முருகன் வழிபட்ட தலம் – குமரக்கோட்டம், சேனாதிபதீஸ்வரர்

**ayyasamy ram** · **ayyasamy ram** Sat Aug 08, 2020 4:48 pm

ஓம் எனும் பிரணவப் பொருள் தெரியாததால்,
பிரம்மாவை சிறை வைத்தார் முருகக் கடவுள் என்பது
தெரியும்தானே.

அப்போது பிரம்மாவைப் போன்று, ருத்திராட்ச மாலை,
கையில் கமண்டலம் கொண்டு பிரம்மசாஸ்தாவாக
திருக்கோலம் பூண்டு, இங்கே காட்சி தருகிறார்
கந்தவேலன்.

`படைப்புக் கடவுள் நான். அனைத்தையும் அறிந்தவன்
நான் ஒருவன் மட்டுமே’ என்று கர்வம் ஏற்பட்டது
பிரம்மதேவருக்கு. அவருடைய கர்வத்தைப் போக்கத்
திருவுள்ளம் கொண்ட முருகப் பெருமான், அவரிடம்
பிரணவப் பொருளை விளக்கும்படி கேட்டார்.

கர்வத்தின் காரணமாகப் பிரணவப் பொருள் தெரியாமல்
விழித்த பிரம்மதேவரை சிறையில் அடைத்து, தானே
படைக்கும் தொழிலை மேற்கொண்டார்.

நடந்த நிகழ்ச்சியை அறிந்துகொண்ட சிவபெருமான்,
முருகனிடம் பிரணவப் பொருளின் விளக்கம் கேட்டார்.
-
முருகன் வழிபட்ட தலம் – குமரக்கோட்டம், சேனாதிபதீஸ்வரர் Kumarakottam

முருகன் வழிபட்ட தலம் – குமரக்கோட்டம், சேனாதிபதீஸ்வரர் Kumarakottam

-
குமரக்கோட்டம் கோவில்.

**ayyasamy ram** · **ayyasamy ram** Sat Aug 08, 2020 4:49 pm

சீடராக இருந்து கேட்டால் உபதேசிக்கப்படும் என்று
முருகப்பெருமான் கூறவே, சிவபெருமானும் சீடனாக
இருந்து உபதேசம் பெற்றார்.

பிரணவத்தின் பொருளை மண்டியிட்டு முருகப்
பெருமானிடமிருந்து ஈசனும் கேட்டுக்கொண்டார்.
என்னதான் திருவிளையாடல் என்றாலும், குருவின்
அம்சமான ஈசனையே சீடனாகக்கொண்டது தோஷம்
என்று அன்னை சக்தியின் மூலம் அறிந்தார்
முருகப்பெருமான்.

தனக்கேற்பட்ட தோஷம் நீங்குவதற்காக, நகரங்களில்
சிறந்ததும் புண்ணியம் மிகுந்ததுமான காஞ்சி நகருக்கு
வந்தார். அங்கே ஒரு மாமரத்தடியில் சிவலிங்கத்தைப்
பிரதிஷ்டை செய்து வழிபட்டார்.
-
முருகன் வழிபட்ட தலம் – குமரக்கோட்டம், சேனாதிபதீஸ்வரர் Kumarakottam002

முருகன் வழிபட்ட தலம் – குமரக்கோட்டம், சேனாதிபதீஸ்வரர் Kumarakottam002

-
சிவபெருமான் சீடனாக இருந்து உபதேசம் பெற்றார்.

முருகர் வழிபட்ட ஈசன் ‘சேனாபதீஸ்வரர்’ என்று
போற்றப்பட்டார். அந்தத் தலமும் ‘சேனாபதீஸ்வரம்’
என்று உருவானது.

மாமரத்தடியில் வழிபட்ட குமரக்கோட்டம் முருகன்
‘மாவடி கந்தன்’ எனப் பெயர் பெற்றார். இவரை
வழிபட்டால், வாழ்க்கையில் நிம்மதியும் மகிழ்ச்சியும்
ஏற்படுவதுடன், ஞானமும் ஸித்திக்கும்.

குமரக்கோட்டம் முருகன் கோவிலில் முருகப்
பெருமானுக்கு ஐந்து தலை நாகமும், வள்ளி,
தெய்வானைக்கு மூன்று தலை நாகமும் குடை
பிடித்தபடி உள்ளன.

இந்த கோலத்தை ‘கல்யாண சுந்தரர்’ கோலம்
என்கிறார்கள். இங்கு வைகாசி பிரம்மோற்சவத்தின்
11ம் நாள், முருகனுக்கும் வள்ளிக்கும் திருக்கல்யாணம்
நடைபெறும்.

அந்த சமயம் அவர்களை வழிபட்டால் அனைத்து
வகையான நாக தோஷங்களும் நிவர்த்தியாகும்
என்கிறார்கள். காஞ்சிபுரம் மத்தியில் இக்கோவில்
உள்ளது.

நன்றி-மெட்ராஸ் போஸ்ட்

முருகன் வழிபட்ட தலம் – குமரக்கோட்டம், சேனாதிபதீஸ்வரர்

முருகன் வழிபட்ட தலம் – குமரக்கோட்டம், சேனாதிபதீஸ்வரர்

Re: முருகன் வழிபட்ட தலம் – குமரக்கோட்டம், சேனாதிபதீஸ்வரர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக