டேனி - சினிமா விமரிசனம்

**ayyasamy ram** · **ayyasamy ram** Sat Aug 01, 2020 9:32 pm

நடிகர் நடிகர் இல்லை
நடிகை வரலட்சுமி
இயக்குனர் சந்தானமூர்த்தி
இசை சந்தோஷ் தயாநிதி
ஓளிப்பதிவு அனந்த்குமார்
-
தஞ்சாவூரில் இன்ஸ்பெக்டராக இருக்கும் வரலட்சுமி,
அம்மா, தங்கையுடன் வாழ்த்து வருகிறார். இந்நிலையில்,
மர்மான முறையில் ஒரு பெண் தீ வைத்து கொலை
செய்யப்படுகிறார்.

பெண்ணின் கணவர்தான் கொலை செய்திருக்க கூடும்
என்று எல்லோரும் நம்பும் நிலையில், போலீஸ்
டிபார்ட்மெண்ட்டில் குற்றாவாளிகளை திறமையாக
கண்டுபிடிக்கும் டேனியை (நாய்) வைத்து கணவர் கொலை
செய்ய வில்லை என்று கண்டு பிடிக்கிறார் வரலட்சுமி.

கொலையாளிகளை பற்றி தீவிரமாக விசாரிக்கும் நிலையில்,
வரலட்சுமியின் தங்கை அனிதா சம்பத்தும் அதேபோல்
கொலை செய்யப்படுகிறார். இந்த கொலை விசாரணையில்
பல திடுக்கிடும் தகவல்கள் வரலட்சுமிக்கு கிடைக்கிறது.

இறுதியில் அந்த கொலைகளை செய்தது யார்? எதற்காக
செய்தார்கள்? வரலட்சுமி எப்படி கண்டு பிடித்தார்? என்பதே
படத்தின் மீதிக்கதை.

படத்தின் மொத்த பளுவையும் தூக்கி சுமக்கிறார் நடிகை
வரலட்சுமி. மிடுக்கான தோற்றத்துடனும் ரப்பான
முகத்துடனும் தன்னுடைய கதாபாத்திரத்திற்கு வலு
சேர்த்திருக்கிறார்.

**ayyasamy ram** · **ayyasamy ram** Sat Aug 01, 2020 9:32 pm

தங்கை மீது பாசம், கொலையாலிகளை பிடிக்க வேண்டும்
என்ற வெறி என்று நடிப்பில் வித்தியாசம் காண்பித்து
இருக்கிறார்.

களவாணி 2 படத்தில் நடித்த துரை சுதாகர் இந்த படத்தில்
போலீசாக வருகிறார். கதாபாத்திரத்தை உணர்ந்து சிறப்பாக
நடித்திருக்கிறார். வில்லனாக நடித்திருக்கும் வினோத் கிஷன்
இதற்கும் முன் இது போன்று கதாபாத்திரத்தில்
நடித்திருப்பதால் பெரியதாக தெரியவில்லை.

சிறிது நேரம் மட்டுமே வந்தாலும் மனதில் பதிகிறார்
அனிதா சம்பத். வேலா ராமமூர்த்தி கொடுத்த வேலையை
செய்திருக்கிறார். துப்பறிவாளனாக வரும் டேனி சிறப்பு.
இன்னும் நிறைய காட்சிகள் டேனிக்கு வைத்திருக்கலாம்.

கிரைம் திரில்லர் கதையை படமாக்கி இருக்கிறார் இயக்குனர்
எல்.சி.சந்தானமூர்த்தி. தேவையற்ற காட்சிகளை வைக்காமல்
1 மணி நேரம் 35 நிமிடத்தில் படத்தை முடித்திருப்பது சிறப்பு.
கதாபாத்திரங்களிடம் திறமையாக வேலை வாங்கி இருக்கிறார்.

சந்தோஷ் தயாநிதி, சாய் பாஸ்கர் இசையில் பாடல்கள்
கதையோடு ஒன்றி பயணிக்கிறது. பின்னணி இசையில்
கவனிக்க வைத்திருக்கிறார்கள். ஆனந்த்குமாரின் ஒளிப்பதிவை
ரசிக்கலாம்.

மொத்தத்தில் ‘டேனி’ மிதமான வேகம்.
-
----------------------------

மாலைமலர்

Guest · Guest Sun Aug 02, 2020 9:02 pm

வரலட்சுமியை வைத்து படம் எடுத்துள்ளார்கள்.படம் ஸ்லோ மோசனில் நகருகிறது.
வரலட்சுமியின் உரையாடல் எதுவும் புரியவில்லை.வொயிஸ் ட்ரான்சிலேசன் கொண்டு பார்க்க வேண்டி இருந்தது.தமிழ் போல் இருந்த தமிழ்.

**T.N.Balasubramanian** · **T.N.Balasubramanian** Mon Aug 03, 2020 6:26 pm

சக்தி18 wrote:வரலட்சுமியை வைத்து படம் எடுத்துள்ளார்கள்.படம் ஸ்லோ மோசனில் நகருகிறது.
வரலட்சுமியின் உரையாடல் எதுவும் புரியவில்லை.வொயிஸ் ட்ரான்சிலேசன் கொண்டு பார்க்க வேண்டி இருந்தது.தமிழ் போல் இருந்த தமிழ்.

மேற்கோள் செய்த பதிவு: 1326442

ஸ்லோ மோக்ஷனிலேயே ஒரு மணி 35 நிமிடங்கள் என்றால்.
ஸ்லோ மோஷன் இல்லை என்றால் 80 நிமிடத்தில் முடிந்திருக்குமோ? அய்யோ, நான் இல்லை

ரமணியன்

**ayyasamy ram** · **ayyasamy ram** Mon Aug 03, 2020 7:05 pm

டேனியாக நடிக்கும் நாயக்காக எழுதப்பட்ட
'ஹேய் டேனி' என்ற பாடலின் லிறிக்கல் வீடியோவை
இயக்குநர் பா. ரஞ்சித் அவர்கள் வெளியிட்டுள்ளார்.

இந்த படத்திலற்கு சாய் பாஸ்கர் இசையமைத்துள்ளார்.
சதிஷ் குமார் வரிகள் எழுத உதய் கண்ணன், சாய் பாஸ்கர்
பாடியுள்ளனர்.

தற்போது இந்த பாடல் சமூக வலைத்தளங்களில் மிகவும்
வைரலாகி வருகிறது.
-

Sponsored content · Sponsored content

டேனி - சினிமா விமரிசனம்

டேனி - சினிமா விமரிசனம்

Re: டேனி - சினிமா விமரிசனம்

Re: டேனி - சினிமா விமரிசனம்

Re: டேனி - சினிமா விமரிசனம்

Re: டேனி - சினிமா விமரிசனம்

Re: டேனி - சினிமா விமரிசனம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக