணுதல் செய்தது கண்டு

தெளிவுரை
காதலியின் ஒளிபொருந்திய நெற்றி, பசலை நிறம் உற்றதைக் கண்டு,
அவளுடைய கண்களின் பசலையும் துன்பம் அடைந்துவிட்டது,

[You must be registered and logged in to see this image.]

**பழ.முத்துராமலிங்கம்** · 27/09/2015

3.காமத்துப்பால்-3.2-கற்பியல்-3-2-10- நெஞ்சொடுகிளத்தல் -1241

திருக்குறள் மூலம்-திரு.தேவநேயப் பாவணர்,திரு.பரிமேலழகர் அவர்கள்
திருக்குறள் உரை மூலம்-திரு மு.வரதராசனார் அவர்கள் –நன்றி

குறள்
நினைத்தொன்று சொல்லாயோ நெஞ்சே எனைத்தொன்றும்
எவ்வநோய் தீர்க்கு மருந்து

வாசிக்க
நெஞ்சே, எவ்வநோய் தீர்க்கும் மருந்து ஒன்று, எனைத்து
ஒன்றும் நினைத்துச் சொல்லாயோ.

தெளிவுரை
நெஞ்சே! (காதலால் வளர்ந்த) இத் துன்பநோயைத் தீர்க்கும் மருந்து
ஏதாவது ஒன்றை நீ நினைத்துப் பார்த்து எனக்குச் சொல்லமாட்டாயோ?

[You must be registered and logged in to see this image.]

**heezulia** · **heezulia** Wed Sep 16, 2020 7:51 pm

16.09.2020

பழ.முத்துராமலிங்கம் wrote:உன் கண்கள் அழகொழிந்து கருங்குவளை மலரைக் கண்டு நாணப்படுவன ஆயின. இங்கு இவள் முகம் கருங்குவளை மலர் கண்டு நாணப்படுவதாக உள்ளது. இவள் அழுது அழுது முகம் வாடி மலர் போன்ற மலர்ந்த முகம் வாடி நாணப்படுவதாக அறிய வேண்டும்

இதுல ஒரு குழப்பம் எனக்கு. நாணப்படுவன ஆயின, நாணப்படுவதாக உள்ளது, நாணப்படுவதாக அறிய வேண்டும் என்பது சரியா இல்லை நாணுகின்றன, நாணுவதாக உள்ளன, நாணுவதாக அறிய வேண்டும் என்பது சரியா.

அடுத்தது, முகம் நாணுகிறதா, கண்கள் நாணுகின்றனவா?

இவற்றிற்கான விளக்கங்களை நான் நான் அறிய வேண்டும்.

பேபி

**பழ.முத்துராமலிங்கம்** · 27/09/2015

heezulia wrote:16.09.2020

பழ.முத்துராமலிங்கம் wrote:உன் கண்கள் அழகொழிந்து கருங்குவளை மலரைக் கண்டு நாணப்படுவன ஆயின. இங்கு இவள் முகம் கருங்குவளை மலர் கண்டு நாணப்படுவதாக உள்ளது. இவள் அழுது அழுது முகம் வாடி மலர் போன்ற மலர்ந்த முகம் வாடி நாணப்படுவதாக அறிய வேண்டும்

இதுல ஒரு குழப்பம் எனக்கு. நாணப்படுவன ஆயின, நாணப்படுவதாக உள்ளது, நாணப்படுவதாக அறிய வேண்டும் என்பது சரியா இல்லை நாணுகின்றன, நாணுவதாக உள்ளன, நாணுவதாக அறிய வேண்டும் என்பது சரியா.

அடுத்தது, முகம் நாணுகிறதா, கண்கள் நாணுகின்றனவா?

இவற்றிற்கான விளக்கங்களை நான் நான் அறிய வேண்டும்.

பேபி

[You must be registered and logged in to see this link.]
நாணப்படுவது கூட அற்புத பொருள் முன் இருக்க வேண்டும் என்று நறுமணமலராகிய கருங்குவளை முன்., தலைவரை நினைத்து அழுதலால் கண்கள் அழகிழந்து நல்ல மலர்களுக்கு நாணுகின்றன .
இதற்கு மேல் உங்கள் கேள்வி கணைகளால் நான் தான் நாணிக்குறுகவேண்டும்.

**பழ.முத்துராமலிங்கம்** · 27/09/2015

3.காமத்துப்பால்-3.2-கற்பியல்-3-2-10- நெஞ்சொடுகிளத்தல் -1242

திருக்குறள் மூலம்-திரு.தேவநேயப் பாவணர்,திரு.பரிமேலழகர் அவர்கள்
திருக்குறள் உரை மூலம்-திரு மு.வரதராசனார் அவர்கள் –நன்றி

குறள்
காதல் அவரிலர் ஆகநீ நோவது
பேதைமை வாழியென் நெஞ்சு

வாசிக்க
என் நெஞ்சு வாழி, அவர் காதல் இலராக நீ நோவது, பேதைமை

தெளிவுரை
என் நெஞ்சே! வாழ்க! அவர் நம்மிடம் காதல் இல்லாதவராக இருக்க,
நீ மட்டும் அவரை நினைந்து வருந்துவதும் உன் அறியாமையே!

[You must be registered and logged in to see this image.]

**heezulia** · **heezulia** Wed Sep 16, 2020 9:22 pm

16.09.2020

என்ன முத்து சார், அட் எ ஸ்ட்ரெச்ல படக்குனு 1241க்கு வந்துட்டீங்க. இன்னும் 88 குறள்கள்தான்.

3.காமத்துப்பால்-3.2-கற்பியல்-3-2-10-நெஞ்சொடுகிளத்தல்

அதிகாரம் 125
தன்னுடைய ஆற்றாமையை நெஞ்சுக்கு கூறுவது, நெஞ்சோடு பேசுவது

தலைவனின் பிரிவால் கவலைப்பட்டுக்கொண்டு இருக்கும் தலைவி, பிரிவாற்றாமையை பிறரிடம் கூற வெட்கப்படுகிறாள். [தோழி எங்கே?] அந்த சமயத்தில் தன் நெஞ்சைத் துணையாக நினைத்து தன் நெஞ்சோடு பேசுகிறாள், தன் வருத்தத்தைக் கூறுகிறாள். ஆறுதல் அடைகிறாள்.

பழ.முத்துராமலிங்கம் wrote: (காதலால் வளர்ந்த) இத் துன்பநோயை"

காதலால் வளர்ந்த துன்ப நோயா அல்லது தலைவனின் பிரிவால் வளர்ந்த காதல் நோயா?

பேபி

**பழ.முத்துராமலிங்கம்** · 27/09/2015

3.காமத்துப்பால்-3.2-கற்பியல்-3-2-10- நெஞ்சொடுகிளத்தல் -1243

திருக்குறள் மூலம்-திரு.தேவநேயப் பாவணர்,திரு.பரிமேலழகர் அவர்கள்
திருக்குறள் உரை மூலம்-திரு மு.வரதராசனார் அவர்கள் –நன்றி

குறள்
இருந்துள்ளி என்பரித நெஞ்சே பரிந்துள்ளல்
பைதனோய் செய்தார்கண் இல்

வாசிக்க
நெஞ்சே இருந்து உள்ளிப் பரிதல் என், பைதல் நோய் செய்தார்கண் பரிந்து உள்ளல் இல்.

தெளிவுரை
நெஞ்சே!(என்னுடன்)இருந்து அவரை நினைந்து வருந்துவது ஏன்? இந்தத் துன்பநோயை உண்டாக்கியவரிடம் இவ்வாறு அன்பு கொண்டு நினைக்கும் தன்மை இல்லையே!

[You must be registered and logged in to see this image.]

**பழ.முத்துராமலிங்கம்** · 27/09/2015

3.காமத்துப்பால்-3.2-கற்பியல்-3-2-10- நெஞ்சொடுகிளத்தல் -1244

திருக்குறள் மூலம்-திரு.தேவநேயப் பாவணர்,திரு.பரிமேலழகர் அவர்கள்
திருக்குறள் உரை மூலம்-திரு மு.வரதராசனார் அவர்கள் –நன்றி

குறள்
கண்ணுங் கொளச்சேறி நெஞ்சே இவையென்னைத்
தின்னும் அவர்க்காணல் உற்று

வாசிக்க
நெஞ்சே கண்ணும் கொளச் சேறி, இவை அவர்க் காணல் உற்று என்னைத் தின்னும்.

தெளிவுரை
நெஞ்சே! நீ அவரிடம் செல்லும் போது என் கண்களையும் உடன் கொண்டு செல்வாயாக; அவரைக் காண வேண்டும் என்று இவை என்னைப் பிடுங்கித் தின்கின்றன.

[You must be registered and logged in to see this image.]

**பழ.முத்துராமலிங்கம்** · 27/09/2015

3.காமத்துப்பால்-3.2-கற்பியல்-3-2-10- நெஞ்சொடுகிளத்தல் -1245

திருக்குறள் மூலம்-திரு.தேவநேயப் பாவணர்,திரு.பரிமேலழகர் அவர்கள்
திருக்குறள் உரை மூலம்-திரு மு.வரதராசனார் அவர்கள் –நன்றி

குறள்
செற்றா ரெனக்கை விடலுண்டோ நெஞ்சேயாம்
உற்றால் உறாஅ தவர்

வாசிக்க
நெஞ்சே, யாம் உற்றால் உறாஅதவர், செற்றார் எனக் கைவிடல் உண்டோ

தெளிவுரை
நெஞ்சே! யாம் விரும்பி நாடினாலும் எம்மை நாடாத அவர் நம்மை
வெறுத்துவிட்டார் என்று எண்ணிக் கை விட முடியுமோ?

[You must be registered and logged in to see this image.]

**பழ.முத்துராமலிங்கம்** · 27/09/2015

3.காமத்துப்பால்-3.2-கற்பியல்-3-2-10- நெஞ்சொடுகிளத்தல் -1246

திருக்குறள் மூலம்-திரு.தேவநேயப் பாவணர்,திரு.பரிமேலழகர் அவர்கள்
திருக்குறள் உரை மூலம்-திரு மு.வரதராசனார் அவர்கள் –நன்றி

குறள்
கலந்துணர்த்துங் காதலர்க் கண்டாற் புலந்துணராய்
பொய்க்காய்வு காய்தியென் நெஞ்சு

வாசிக்க
என் நெஞ்சு, கலந்து உணர்த்தும் காதலர்க் கண்டால்
புலந்து உணராய், பொய்க் காய்வு காய்தி.

தெளிவுரை
என் நெஞ்சே! ஊடியபோது கூடி ஊடல் உணர்த்த வல்ல காதலரைக் கண்ட
போது நீ பிணங்கி உணரமாட்டாய்! பொய்யான சினங்கொண்டு காய்கின்றாய்.

[You must be registered and logged in to see this image.]

Sponsored content · Sponsored content

திருக்குறளின் யாப்பிலக்கண நெறி அறிவோம்---

திருக்குறளின் யாப்பிலக்கண நெறி அறிவோம்---

Re: திருக்குறளின் யாப்பிலக்கண நெறி அறிவோம்---

Re: திருக்குறளின் யாப்பிலக்கண நெறி அறிவோம்---

Re: திருக்குறளின் யாப்பிலக்கண நெறி அறிவோம்---

Re: திருக்குறளின் யாப்பிலக்கண நெறி அறிவோம்---

Re: திருக்குறளின் யாப்பிலக்கண நெறி அறிவோம்---

Re: திருக்குறளின் யாப்பிலக்கண நெறி அறிவோம்---

Re: திருக்குறளின் யாப்பிலக்கண நெறி அறிவோம்---

Re: திருக்குறளின் யாப்பிலக்கண நெறி அறிவோம்---

Re: திருக்குறளின் யாப்பிலக்கண நெறி அறிவோம்---

Re: திருக்குறளின் யாப்பிலக்கண நெறி அறிவோம்---

Re: திருக்குறளின் யாப்பிலக்கண நெறி அறிவோம்---

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக