யோகியின் 3 ஆண்டு ஆட்சியில் 700 பிராமணர் கொல்லப்பட்டதாக காங்., புகார்

லக்னோ:
உத்திரப் பிரதேசத்தில் முதல்வர் யோகி ஆதித்யநாத்தின்
3 ஆண்டு ஆட்சியில் சுமார் 700 பிராமணர்கள்
கொல்லப்பட்டிருப்பதாக் காங்கிரஸ் புகார் எழுப்பியுள்ளது.

அயோத்தியில் ராமர் கோவில் பூமி பூஜை நடைபெற்றது
முதல், உ.பி.,யில் பிராமண சமூகத்தின் வாக்கு வங்கியை
மையமிட்டு அரசியல் அதிகரித்துள்ளது.

பிராமண சமூக வாக்குகளைப் பெற, ராமருக்கு ஈடாக
பரசுராமரை எதிர்கட்சிகள் தூக்கிப் பிடிக்கத் துவங்கியுள்ளன.
தற்போது காங்கிரஸும் பரசுராமர் விவகாரத்தை கையில்
எடுத்துள்ளது. 2007ல் நிலவிய சமாஜ்வாதி ஆட்சியில் பரசுராமர்
ஜெயந்திக்காக அரசு விடுமுறை அறிவிக்கப்பட்டது.

இதை பா.ஜ.க., ஆட்சிக்கும் வந்தவுடன் ரத்து செய்ததாகவும்
அதை மீண்டும் அறிவிக்க வேண்டும் எனவும் காங்கிரஸ்
வலியுறுத்தி உள்ளது.

இதை வலியுறுத்தி, காங்., புதிதாக அமைத்த
'பிராமின் சேத்னா சமிதி' எனும் அமைப்பின் தலைவரான
ஜிதின் பிரசாத், முதல்வர் யோகிக்கு கடிதம் எழுதியுள்ளார்.

இந்நிலையில், காங்., செய்தி தொடர்பாளர் அன்ஷு அவஸ்தி,
'பரசுராமர், சனாதன தர்மத்தை பின்பற்றுபவர்களுக்கும்,
பிராமணர்களுக்கும் முக்கியக் கடவுளாக உள்ளார்.

உ.பி.,ல் முதல்வர் யோகி ஆட்சியில் கடந்த 3 வருடங்களில்
சுமார் 700 பிராமணர்கள் கொல்லப்பட்டுள்ளனர். அரசு
ஆதரவில்லாமல் இது சாத்தியமா? பிராமணக் குடும்பங்கள்
உயிருடன் எரிக்கப்பட்டபோது சமாஜ்வாதியும், பகுஜன் சமாஜ்
கட்சிகளும் எங்கிருந்தன?' எனக் கேள்வி எழுப்பியுள்ளார்.

'உ.பி.,யில் பிராமண சமூக வாக்குகள் 12 சதவிகிதம் உள்ளன.
பல ஆண்டுகளாகக் காங்கிரசிடம் இருந்த பிராமண சமூக
வாக்குகள் ராமர் கோவில் வாக்குறுதியால் பா.ஜ.க., பக்கம்
சாயத் துவங்கியுள்ளன. தலீத் சமூகத் தலைவரான மாயாவதி,
பிராமணர்களையும் தாக்கூர் சமூகத்தினருடன் ஒன்றிணைத்து
ஒரு சமூகப் புரட்சிக்கு முயன்றார்.

இதனால், அவரது பகுஜன் சமாஜ் கட்சி, 2007 தேர்தலில்
தனிமெஜாரிட்டியில் ஆட்சி அமைத்தது. 2014 மக்களவைக்கு
பிரதமராக நரேந்திர மோடி முன்னிறுத்தப்பட்டு வீசிய
அலையால் மீண்டும் பா.ஜ., வசம் பிராமணர் வாக்குகள்
சென்றன.

இது, ராமர் கோவில் பூமி பூஜையால் அக்கட்சிக்கு வரும்
தேர்தலிலும் வாக்களிக்கும் சூழல் நிலவுகிறது.
இதை தடுத்து பிராமண சமூகத்தினரை தம் பக்கம் இழுக்க
சமாஜ்வாதி, பகுஜன் சமாஜ் மற்றும் காங்கிரஸ் கட்சிகள்
முயல்கின்றன.

இதற்காக, பிராமணர்களுக்கு ஆதரவான பிரச்சனைகளை
எழுப்பி அரசியல் செய்யத் துவங்கி உள்ளன' என,
அரசியல் வல்லுநர்கள் தெரிவித்துள்ளனர்.

தினமலர்

சாதிகள் இல்லையடி பாப்பா! - என்ற பாரதிக்கு முக்காடு போட்டுவிட்டனர்!

இருந்தாலும் இருக்கலாம் காரணம் யோகியை எதிர்த்தால் அவனுக்கு சாவு நிச்சயம்.