ஜெ., வீட்டின் மதிப்பு ரூ.67.90 கோடி; நீதிமன்றத்தில் அரசு செலுத்த உத்தரவு

**ayyasamy ram** · **ayyasamy ram** Sat Jul 25, 2020 7:20 am

சென்னை :
மறைந்த முன்னாள் முதல்வர் ஜெயலலிதாவின் வீட்டை
நினைவு இல்லமாக மாற்ற வீட்டிற்கான இழப்பீட்டு
தொகை 67.90 கோடி ரூபாயை நீதிமன்றத்தில் செலுத்தும்படி
அரசுக்கு நிலம் கையகப்படுத்தும் அதிகாரி லட்சுமி
உத்தரவிட்டுள்ளார்.

சென்னை போயஸ் கார்டன் பகுதியில் மறைந்த முதல்வர்
ஜெ. வசித்த 'வேதா இல்லம்' உள்ளது. இதை நினைவு இல்லமாக
மாற்ற தமிழக அரசு முடிவு செய்தது.

இந்த வீட்டின் மதிப்பு 67.90 கோடி ரூபாய் என தீர்மானிப்பட்டது.
ஜெ. வாரிசுதாரர்களான அவரது அண்ணன் மகள் தீபா அவரது
சகோதரர் தீபக் ஆகியோர் ஜெ. இல்லத்தை நினைவு இல்லமாக
மாற்ற எதிர்ப்பு தெரிவித்தனர்.

வருமான வரித்துறை சார்பில் ஜெ. செலுத்த வேண்டிய வரி பாக்கி
36.87 கோடி ரூபாயை செலுத்த வேண்டும் என வலியுறுத்தப்பட்டது.
ஜெ. வாரிசுதாரர்களான தீபா, தீபக் ஆகியோர் இழப்பீட்டு
தொகையை கோரவில்லை.

எனவே ஜெயலலிதா இல்லத்தை கையகப்படுத்த இழப்பீட்டு
தொகையான 67.90 கோடி ரூபாயை நீதிமன்றத்தில் அரசு செலுத்த
நிலம் கையகப்படுத்தும் அதிகாரி லட்சுமி உத்தரவிட்டுள்ளார்.

தினமலர்

**மாணிக்கம் நடேசன்** · 14/12/2009

பெருமையாக வாழ்ந்த ஜெயா, இறந்த பிறகு இப்படி ஒரு செய்தியா? வருத்தமாகத்தான் இருக்கிறது. ஆடிய ஆட்டம் என்ன, தேடிய செல்வமென்ன பாடல்தான் நினைவிற்கு வருகிறது.

**T.N.Balasubramanian** · **T.N.Balasubramanian** Sat Jul 25, 2020 5:44 pm

இரும்பு பெண்மணி என இந்திரா காந்திக்கு பிறகு பலராலும்
போற்றப்பட்டவர். யாரோ கடைசி காலத்தில் ஒருவரால் இயக்கப்பட்டாரோ
என்ற சந்தேகம் இன்னும் பலர் மனதில் உண்டு.

எவ்வளவு சொத்து இருந்தும் என்ன பயன்?
உற்றார் உறவினர் இருந்தும் என்ன பயன்?

ரமணியன்

**ayyasamy ram** · **ayyasamy ram** Sat Jul 25, 2020 6:34 pm

எனவே ஜெயலலிதா இல்லத்தை கையகப்படுத்த இழப்பீட்டு
தொகையான 67.90 கோடி ரூபாயை நீதிமன்றத்தில் அரசு செலுத்தி
விட்டது.
-
இழப்பீட்டு தொகையை செலுத்தியதால் போயஸ் கார்டன்
இல்லம் அரசுடைமை ஆக்கப்பட்டுவிட்டதாக தமிழக அரசு
கூறி உள்ளது.