கேரளாவில் தரையிறங்கிய ஏர் இந்தியா விமானம் விபத்து; 191 பேரின் கதி என்ன?

**ayyasamy ram** · **ayyasamy ram** Fri Aug 07, 2020 10:04 pm

-
ஆக 07, 2020 21:43
கோழிக்கோடு:
துபாயிலிருந்து 191 பேருடன் வந்த 'ஏர் இந்தியா எக்ஸ்பிரஸ்' விமானம்,
கோழிக்கோடில் தரையிறங்கிய போது விபத்துக்குள்ளானது.
இதில் விமானி பலியானதாக தகவல்கள் வெளியாகி உள்ளன.

கொரோனா ஊரடங்கால், வெளிநாட்டில் சிக்கி தவிக்கும்
இந்தியர்களை, வந்தே பாரத் திட்டத்தின் மூலம், இந்தியா அழைத்து
வரும் பணியை மத்திய அரசு செய்து வருகிறது.

இந்நிலையில், துபாயில் சிக்கி தவித்த இந்தியர்கள் 191 பேர்,
வந்தே பாரத் திட்டத்தின் கீழ் 'ஏர் இந்தியா எக்ஸ்பிரஸ்' விமானம்
கேரள மாநிலம் கோழிக் கோடு வந்தது.

இந்த விமானம் கோழிக்கோடு கரிப்பூர் விமான நிலையத்தில்,
தரையிறங்கும் போது விபத்துக்குள்ளானது. ஓடுதளம் அருகே வந்த
போது, 35 அடி உயரத்தில் இருந்து விழுந்து விபத்துக்குள்ளானதில்
விமானம் இரண்டாக உடைந்ததாக தகவல்கள் வெளியாகி உள்ளன.

மேலும், இந்த விபத்தில் விமானி பலியானதாக தகவல்கள் வெளியாகி
உள்ளன. தீயணைப்புத்துறையினர், காயமடைந்த பயணிகளை மீட்டு
ஆம்புலன்ஸ் மூலம் அருகிலுள்ள மருத்துவமனைக்கு அனுப்பி வைத்தனர்.

கடும் மழை காரணமாக விபத்து நடந்துள்ளதாக தகவல்கள் வெளியாகி
உள்ளன. விமானத்தின் முன்சக்கரத்தில் பழுது ஏற்பட்டதாகவும், இதனால்,
ஓடுதளத்திலிருந்து விலகி விபத்துக்குள்ளானதாகவும் முதற்கட்ட
தகவல்கள் தெரிவிக்கின்றன. விபத்தில் எவ்வளவு பேர் பலியானார்கள்
என்ற விவரம் வெளியாகவில்லை.
-
தினமலர்

**ayyasamy ram** · **ayyasamy ram** Fri Aug 07, 2020 10:37 pm

கேரளாவில் தரையிறங்கிய ஏர் இந்தியா விமானம் விபத்து; 191 பேரின் கதி என்ன? 202008072138353213_Tamil_News_Air-India-express-plane-accident-in-Kerala_SECVPF

----
helpline Number for inquiries - 0495 - 2376901

**ayyasamy ram** · **ayyasamy ram** Sat Aug 08, 2020 4:47 am

**ayyasamy ram** · **ayyasamy ram** Sat Aug 08, 2020 4:50 am

உயிரிழந்த விமானி இந்திய விமானப் படையின் முன்னாள் பைலட்
-
கேரளாவில் தரையிறங்கிய ஏர் இந்தியா விமானம் விபத்து; 191 பேரின் கதி என்ன? Tamil_News_large_2590953

கோழிக்கோடு: கேரள விமான விபத்தில் உயிரிழந்த விமானியான, விங் கமாண்டர் தீபக் வசந்த் சாதே, இந்திய விமானப் படையின் முன்னாள் பைலட்டாக இருந்தவர் என்ற தகவல் வெளியாகி உள்ளது.

வந்தே பாரத் திட்டத்தின் கீழ், துபாயிலிருந்து 191 பேருடன் வந்த 'ஏர் இந்தியா எக்ஸ்பிரஸ்' விமானம், கோழிக்கோடு கரிப்பூர் விமான நிலையத்தில், தரையிறங்கும் போது, விழுந்து விபத்துக்குள்ளானது.

நேற்று(ஆக.,7) இரவு 7.40 மணியளவில், நடந்த இந்த விபத்தில், விமானம் இரண்டாக பிளந்து சிதைந்தது. விமானத்தில் பயணித்தவர்களில், விமானி விங் கமாண்டர், தீபக் வசந்த் சாதே, குழந்தை உட்பட 16 பேர் பலியாகி உள்ளனர்.

இந்நிலையில், உயிரிழந்த விமானியான விங் கமாண்டர் சாதே, ஏர் இந்தியாவில் பணிக்கு சேரும் முன், இந்திய விமானப் படையின் பைலட்டாக இருந்துள்ளார்.

சாதே குறித்து அதிகாரி ஒருவர் கூறியதாவது:

சாதே, மிகவும் தொழில் நிபுணத்துவம் வாய்ந்தவர். அவருக்கு 58 என்டிஏ தங்கப் பதக்கம் வழங்கப்பட்டுள்ளது. இந்திய விமானப் படையில் சோதனை பைலட்டாக இருந்தவர். இவ்வாறு அவர் கூறியுள்ளார்.

தினமலர்

Sponsored content · Sponsored content

கேரளாவில் தரையிறங்கிய ஏர் இந்தியா விமானம் விபத்து; 191 பேரின் கதி என்ன?

கேரளாவில் தரையிறங்கிய ஏர் இந்தியா விமானம் விபத்து; 191 பேரின் கதி என்ன?

Re: கேரளாவில் தரையிறங்கிய ஏர் இந்தியா விமானம் விபத்து; 191 பேரின் கதி என்ன?

Re: கேரளாவில் தரையிறங்கிய ஏர் இந்தியா விமானம் விபத்து; 191 பேரின் கதி என்ன?

Re: கேரளாவில் தரையிறங்கிய ஏர் இந்தியா விமானம் விபத்து; 191 பேரின் கதி என்ன?

Re: கேரளாவில் தரையிறங்கிய ஏர் இந்தியா விமானம் விபத்து; 191 பேரின் கதி என்ன?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக