பறந்து வந்த ஸ்பைடர் மென் --பெங்களூரில் நடந்துள்ளது.

**T.N.Balasubramanian** · **T.N.Balasubramanian** Fri Jul 31, 2020 8:36 pm

பெங்களூரு

பெங்களூர்: யாராலும் அவ்வளவு எளிதாக நம்பவே முடியாத ஒரு காட்சி இது.. பெங்களுர் நகரில், சிசிடிவியில் பதிவாகிய அந்த காட்சி, தற்போது வைரலாக சுற்றி வருகிறது. நெரிசலான சாலையில் நடந்து செல்லும் போது, நடந்து செல்பவர் மீது ஆட்டோ மோதுவதை நீங்கள் பார்த்து இருக்கலாம். ஆனால் ஆட்டோ பக்கத்தில் நின்றுகொண்டிருந்த, ஆட்டோ டிரைவர் திடீரென, பல அடி தூரத்துக்கு பறந்து சென்று, சாலையோரம் நடந்து சென்று கொண்டிருந்த ஒரு பெண்ணின் மீது விழுந்து, அவருக்கு 52 தையல்கள் போடப்பட்ட சம்பவம் பெங்களூரில் நடந்துள்ளது.

பெங்களூர் சம்பவம் பெங்களூரின் கிழக்குப் பகுதியில் உள்ளது கிருஷ்ணராஜபுரம். இந்த ஏரியாவில் உள்ள தம்புச்செட்டிபாளையா (டிசி பாளையா) என்ற பகுதியில்தான் இந்த விபரீத சம்பவம் நடந்துள்ளது. பறந்து வந்தவர் ஆட்டோ டிரைவர்.. அதனால் பாதிக்கப்பட்டு 52 தையல்கள் போடப்பட்டவர் 42 வயதாகும் பெண்மணி சுனிதா.

நன்றி தட்ஸ் தமிழ்

**T.N.Balasubramanian** · **T.N.Balasubramanian** Fri Jul 31, 2020 8:40 pm

வயரை இழுத்த பைக் இத்தனைக்கும் காரணம்
சாலையின் குறுக்கே கிடந்த ஒரு வயர். வேகமாக சென்ற ஒரு டூவீலர் அந்த வயரை தனது டயரால் இழுத்துச் சென்றுள்ளது. அப்போது சாலையோரத்தில் நின்று கொண்டிருந்த ஆட்டோ டிரைவரின், கால்களில் வயர்பட்டு அவரை சட்டென இழுத்துச் சென்றுள்ளது. இழுத்த வேகத்தில் வயர் மீது வழுக்கியபடியே போயுள்ளா். தரையிலிருந்து சுமார் பத்தடி உயரத்தில் வழுக்கியபடி அவர் சென்றது, பார்ப்பதற்கு பறப்பது போலவே இருந்தது.

பறந்து சென்ற ஆட்டோ டிரைவர் ரோப்கார் என்று கூறுவோமே, அதில் கம்பியின் கீழே, மக்கள் பயணிக்க கூடிய அளவுக்கு கூண்டு மாதிரி தயார் செய்திருப்பார்கள். அது கம்பியில் வழுக்கிக் கொண்டே செல்லும். ஆனால் இங்கு வயர் மீது ஆட்டோ டிரைவர் வழுக்கியபடி பல அடி தூரத்துக்கு பறந்து வந்துள்ளார். அப்படி வந்தவர், அங்கே நடந்து சென்று கொண்டிருந்த சுனிதா என்ற பெண்மணி மீது மோதினார். நிலைகுலைந்த சுனிதா தலை குப்புற விழுந்தார்.

பெண் மீது மோதல் இதன்பிறகு ஆட்டோ டிரைவர் மேலும் சில அடி தூரம் உருண்டு சென்று விட, இருவருக்கும் என்ன நடந்தது என்றே தெரியாமல் அடிபட்ட வேதனையில் துடித்தனர். அதிர்ஷ்டவசமாக சுனிதாவின் கணவரான கிருஷ்ணமூர்த்தி என்ற சுகாதாரத்துறை இன்ஸ்பெக்டர், அருகே பணியாற்றிக்கொண்டு இருந்தார். அங்கேயிருந்தவர்கள் விஷயத்தை சொல்ல, அவர் ஓடி வந்து சுனிதாவை மருத்துவமனையில் சிகிச்சைக்கு சேர்த்தார். அங்கு அவருக்கு 52 தையல்கள் போடப்பட்டன. நல்லவேளையாக சுனிதா உயிர் தப்பினார். ஆட்டோ டிரைவர் லேசான காயங்களுடன் தப்பி உள்ளார்.

**T.N.Balasubramanian** · **T.N.Balasubramanian** Fri Jul 31, 2020 8:54 pm

சிசிடிவி காட்சிகள் இந்தச் சம்பவம் ஜூலை 16ஆம் தேதி காலை 11. 30 மணியளவில் நடந்துள்ளது. ஒருவழியாக சிகிச்சை முடித்து சுனிதா வீடு திரும்பிய பிறகு அந்த பகுதியில் உள்ள சிசிடிவி கேமராவை பரிசோதித்து பார்த்து உள்ளார் கிருஷ்ணமூர்த்தி. அப்போதுதான் இந்த சம்பவத்தின் பின்னணி பற்றி அவருக்குத் தெரிய வந்துள்ளது. சுனிதா அந்த பகுதியில் ஹோட்டல் வைத்து நடத்தி வருகிறார். அப்பகுதி மக்களுக்கு அவர் பரிச்சயமானவர். எனவே உடனடியாக உதவி கிடைத்து மருத்துவமனையில் சிகிச்சை பெற முடிந்தது என்பது கவனிக்கத்தக்கது. சாலையில் வயர்கள் பெங்களூரில் ஆங்காங்கே இணையதள வயர்கள், சாட்டிலைட் கேபிள் வயர்கள் கிடப்பதால் விபத்துகள் ஏற்படுவதாக கூறி, கடந்த வருடம் மாநகராட்சி பைபர் கேபிள்களை கட் செய்து விட்டது. இதனால் இணையதள சேவை கடுமையாக பாதிக்கப்பட்டதாக எதிர்ப்பு கிளம்பியது. இதையடுத்து அந்த நடவடிக்கை நிறுத்தி வைக்கப்பட்டுள்ளது. இந்த சம்பவத்துக்கு பிறகு மறுபடியும் இணையதள கேபிள்களை கட் செய்வதற்கு மாநகராட்சி, ஆயத்தமாகி வருவதாக கூறப்படுகிறது.

**T.N.Balasubramanian** · **T.N.Balasubramanian** Fri Jul 31, 2020 9:00 pm

எல்லா ஊரிலும் இது இனி நடக்கும்.

கேபிள் டிவி ஒயர்கள் /இன்டர்நெட் கேபிள்கள் ரோடின் குறுக்கும் நெடுக்கும் ஊஞ்சல் ஆடுகின்றன.
ஆட்சியாளர்கள் நிறுவனங்கள் செய்கின்ற அடாவடிகள் தான் இவை.

20 வருட அவலக்ஷ்ணங்கள் .

ரமணியன்

**krishnaamma** · **krishnaamma** Sat Aug 01, 2020 12:56 am

**ayyasamy ram** · **ayyasamy ram** Sat Aug 01, 2020 8:29 am

SK · SK Sat Aug 01, 2020 1:24 pm

தூக்கி அடிச்சுடுவேன் பாத்துக்க

**ராஜா** · **ராஜா** Sat Aug 01, 2020 2:54 pm

நல்லவேளை உயிர்பலி ஏதும் இல்லை
இந்த கேபிள் ஒயர்கள் , மாஞ்சா கயிறு போன்றவற்றை அரசு கொஞ்சம் கவனுத்துடன் கையாள வேண்டும்

Guest · Guest Sat Aug 01, 2020 5:50 pm

இந்தியாவில் இது எல்லாம் சாதாரணம்.வழக்கு போட்டால் பல வருடங்கள் தாமதம்,முறையீடு செய்தால் கண்டு கொள்ளாமல் அசட்டை….. நமக்கென்ன என ஒதுங்கிக் கொள்ளும் மக்கள்…..

லாக்டவுணில் இணையத் தொடர்பு துண்டிக்கப்படக் கூடாது என்பதில் ஆர்வம் காட்டிய நெட்வேர்க் நிறுவனம்,தொங்கும் OFC ஐ சாதாரணமாக எண்ணியது அதற்கு தங்கள் தவறுகளை மறைத்து விளக்கம் கொடுத்தது, ஒரு வருடம் முதலே விதிமுறைகளை மீறும் செயல்களை முறையிட்டும் கண்டு கொள்ளாத நிர்வாகம்……...

நேற்று நடந்ததை மறந்து,செய்திகளை பொழுதுபோக்காக படித்து கடந்து போகும் நமக்கு….இதுவும் சர்வசாதாரணமாய் கடந்து போகும்.

**T.N.Balasubramanian** · **T.N.Balasubramanian** Sat Aug 01, 2020 6:54 pm

SK wrote:தூக்கி அடிச்சுடுவேன் பாத்துக்க

மேற்கோள் செய்த பதிவு: 1326278

யாருங்க இது பறந்து வந்து பதில் போடறது?
பார்த்த முகமா இருக்கு!!!!!

ரமணியன்

@SK

Sponsored content · Sponsored content

பறந்து வந்த ஸ்பைடர் மென் --பெங்களூரில் நடந்துள்ளது.

பறந்து வந்த ஸ்பைடர் மென் --பெங்களூரில் நடந்துள்ளது.

Re: பறந்து வந்த ஸ்பைடர் மென் --பெங்களூரில் நடந்துள்ளது.

Re: பறந்து வந்த ஸ்பைடர் மென் --பெங்களூரில் நடந்துள்ளது.

Re: பறந்து வந்த ஸ்பைடர் மென் --பெங்களூரில் நடந்துள்ளது.

Re: பறந்து வந்த ஸ்பைடர் மென் --பெங்களூரில் நடந்துள்ளது.

Re: பறந்து வந்த ஸ்பைடர் மென் --பெங்களூரில் நடந்துள்ளது.

Re: பறந்து வந்த ஸ்பைடர் மென் --பெங்களூரில் நடந்துள்ளது.

Re: பறந்து வந்த ஸ்பைடர் மென் --பெங்களூரில் நடந்துள்ளது.

Re: பறந்து வந்த ஸ்பைடர் மென் --பெங்களூரில் நடந்துள்ளது.

Re: பறந்து வந்த ஸ்பைடர் மென் --பெங்களூரில் நடந்துள்ளது.

Re: பறந்து வந்த ஸ்பைடர் மென் --பெங்களூரில் நடந்துள்ளது.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக