1000 கோடி நில மோசடி வழக்கில் கைது ரியல் எஸ்டேட் அதிபர் ஜஸ்டின் பெங்களூர் சிறையில் அடைப்பு

சென்னை, ஜன. 9-

சென்னையை
தலைமையிடமாக கொண்டு ஜே.பி.ஜே. சிட்டி டெவலப்பர்ஸ் என்ற ரியல் எஸ்டேட்
நிறுவனம் இயங்கி வந்தது. இந்த நிறுவனத்துக்கு தமிழகம், கேரளா, ஆந்திரா,
பாண்டிச்சேரியில் 120 கிளைகள் உள்ளன. 40 அலுவலகங்களும் 60 சேவை மையங்களும்
நடத்தி வந்தனர். இதன் உரிமயாளர் “வீட்டுமனை திலகம்” ஜஸ்டின் தேவதாஸ்.

சென்னையில் இந்த நிறுவனத்தின் தலைமை அலுவலகம் அண்ணாநகர் 18-வது மெயின் ரோட்டில் உள்ளது. இங்கு
வீட்டுமனை குறைந்த விலைக்கு தருவதாக கூறி கோடிக்கணக்கில் பணத்தை வாரி
சுருட்டினார். கர்நாடக மாநிலத்தில் சுமார் ரூ.7 கோடி அளவுக்கு பணத்தை
வசூலித்து ஜஸ்டின் தேவதாஸ் தலைமறைவானார்.

கடந்த
ஒரு வருட காலமாக ஜஸ்டின் தேவதாஸ் மீது 100 -க்கும் மேற்பட்ட புகார்கள்
தமிழகத்தில் உள்ள போலீஸ் நிலையத்தில் கொடுக்கபட்டன. குறிப்பாக சென்னை
கமிஷனர் அலுவலகம், திருநெல்வேலி, ஓசூர் போலீஸ் நிலையத்திலும்
கொடுக்கப்பட்ட புகார்கள் என்ன ஆனது என்பது போலீசாருக்கு மட்டுமே தெரிந்த
ரசிகயம்.

போலீசார் நடவடிக்கை எடுக்க தயங்கிய காரணத்தை சாதகமாக பயன்படுத்திய ஜஸ்டின் தேவதாஸ், நிலத்தை முன்பதிவு செய்யுங்கள், ரூ.10 ஆயிரம் கட்டினால் ரூ. 1 லட்சம் கிடைக்கும் என ஆசைவார்த்தை கூறி நூற்றுக்கணக்கில் வாடிக்கையாளர்களை ஏமாற்றி சேர்த்தார்.

நடிகர் விஜயகுமார் மூலமாக
வீட்டு மனை திலகம் என்ற பட்டத்தை தனக்குதானே சூட்டிக்கொண்டார். அனைத்து
டி.வி.யிலும் பெரிய அளவில் விளம்பரங்கள், செய்தார். இதை நம்பி விளக்கில்
விழுந்த விட்டில் பூச்சிகளாய் தங்கள் உழைத்து சம்பாதித்த பணத்தை ஜே.பி.ஜே.
நிறுவனத்தில் மக்கள் கொட்டினர். அத்தனை பணத்தையும் வாரி சுருட்டிய ஜஸ்டின்
தேவதாஸ் பணத்துடன் தலைமறைவாகிவிட்டார்.

இதற்கிடையே
கர்நாடக போலீசார் ரூ.7 கோடி மோசடி போனது புகார் சம்பந்தமாக ஜஸ்டின்
தேவதாசை தேடிவந்தனர். தமிழக போலீசாரை தனது கைக்குள் போட்டுக்கொண்ட தேவதாஸ்
கர்நாடக போலீசை மடக்க முடியவில்லை. சில தினங்களுக்கு முன்பு சென்னை வந்த
பெங்களூர் போலீசார் ஜஸ்டின் தேவதாசை அதிரடியாக கைது செய்தனர்.

அவரை
கோர்ட்டில் ஆஜர்படுத்தி பெங்களூர் மத்திய சிறையில் அடைத்தனர். அதிக
அலுவலகம், அதிக ஏஜெண்டுகள் என இயங்கி வந்த ஜே.பி.ஜே. அலுவலகங்கள்
ஒன்றன்பின் ஒன்றாக மூடப்பட்டன. சென்னையில் பணம் கட்டி நிலம் பெறாமல்
ஏமாந்த வாடிக்கையாளர் போலீஸ் கமிஷனர் அலுவலகத்தை முற்றுகையிட்டனர்.

ஜே.பி.ஜே.
சிட்டி டெவலப்பர்ஸ் நிறுவனம் மீது உடனடியாக வழக்குகள் பதிவு
செய்யப்பட்டது. மத்திய குற்றப்பிரிவு போலீசாரின் விசாரணை மந்தமாக
இருந்ததால் இந்த நிறுவன வழக்குகள் பொருளாதார குற்ற பிரிவுக்கு உடனடியாக
மாற்றப்பட்டுள்ளது. பெங்களூர் சிறையில் உள்ள ஜஸ்டின் தேவதாசை காவலில்
எடுத்து விசாரிக்க முடிவு செய்துள்ளனர்.

அப்போதுதான் எவ்வளவு பேரிடம், எத்தனை கோடிகள் சுருட்டி உள்ளார் என்று
தெரிய வரும் என்று பொருளாதா குற்றப்பிரிவு போலீசார் எதிர்பார்க்கின்றார்.

இதற்கிடையே
புகார் தெரிவித்த வாடிக்கையாளர்கள் பலர் நடிகர் விஜயகுமார் விளம்பரத்தில்
கொடுத்த வாக்குறுதியை நம்பியே வீட்டுமனை திட்டத்தில் முதலீடு செய்தோம்.
எனவே அவரையும் பிடித்து விசாரிக்க வேண்டும். இது போன்ற மோசடி நிறுவன
விளம்பரத்தில் தோன்றி மக்களை ஏமாற்றும் நடிகர் -நடிகைகளுக்கு பாடம் புகட்ட
வேண்டும் என்றும் தெரிவித்துள்ளனர். எனவே நடிகர் விஜயகுமாரிடம்
விசாரிக்கவும் போலீசார் திட்டமிட்டுள்ளனர்.

விமானத்தில் வந்து ஏமாற்றினார்

வீட்டுமனை
திலகம், ஜஸ்டின் தேவதாஸ் வாடிக்கையாளர்களை கவருவதற்கு கோட்ஷூட் அணிந்த 6
அடியாட்கள் புடை சூழ, குட்டி விமானத்தில் வந்து இறங்கி உள்ளார்.
தன்னை
ஒரு மிகப்பெரிய தொழில் அதிபர் போல காட்டிக்கொண்டார். மோசடி பணத்தில் நிறைய
பேருக்கு ரூ. 5 லட்சம் வரை நன்கொடை கொடுத்துள்ளார். அவருடன் அடியாட்கள்
போல வருபவர்கள் அனைவரும் சினிமா ஸ்டண்ட் கலைஞர்கள் என்பது தெரிய
வந்துள்ளது.