உங்க கடைசி ஆசையை இப்பவே சொல்லக் கூடாது.

-
‘‘தலைவருக்கு கம்ப்யூட்டர் அறிவே இல்லேன்னு
எப்படிச் சொல்றே..?’’

‘‘கம்ப்யூட்டர்ல இருக்கிற பைல்களை தூசி தட்டி
வைக்கச் சொல்லி வேலைக்காரன் கிட்ட உத்தரவு
போடறாரே!’’

- பர்வீன் யூனுஸ், சென்னை-44.

-----------------------------------------

‘‘கட்சியின் வளர்ச்சிக்காக எதையும் செய்யத்
தயார்னு சொன்னது தப்பாப் போச்சா...
ஏன் தலைவரே?’’

‘‘ராஜினாமா பண்ணச் சொல்றாங்கய்யா..!’’

- நா.கி.பிரசாத், கோவை.

----------------------------------------

‘‘நிச்சயமா அவர் போலி டாக்டர்தான்னு எப்படி
அவ்வளவு உறுதியாச் சொல்றே..?’’

‘‘உங்களுக்கு கவுன்சிலிங் கொடுக்கணும்னா,
உங்க ஏரியா கவுன்சிலரை கூட்டிக்கிட்டு வாங்கன்னு
சொல்றாரே!’’

- சரவணன், கொளக்குடி.

---------------------------------------

‘‘தலைவருக்கு தண்ணி வாங்கித் தந்து போலீஸ்காரங்க
உண்மையை கக்க வச்சுட்டாங்களாம்...’’

‘‘அடப்பாவி... குறுக்கு விசாரணை பண்றதா சொல்லி,
சரக்கு விசாரணை பண்ணிட்டாங்களா?’’

- வீ.விஷ்ணுகுமார்,கிருஷ்ணகிரி.

-------------------------------------

‘‘எனக்கு ஸ்வீட்னா ரொம்பப் பிடிக்கும் டாக்டர்...’’

‘‘உங்க கடைசி ஆசையை இப்பவே சொல்லக் கூடாது.
ஆபரேஷன் தியேட்டருக்குள்ள போகும்போது சொல்லுங்க,
போதும்!’’

- அனார்கலி, தஞ்சாவூர்.

-----------------------------------

‘‘தலைவர் பண்றது கொஞ்சம் கூட சரியில்லே...’’
ஏன்... என்ன செய்தார்?’’

‘‘அவரோட உருவ பொம்மையைக் கொளுத்தினதுக்குப்
போய், கட்சிக் கொடியை அரைக்கம்பத்துல பறக்க விடச்
சொல்றாரே!’’

- பர்வீன் யூனுஸ், சென்னை-44.

----------------------------------------

இரும்புப்பெட்டியை இரும்புல செய்வாங்க;
மரப்பெட்டியை மரத்துல செய்வாங்க.
அப்ப தீப்பெட்டியை தீயிலயா செய்வாங்க?

- எந்தப் பக்கம் உரசுனாலும்
சொரணையின்றி திரிவோர் சங்கம்

- வி.சகிதா முருகன், தூத்துக்குடி.
-
-----------------------------------------
நன்றி- குங்குமம்