எவரெஸ்ட் சிகரத்தை சுற்றுலாவுக்காக திறந்த நேபாளம்..!

**ayyasamy ram** · **ayyasamy ram** Sat 1 Aug 2020 - 4:04

கொரோனா குறித்து நிச்சயமில்லாத சூழலுக்கு மத்தியில்,
சுற்றுலாத்துறையை மீட்கும் நடவடிக்கையாக எவரெஸ்ட்
உள்ளிட்ட சிகரங்களை சுற்றுலாவுக்கு திறப்பதாக நேபாள
அரசு அறிவித்துள்ளது.
-
எவரெஸ்ட் சிகரத்தை சுற்றுலாவுக்காக திறந்த நேபாளம்..! Tamil_News_large_2586645

எவரெஸ்ட் சிகரத்தை சுற்றுலாவுக்காக திறந்த நேபாளம்..! Tamil_News_large_2586645

-
கொரோனா பரவல் காரணமாக கடந்த மார்ச் மாதம் நேபாளம்
தனது எல்லைகளை மூடுவதாக அறிவித்தது.
இதுவரை கொரோனா தொற்றுக்கு 19,547 பேர் பாதிக்கப்
பட்டுள்ளனர்.

இமாலய மலைத்தொடரில் அமைந்துள்ள இயற்கை எழில்
கொஞ்சும் நாடான நேபாளில் மலையேற்றம் மற்றும் சுற்றுலா
மூலம் பல மில்லியன் கணக்கில் வருவாய் மற்றும்
வேலைவாய்ப்பை பெற்று வந்த நிலையில், கொரோனா
ஊரடங்கால் பாதிப்பை சந்தித்தது.

இந்நிலையில் கடந்த வாரம் அங்கு ஊரடங்கு கட்டுப்பாடுகள்
தளர்த்தப்பட்டதை அடுத்து, தற்போது மலையேற்றம் உள்ளிட்ட
சுற்றுலா நடவடிக்கைகளுக்காக திறக்கப்படுவதாக
சுற்றுலாத்துறை இயக்குனர் மீரா ஆச்சார்யா தெரிவித்துள்ளார்.

நேபாளத்தில் சர்வதேச விமானப் போக்குவரத்து சேவை வரும்
ஆக.17ம் தேதி துவங்கவுள்ளது. வெளிநாடுகளில் இருந்து வரும்
சுற்றுலா பயணிகள் எத்தனை நாட்கள் தனிமைப்படுத்தலில்
இருக்க வேண்டும், பாதுகாப்பு விதிமுறைகள் குறித்து அதிகாரிகள்
தயார் செய்து வருவதாகவும் மீரா தெரிவித்தார்.

தினமலர்